PINAS

4th phase ng Zapote River Drive Road, pinasinayaan

Pinas News

PINAGUNAHAN mismo ni Senator Cynthia Villar ang inagurasyon ng 4th phase ng Zapote River Drive Road Project, upang mabawasan ang pagsisikip ng trapiko at pagbaha sa Las Piñas City. Sinamahan si Villar nina DPWH Sec. Mark Villar, Mayor Imelda Aguilar kasama ang local government officials at homeowners ng iba’t ibang subdivisions sa Las Piñas.

Mula sa labinlimang kilometrong river drive project sa kahabaan ng Zapote Riverside umabot na ngayon sa sampung kilometro ang natapos sa nasabing proyekto.

Katuwang sa naturang pagpapasinaya si Senate Agriculture and Food Committee Chairman, at Founder ng Villar Sipag Senador Cynthia Villar.

Umaasa ang senador na makatutulong ang nasabing proyekto sa mas magaang daloy ng trapiko sa lungsod at maibsan ang mabilis na pagbaha sa lugar.

Dumating din sa nasabing programa si Public Works and Highways Secretary Mark Villar.

Sakaling matapos ang kabuuang 15 kilometer river drive project, tinatayang libu-libong motorista ang makikinabang dito sa alternatibong daan na nagdurugtong sa Brgy. Zapote hanggang sa may bahagi ng Daang Hari malapit sa Alabang, Muntinlupa.