ADMAR VILANDO

 

NAKAKUHA ng mataas na net satisfaction rating ang Armed Forces of the Philippines (AFP) batay sa survey ng Social Weather Stations (SWS).

Sa fourth quarter 2019 Social Weather Survey, tumaas sa +74 o “excellent” ang net satisfaction rating ng AFP, mas mataas kumpara sa +62 na naitala noong June 2018 survey.

Lumabas sa survey na 77% ng respondents ang nagsabing nasisiyahan sila sa performance ng armed forces, 5% ang hindi nasisiyahan habang 15% ang ‘undecided’.

Isinagawa ang survey mula Disyembre 13 hanggang 16 sa pamamagitan ng face-to-face interview sa 1,200 respondents.