MELROSE MANUEL

ISA nang ganap na Lieutenant Commander ng Philippine Coast Guard (PCG) auxiliary ang aktor na si Diether Ocampo.

Ito’y matapos sumailalim ang actor-businessman sa seafarer training ng PCG.

Sinabi ni Diether na kaniyang pinapahalagahan ang pagiging bahagi sa naturang industriya.

Mismong ang Philippine Center for Advanced Maritime Simulation and Training ang nag-post sa kanilang Facebook page ng mensahe ni Ocampo.

Matatandaan na naging laman din ng usap-usapan ang aktor na si Matteo Guidicelli na isa namang 2/Lt. sa Army Reserve Command ng Philippine Army.

Nitong Hunyo nang ginawaran ng espesyal na pagkilala si Matteo Guidicelli kasabay ng pagtatapos nito sa kanyang halos isang buwang training ng Scout Ranger Orientation Course sa Camp Tecson, Bulacan.