SA kauna-unahang pagkakataon sa kaniyang singing career ay nanguna sa pamosong Billboard Hot 100 ang popstar na si Selena Gomez.

Isang linggo lamang makalipas ang release ng kaniyang bagong single na “Lose You To Love Me” ay nasungkit na nito ang number one spot sa sikat na music chart.

Sa social media, hinsi maitago ng popstar ang kaniyang labis na excitement at pagkagulat sa panibagong milestone.

Aniya, personal at malapit sa kaniyang puso ang awitin kung kaya’t labis ang pasasalamat nito sa mainit na pagtanggap ng publiko.

Bukod sa Billboard Hot 100 ay number one din ang naturang kanta sa Rolling Stone 100.