Ni Karen David

BUKAS na muli simula kaninang alas 6:00 ng umaga ang U-turn slot sa EDSA malapit sa Quezon City Academy at Dario Bridge.

Ayon sa QC Government, ang U-turn slot sa QC academy ay para lamang sa light vehicles habang para naman sa mga emergency vehicle at marked government vehicle ang u-turn slot sa may Dario Bridge.

Paalala ng city government, bawal ding dumaan sa Quezon City Academy U-turn slot ang mga sasakyan na galing sa Misamis Street at SM Annex at ang mga galing sa Nueva Ecija Street at Bansalangin Street.

Mula naman sa nasabing u-turn slot, bawal tumungo sa Corregidor Street at sa Bansalangin Street.

Tutulong ang QC Task Force on Transport and Traffic Management, Task Force Disiplina at Quezon City police District para magmando ng traffic sa nasabing mga U-turn slots.