Ni: Jonnalyn Cortez

SUMASAILALIM ang marami nating kababayan sa micro blading o yung pagtatato ng kilay dahil ‘kilay is life’ nga raw. Ito ay kinokonsidera na semi-permanent makeup o cosmetic tattooing.

Maaari mo nang pakapalin ang manipis mong kilay sa tulong ng procedure na ito – makakatipid ka na sa oras ng pagme-make up, mukha pang natural.

Ngunit, katulad ng ibang medical procedures, ang pagsasagawa nito ay mayroon ding pros at cons.

 

Pros

Dahil nga semi-permanent, mawawala rin ang epekto ng micro blading sa loob ng lagpas isang taon. Sa pabago-bagong proseso ng pagpapaganda, maaari ka muling sumubok ng iba at hindi ma-stuck dito kumpara sa eyebrow tattoo.

• Nabubura rin ito sa natural na paraan at unti-unti.
• Mabilis gawin. Inaabot lamang ng dalawang oras at halos dalawang sesyon lang ang kailangan para sa proseso na ito. Kahit pa kailangan ng retouch, paminsan-minsan lang naman ito at kung kinakailangan lang.
• Siyempre pa, ikaw ang mamimili ng sarili mong style – mula hugis, kapal, at di lamang gagaya sa iba.

Cons

Gumagamit ang mga medical specialist ng fine blade para sa microblading. Ito naman ang humihiwa ng pinong-pino sa iyong balat. Sa katunayan halos 100 hiwa ang ginagawa nito. Sinasawsaw sa tinta at dahan-dahang kakayudin ang balat upang maglagay ng bagong kilay.

• Dahil dito, kailangang propesyonal na medical specialist ang gagawa sa’yo nito upang maiwasang magkamali.
• Kailangan ding siguradong malinis ang salon na pagdadausan ng prosesong ito upang makasiguro kang sterilized ang mga gamit dito at makaiwas na din sa inpeksyon.
• Kaya naman, suriing mabuti ang lugar na nais mong pagpapagawan ng micro blading.