PINAS

Stress, isa sa dahilan ng pagkakaroon ng eyebags at dark circles

Masyadong busy?

Stress?

Wait a minute, baka hindi mo na namamalayan na may eye bags at nangingitim na ang ilalim ng iyong mga mata? 

Alam mo ba na kadalasang sanhi nito ay pagpupuyat, kulang sa tulog, sobrang gimmick, paninigarilyo at pag-inom ng alak.

Pero worry no more dahil narito ang ilan sa mga tips para mabawasan ang iyong eye bags. 

  1. Matulog ng 7-8 oras bawat gabi. Kung hindi makatulog, humiga lang at ipikit ang mata.
  1. Magpalamig ng ilang hiwa ng pipino. Ilagay ang pipino sa yelo o refrigerator. Ipikit ang mata at ipatong sa ibabaw ng mata ng 15 minuto. Palitan ang pipino kapag hindi na ito malamig.
  1. Puwede ring gumamit ng tea bags. Ilubog ang 2 tea bags sa maligamgam na tubig. Pagkatapos ay palamigin ito sa refrigerator. Ipatong ang tea bags sa mata ng 15 minuto. Ang sangkap na tannin sa tea ay nakatutulong sa pagbabawas ng pamamaga at pangingitim ng mata.
  1. Kung nagmamadali, kumuha ng yelo o pinalamig na kutsara at ipatong ito sa eye bags. Gawin ito ng ilang minuto lang habang malamig pa ang kutsara.
  1. Uminom ng 8-10 basong tubig bawat araw. Para hindi dehydrated ang katawan.
  1. Umiwas sa nakaka-allergy na bagay o pagkain. Puwedeng mamaga ang mata kapag may allergy.
  1. Magbawas ng stress at huwag sumimangot. Maging masaya para gumanda at mabawasan ang eye bags.