Ni Karen David

 

NAG-APPLY na rin ang Chinese Firm Sinovac para sa Emergency Use Authorization (EUA) sa Food and Drug Administration (FDA).

Ito ang inihayag ni FDA Director General Eric Domingo kasabay ng pag-anunsyo nito sa pagbibigay ng EUA sa Pfizer-BioNtech’s COVID-19 vaccine.

Sa virtual briefing, sinabi ni Domingo na kahapon nagsumite ng aplikasyon ang Sinovac.

Gayunman, hindi pa aniya nakukumpleto ng Sinovac ang submission ng mga requirement na kinakailangan para makakuha ng EUA.

Kabilang aniya sa napapadala pa lamang ng kumpanya ang resulta ng Phase 1 at Phase 2 clinical trials habang wala pa ang Phase 3 na human trials.

Una nang sinabi ni Vaccine Czar Carlito Galvez Jr. na umaasa ang bansa na makakuha ng 25 milyong doses ng COVID-19 vaccine mula sa Sinovac sa unang quarter ng taon.