SAM GUTTIEREZ

Nagtanghal si Lea Lea Salonga sa star-studded online concert ng 90th birthday ng musical theater legend na si Stephen Sondheim kung saan muling itinaas nito ang bandera ng Pilipinas.

Inawit ni Lea ang kantang “Loving You” mula sa Passion album ni Sondheim.

Tampok din sa konsiyerto sina Meryl Streep, Lin-Manuel Miranda, Neil Patrick Harris, Kristin Chenoweth, Josh Groban, Aaron Tveit at Jake Gyllenhaal, at marami pang iba.

Ang naturang online birthday concert ay isa ring fundraising campaign bilang suporta sa isang youth development program na Artist Striving To End Poverty o ASTEP na inilunsad ng broadway musical director na si Mary-Mitchell Campbell.