Ni Karen David

TUMANGGAP ng gantimpala ang anim na operating units ng Philippine Drug Enforcement Agency (PDEA) ngayong araw.

Sa ilalim ng “operation: lawmen” ng PDEA, pinagkalooban ang anim na operation units na nagkakahalaga ng halos anim na milyong piso dahil sa kanilang kapuri-puring anti-drug operations.

Kabilang sa mga nakatanggap ng pabuya ang PDEA-Intelligence and Investigation Service (PDEA-IIS), PDEA-Special Enforcement Service (PDEA-SES), PDEA Regional Office-National Capital Region (PDEA RO-NCR), PDEA Regional Office V (PDEA ROV), Regional Office VII (PDEA ROVII), at PDEA Regional Office VIII (PDEA ROVIII).

Personal namang ibinigay ang cash rewards ni PDEA Director General Wilkins Villanueva sa isinagawang simpleng seremonya sa PDEA National Headquarters sa Quezon City.