PINAS

Bayan, prayoridad; boxing career, makapaghihintay

Bayan, prayoridad; boxing career, makapaghihintay

Ni: Noli Liwanag

AYON sa Top Rank, ‘waiting’ pa rin sa magiging takbo ng boxing career ni Pinoy boxing champ Sen. Manny Pacquiao.
Sa ngayon ay tahimik pa rin ang kampo ni Pacquiao kung muli ba itong sasabak sa boxing.

Ayon kay Top Rank President Todd DuBoef, wala umano silang ideya kung may balak pa ba si Pacquiao na tumungtong muli sa boxing ring.

Alam din ng opisyal na abala si Pacquiao sa trabaho nito bilang mambabatas.
Una rito, sinabi ni Top Rank CEO Bob Arum na hadlang umano ang pagiging tutok ng “Fighting Senator” sa kanyang pagiging pulitiko.

Magugunitang umatras si Pacquiao sa dapat sana’y rematch nito kay Horn dahil may mga conflict umano sa kanyang trabaho bilang senador.