Ni Melrose Manuel

 

PATULOY na nananawagan si Davao City Mayor at vice presidential aspirant Inday Sara Duterte ng pagkakaisa kasunod ng pag-atras ni Bong Go sa pagkapangulo.

 

Sa isang pahayag, hinihimok ni Mayor Sara ang lahat ng sumusuporta ng administrasyong Duterte na magkaisa sa layunin na ipatuloy at palawakin pa ang magagandang nasimulan ni Pangulong Rodrigo Roa Duterte.

 

Ipinunto pa nito na suportahan ang sinabi ni Bong Go na ang kanyang pag-atras ay para sa pagbubuklod ng kanilang mga supporters at mga lider sa bansa.

 

Nagpapasalamat naman si Mayor Sara sa pagdinig sa kanyang hiling upang maging magtagumpay ang hangarin ng bawat isa para sa bansa.