Pagod na kahit hindi pa tapos ang trabaho? Sulitin ang araw sa pamamagitan ng pagkakaroon ng mataas na energy at lakas para tapusin ang iyong gawain.

 

Ni: Jonnalyn Cortez

Madaling mapagod? Subukan ang sumusunod na mga mungkahi para mapataas ang iyong energy level.

1. Iwasan ang ma­ta­­tamis na pagkain. Maa­ring sa simula ay big­yan ka nito ng mata­taas na energy o sugar rush, ngunit kapag tapos na ang sugar rush makakaramdam ka na ng pagod at antok. Iwasang ang pag-inom ng soda at juice at labis na pagkain ng dessert.
2. Mag-unat. I-stretch ang braso at kamay sa hangganan ng inyong ma­kakaya. I-hold ang pagstretch ng 10 hangang 15 segundo.
3. Kung talagang nakakaramdam ng mababang energy, maaring kulang ka sa tulog, tiyakin na may pito hanggang siyam na oras ng tulog araw-araw.
4. Bawasan ang stress levels. Kapag nakakaranas ng stress, hu­minga nang malalim at dahan-dahan. Gawin ito ng sampung ulit.
5. Imbes na mag­ka­pe mas maigi na uminom ng tsaa, gaya ng gin­seng at echinacea. May kakayahan pa itong patibayin ang immune system ng katawan.
6. Magpahid ng essential oils sa likod, dibdib o ulo. Mainam ang jasmine, peppermint at rosemary na nakakapagbigay sigla at relief dahil sa aroma nito.
7. Uminom ng siyam hanggang 12 baso ng tubig. Bukod sa pananatilihin kang hydrated nito, pi­na­pababa rin nito ang pag­kakaroon ng stress at fatigue.
8. Kumain ng gulay at prutas. Ang kompletong nutrisyon ay nagbibigay ng mataas na energy at lakas para sa buong araw na trabaho. Mainam ang pagkain ng sweet potato, corn, yam, beans, legumes, carrots, asparagus, cauliflower, broccoli at kalabasa. Ang madadahon na gulay naman ay nakakatulong sa masiglang daloy ng dugo.
9. Kumain ng sapat na pagkain. Iwa­san ang magpalipas ng gutom. Tandaan na ng lakas at energy ng kata­wan ay nagmumula sa pagkain.
10. Simulan ang araw sa pag-eeher­sisyo. Ma­la­king tulong ang 15 minuto na paglalakad para pagpa­wisan at ma­lagay sa ta­mang kondisyon ang kata­wan.