MELROSE MANUEL

 

HINDI na kinakailangan ang travel authority sa mga lugar na isinailalim sa Modified Enhanced Community Quarantine (MECQ).

 

Ayon kay Department of Interior and Local Government o DILG Undersecretary Jonathan Malaya, kailangan lamang ng mga trabahador na magpakita ng kanilang company ID o Certificate of Employment.

 

Paliwanag niya, ang travel authority ay para lamang sa mga stranded individuals na nais nang umuwi sa kanilang mga tahanan.