SENATOR Christopher Bong Go

 

TROY GOMEZ

UMAASA si Senator Christopher Bong Go na maisasakatuparan ng mga barangay officials at Sangguniang Kabataan ang kanilang mga proyekto para sa kanilang mga nasasakupan.

Ito ay kasunod ng pormal na paglagda ni Pangulong Rodrigo Duterte sa pagsasabatas ng  postponement ng barangay at SK elections sa December 5, 2022.

Matatandaang si Senator Go ang nagsulong sa pagpapaliban sa dapat sana ay SK at barangay elections sa May 2020 upang mabigyan ng mas mahabang oras ang mga nakaupong  opisyal na isakatuparan ang kanilang mga programa at proyekto.

Ito ay bunsod ng napaiksing termino ng mga kasalukuyang nakaupong SK at barangay officials dahil sa ilang beses na pagkakaantala ng  eleksyon sa mga nakaraang taon.

Una nang sinabi ni Go na mahalaga ang papel na ginagampanan ng mga barangay at SK officials sapagkat ang mga ito ang  frontliners ng  gobyerno dahil sila ang  nangungunang nakakasalamuha ng mga mamamayan sa komunidad.