Pinas News

POSIBLE na babasahin lamang ni Pangulong Rodrigo Duterte ang kanyang ikatlong State of the Nation Address (SONA) sa Batasang Pambansa Complex sa Quezon City sa July 23.

Ayon kay Presidential Spokesperson Harry Roque, inaasahang tatagal lamang ng tatlumpu’t limang minuto ang SONA ng pangulo.

Hindi rin aniya ibibida ng pangulo ang mga nagawa ng kanyang administrasyon at malaya niyang masasabi ang mga nais niyang banggitin o ibahagi sa kanyang SONA.

PNP, naghahanda na sa seguridad Duterte sa SONA

Puspusan na ang preparasyon ng pulisya para sa ikatlong State of the Nation Address (SONA) ni Pangulong Rodrigo Duterte sa July 23.

Ayon kay National Capital Region Police Office (NCRPO) Regional Director Chief Superintendent Guillermo Eleazar, halos anim na libong pulis (6, 000) ang ipakakalat sa Batasang Pambansa Complex sa Quezon City sa araw ng SONA.

Sinabi ni Eleazar na ipiprisenta nila sa mga opisyal ng kamara ang security plan para sa SONA.

Matapos aniya ng presentasyon ay sisimulan na ng NCRPO ang consultative meeting sa lahat ng stakeholders para matiyak ang mapayapa at maayos na mga aktibidad sa SONA.