Ni Vic Tahud

 

ISASAILALIM sa Alert Level 3 simula ika-5 hanggang ika-15 ng Enero ang Bulacan, Cavite at Rizal dahil sa pagtaas ng kaso ng COVID-19.

 

Ito ang inihayag ni acting Presidential Spokesperson Karlo Nograles na aprubado ng Inter-Agency Task Force.

 

Una nang isinailalim sa Alert Level 3 ang Metro Manila mula ika-3 hanggang ika-15 ng Enero.

 

Sa ilalim ng Alert Level 3, papayagan ang mga establisyemento na mag-operate ng 30% ng indoor capacity para sa mga fully vaccinated at 50% naman para sa mga outdoor venue capacity at dapat fully vaccinated ang mga tauhan.

 

Samantala, bawal ang mga face-to-face classes, contact sports, funfairs/perya at casino sa ilalim ng Alert Level 3.

 

Bukod pa rito, limitado hanggang 60% ang mga onsite capacity ng mga government office.