Nakuhanan ng lalaki sa New York ng video ang aso nitong lumalangoy sa Long Island Sound upang iligtas ang nalulunod na batang usa.

Naglalakad umano si Mark Freeley sa dalampasigan kasama ng kanyang golden retriever na si Storm at isang asong si Sara nang tumakbo si Storm sa dagat at nagsimulang lumangoy patungo sa isang bagay.

Nang lumangoy pabalik sa baybayin ang aso ay bitbit na nito ang isang batang usa at hinila ito hanggang sa makarating sa ligtas na lugar.