Ni Melrose Manuel

HINIHINTAY na lamang ng Philippine National Police ang kopya ng warrant of arrest para maisilbi na kay Abu Sayyaf leader Anduljihad “Idang” Susukan.

Ito ang iginiit ni PNP Chief Police General Archie Francisco Gamboa sa kanyang virtual press briefing sa Camp Crame.

Si Susukan ay nahaharap sa 23 kaso ng murder, 5 kaso ng kidnapping at serious illegal detention at 6 na kaso ng frustrated murder.

Kasalukuyang nakakulong si Susukan sa PNP custodial center sa Camp Crame matapos ilipat mula sa Davao City.

Hinihintay din ang resulta ng RT-PCR test na ginawa kay Susukan sa pagdating nito sa kampo.