MELROSE MANUEL

IDINEKLARA ni Pangulong Rodrigo R. Duterte na regular holiday ang Mayo a-25 upang ipagdiwang ang pagtatapos ng Ramadan o Eid’l Fitr.

Ang Eid’l Fitr ay ipinagdiriwang ng mga Muslim sa loob ng tatlong araw matapos ang isang buwang pag-aayuno.

Nakapaloob naman sa Proclamation No. 944 na nilagdaan ng Pangulo na ang deklarasyon ay base sa rekomendasyon ng National Commission on Muslim Filipinos (NCMF).

Ginawang regular holiday ang Mayo a-25 upang bigyang daan ng pagkakataon ang sambayanang Pilipino-Muslim na makiisa sa pagdiriwang.

Kasabay nito, pinaalala naman ang pagpatutupad ng health protocols katulad na lamang ng pagsusuot ng facemask at social distancing.