MAGANDA ang naging laban ni Danny “The King” Kingad ng LAKAY Team kay  Reece “Lightning” McLaren na nagtapos sa split decision (SD) matapos ang tatlong round ng ONE Flyweight World Grand Prix semifinals.

Si Kingad ay mayroong 14-1 mixed martial arts career record at makakalaban si Demetrious “Mighty Mouse” Johnson sa ONE: Century, sa Oktubre 13 sa Tokyo, Japan para sa ONE Flyweight World Grand Prix finals.

Babawi naman sa mga susunod na laban ang apat na Filipino mixed martial arts (MMA) fighters na natalo sa ONE: Dawn of Heroes na ginanap noong Biyernes, Agosto 2, sa SM Mall of Asia Arena, Pasay City.

Sa MMA Featherweight bout, tinalo ni Xie “The Stalker” Bin si Edward “The Ferocious” Kelly sa pamamagitan ng technical decision (TD).

Sa MMA Lightweight bout, nakuha ni “Crazy Dog” Dae Sung Park ang Unanimous Decision (UD) matapos ang tatlong round laban kay Honorio “The Rock” Banario.

Pinabagsak ni Yuya “Little Piranha” Wakamatsu si Geje “Gravity” Eustaquio sa pamamagitan ng right straight knockout (KO) sa Round 1, (1:59) ng ONE Flyweight Grand Prix.

Sa ONE Lightweight World Grand Prix Semi-final bout, tinalo ni Eddie “The Underground King” Alvarez si Eduard “Landslide” Folayang sa pamamagitan ng submission (Rear Naked Choke) sa  2:16 minutes ng round 1.