PINAS

Max Collins, Feeling dalaga pa rin si Misis

Ni: Wally Peralta

‘HEAVEN’ yan ang feeling ngayon ng bagong kasal na si Max Collins sa Kapuso actor na si Pancho Magno.

Last Dec. 11, 2017 lang ay kinasal na si Max sa isang simpleng seremonya na ginawa sa Marriott Grand Ballroom sa Pasay City. Kaya’t sa pagpasok ng bagong taon ay may bagong pangalan na si Max, Mrs. Isabelle Abiera Collins-Magno na siya.

Sa ngayon ay hindi pa lubusan na-eenjoy nina Max at Pancho ang buhay mag-asawa nila, pareho kasi silang may showbiz commitments na hindi pa natatapos bago sila nagpakasal, si Pancho ay may on-going teleseryeng “Haplos” na pinagbibidahan niya kasama sina Sanya Lopez at Rocco Nacino, samantalang si Max Collins ay may bagong soap opera na ginagawa ang “The One That Got Away” kasama sina Dennis Trillo, Lovi Poe, Rhian Ramos, Jason Abalos, Ivan Dorschner, Migo Aldecer, Snooky Serna at marami pang iba.

Ano kaya ang unang pumasok sa isipan ni Max noong first day na misis na siya?

“I have now a bigger family, ang saya-saya, ha ha ha!” ang masayang bungad ni Max.

“I spend the holiday season with his family. Malaki talaga ang pamilya ng mister ko.”

 

Adjustment period

Kahit pa sabihin na almost one month na rin niyang nakakasama ang mister sa buhay ay aminado ang young actress na nasa adjustment period pa rin siya. Pagdating naman sa kanyang personal na pakiramdam, super happy raw si Max sa bagong buhay niya kapiling ang mister pero sa ngayon ay may mga bagay na ina-adjust pa rin ang actress.

Noong nagsama na raw sila sa iisang bubong ni Pancho, feeling ni Max ay mag-boyfriend at girlfriend pa rin sila.

“Kakaiba talaga pala yung feelings na may asawa ka na, lalo pa ang napangasawa mo ay yung taong mahal mo!”

“Since na katatapos lang holiday season, bonding time sa kanyang pamilya at sa pamilya ko rin dagdag pa rito na kakasal pa lang namin ni Pancho, frankly speaking hindi pa talaga nagsi-sink-in sa isipan ko right now na married na ako, ha ha ha ha,” ang masayang say ni Max.

“After the wedding kasi, nagkaroon ng maraming trabaho, di ba? We’ve been promoting, taping and going to so many events ng GMA-7.”

“Busy si Pancho with his show Haplos, ‘tapos ako naman itong ‘The One That Got Away’”.

“Magkaiba minsan ang schedules namin sa work kaya halos hindi kami magkasama sa iisang araw lang. But we’re doing our best to really adjust to this married life.”

May malaking pagbabago na talaga. Iba na talaga, kasi by this time ay hindi lang yung sarili mo ang iisipin mo. Dapat isipin mo rin yung husband mo. Yun talaga ang differences, now im less selfish. Mas naging pasensiyosa ako, mas naging loving.”

 

Pending honeymoon

Isang magandang pangyayari sa buhay ng bagong kasal ay ang kanilang honeymoon period. Dito mas lalong napapamahal ang bawat isa dahilan sa puno ng pagmamahalan ang mga araw na ginagawa nila ang honeymoon. Sa kaso ni Max, kasal pa lang ang nangyari sa kanila ng mister at wala pang honeymoon na nangyayari?

 

“Pag may time na kami saka na siguro yung honeymoon,” ani  ni Max.

Does it means also malabo pang maghoneymoon sila ni Pancho this year?

“Siguro this year din after noong show namin, may ‘The One That Got Away’ ako, while my husband mayroon siyang ‘Haplos’ both on GMA-7”.

“Pag nagbakasyon kami gusto namin yung one month honeymoon period, ha ha ha ha.”

“Isang mahabang bakasyon sa Europe. We want to go to Italy, Greece and Spain.”

 

Baby soon

Wala man oras o araw na binigay si Max kung kailan talaga this year magaganap ang honeymoon, natanong na rin ang bagong kasal kung sabay na ba sa one-month long vacation nila ng mister ang pagbuo ng pamilya, as in feel na rin nila na magkababy agad?

“Oh well, ha ha ha ha, no one can tell!”

“Pero kung ako lang ang masusunod, hindi pa ako ready this year, baka next year okey na sa akin magdalangtao.”

“Kasi right now bisi-bisihan pa kami pareho at ngayon taon ay pareho naming priority ang work.”

 

Bagong buhay, bagong bahay

Sa ngayon ay aminado si Max na wala pa silang dream house na titirahan na mag-asawa, pag-iipunan pa raw nila ito at pansamantala ay sa isang townhouse na muna sila manunuluyang mag-asawa.

“Nakiusap ako kay Pancho na sa townhouse muna kami kasi binabayaran ko pa ‘yon. He’s going to help me pay it off and then eventually yung goal namin is makalipat sa mas malaking bahay.”

“Gusto namin mag-ipon muna habang nagtatrabaho, so it is more of a practical decision.”

“By now we are living in our new house, and with my brother with us for the meantime. Moving in all those stuffs to our new house, hindi pa tapos. May portion pa rin ng house na hindi pa masyadong naayos, gusto namin ayusin yung kitchen, we want it more bigger kasi kami na rin ng asawa ko ang magluluto.”

“Actually hindi pa ako sanay magluto, si Pancho pa rin ang nagluluto, sa ngayon ay ini-enjoy ko muna yung process.”

“We do chores together, kaming dalawa na rin ang naglilinis. Pati na rin yung decoration sa bahay ay kaming mag-asawa ang nagtutulong-tulong mag-ayos.”

 

Walang kasambahay

“Kasi as starter we want to start na kami lang ng mister ko,” pagtatapos ni Max.