PINAS

Mga manlalarong pinarangalan sa UAAP LXXIX volleyball

Sa Women’s Division awards, kinilalang “Most Valuable Player” (MVP) ang 6-foot-1 na si Joy Baron ng De La Salle University para sa University Athletics Association of the Philippines (UAAP) Season 79 Women’s Volleyball.

Nakuha naman ni Juliane Marie Samonte ng Ateneo de Manila University ang “Rookie of the Year.”

Tatlong awards naman ang nakuha ni Alyja Daphne Santiago ng National University (NU) Lady Bulldogs na kinabibilangan ng “Best Scorer,” “Best Spiker” at “Best Blocker.”

Sa ikalawang sunod na taon, nakamit ng graduating playmaker ng Lady Spikers na si Kim Fajardo ang “Best Setter” at “Best Server.”

Tulad ni Fajardo, nagwagi rin sa ikalawang sunod na taon si La Salle libero Dawn Nicole Macandili bilang “Best Receiver” samantalang napunta naman sakapwa niya liberian ng University of the East (UE) na si Kathleen Faith Arado ang karangalan bilang “Best Digger.”

Sa Men’s Division awards, wagi naman si Ateneo ace spiker Marck Jesus Espejo bilang fourth straight “MVP” matapos pamunuan ang defending champion na Blue Eagles sa eliminations.

Bukod sa “MVP” award, si Espejo rin ang itinanghal na “Best Spiker” at  ”Best Scorer.”

Nakamit naman ng kanyang teammate na si Chumason Celestin Njigha ang parangal bilang “Rookie of the Year.”

Nagtala rin ng 4th straight “Best Setter” award ang Blue Eagles playmaker na si Esmilzo Joner Polvorosa. Ang iba pang individual awardees ay sina Ricky Marcos at Bryan Bagunas ng NU na napiling “Best Digger” at “Best Server” ayon sa pagkakasunod at sina John Paul Bugaoan at Rikko Marketo ng Far Eastern University(FEU) bilang “Best Blocker” at “Best Receiver.”

Ateneo kampeon sa UAAP Men’s Volleyball

TINAPOS ng Ateneo de Manila ang makasaysayang season sweep sa madamdaming come-from-behind, 18-25, 25-16, 20-25, 25-18, 15-13, panalo kontra sa National University (NU) para makuha ang UAAP Season79 Men’s Volleyball title kamakailan sa Smart-Araneta Coliseum.

Sa kabuuan, naitala ng Blue Eagles ang 30 sunod na panalo mula noong nakaraang season at ika-10 sunod ding panalo nila kontra-Bulldogs mula noong Season 77. Sa pamumuno ni fourtime “Most Valuable Player” Marck Espejo, binigyan ng Blue Eagles ng magandang pabaon sa pagtatapos ng kanilang playing years sina Rex Intal at Josh Villanueva.