Ni Vhal Divinagracia

 

 

NANINIWALA ang aktor na si Tom Rodriguez na malaki ang role ng COVID-19 vaccination sa pagbaba ng covid cases sa Pilipinas.

 

Aniya, kung ikukumpara niya dati, libo-libo umano ang naitatalang daily covid cases.

 

Subalit nang nagsimula at nagtuloy-tuloy na ang vaccination rollout, napansin nya umano na unti-unti na ring bumaba ang bilang ng covid cases sa bansa.

 

Kaya panawagan nya, magtulungan ang publiko at kung maaari ay magpabakuna na sana ang lahat.

 

Itoy para tuloy-tuloy na rin ang pagbubukas ng ekonomiya ng bansa.

 

Binigyang-diin din nya na dapat hindi maging kampante ang mga tao kahit pa nagluwag na ang health restrictions.