Ni Melrose Manuel

MAKAKATANGGAP  ng   1.116    million    pesos  aid    mula  sa   Department of Trade and Industry (DTI) ang  mga   Micro,   Small  and  Medium  Enterprises (MSMEs)    sa   Probinsya  ng  Antique.

Ito   ay ayon   kay   DTI-Antique Information Officer Engineer  Lynna Joy Cardinal sa  pamamagitan  ng    Pangkabuhayan sa Pagbangon at Ginhawa   Program   ng    ahensya.

Layunin  aniya  nitong  matulungang  makaahon   ang  mga    may-ari  ng  maliliit    na    negosyo  na  apektado  ng  pandemya.

Sinabi ni  Cardinal  na   ang  mga    beneficiaries  ay   tinukoy   ng mga Negosyo Center  Business Councilors sa  tulong  ng Municipal Economic Enterprise and Development Offices   at  Municipal Social Welfare and Development Office.