PINAS

Ang Lihim ng Panginoon (Ikatlong Bahagi)

Sonspeak

Recent News:

Pinas Global

Entry restrictions sa mga dayuhan, luluwagan

by

Ni Claire Robles

LULUWAGAN ng Bureau of Immigration ang travel restrictions sa mga dayuhang nais pumasok sa bansa.

Ito ay kasunod ng pagpapalawak ng Inter-Agency Task Force for the Management of Emerging Infectious Disease (IATF-EID) ng saklaw sa mga dayuhang pinayagang pumasok sa bansa sa gitna ng pandemyang dulot ng COVID-19.

Nilinaw ni B.I. Commissioner Jaime Morente na sa kasalukuyan, kabilang sa mga pinayagan nang pumasok ng bansa ang mga dayuhang mangangalakal at mamumuhunan.

Kabilang din sa mga foreign national na pinayagang pumasok ng bansa ang mga dayuhang may hawak na visa na inisyu ng mga Economic Zones ng Authority of the Freeport Area of Bataan, Cagayan Economic Zone Authority, at Clark Development Corporation.

Talento at kakayahan sa pagnenegosyo

by

Ni Eyesha Endar

GUSTO mong gumaan ang iyong buhay?  Bakit hindi pagyamanin ang iyong mga potensyal para pagkakitaan?

Basahin at pag-aralan kung paano makakatulong sa iyo ang mga sumusunod:

PAGBIBIGAY-SERBISYONG MGA NEGOSYO

Kung nakikita mo sa iyong sarili na may talento at kakayahan sa larangan ng photography, event planning, singing, hosting, painting, paggawa ng website at iba pa na alam mong magagamit para makatulong sa kabuhayan, bakit hindi mo pagyamanin ang mga ito?

PAGGAWA NG ACCESSORIES

Kung ikaw ay mahilig magbutinting ng mga bagay-bagay, gumawa ng mga accessory tulad ng bracelets, necklace, earrings, at iba pang mga bagay na nakikita mong madalas na ginagamit ng mga tinedyer ngayon o kahit ng mga medyo may edad na.

Marami ang mga tumatangkilik sa ganitong klase ng mga produkto kaya hindi ito nawawala sa kahit saan mang lugar na pinupuntahan ng mga tao, tulad ng Divisoria, mga mall, maging sa mga bazaar sa iba’t-ibang lugar.

MAGLUTO NG CAKES AT CUPCAKES

Kung mahilig kang magluto ng cakes, cupcakes, cookies at iba pang pagkain, maari mong ibenta ang iyong mga niluto sa iyong mga kaklase, kaibigan, kaopisina, kapitbahay at maging sa mga tindahan.

Ang mga pangunahing kagamitan na kailangan ay oven, baking pan, spatula, harina, baking powder, sugar, butter at ang ingredients ay depende sa kung ano ang gusto mong lutuin.

MAGBENTA SA ONLINE

Pwede mong ibenta ang iyong mga produkto online. Magsimula sa mga bagay na nakahiligang gawin at sa pamamagitan nito, hayaang umunlad ang iyong buhay.

 

Mga kabataan walang karapatang pabagsakin ang gobyerno — Sen. Go

by

Ni Margot Gonzales

 

IGINIIT ni Sen. Christopher Bong Go na bagamat may karapatan ang mga estudyante na magpahayag ng kanilang saloobin at pumuna sa pamahalaan ay wala aniyang karapatan ang mga ito na pabagsakin ang gobyerno.

Aminado si Senator Christopher Bong Go na karapatan ng  lahat ng mga mamamayang Pilipino kabilang ang mga estudyante na magsalita at pumuna dahil sa umiiral na demokrasya sa bansa.

Pero agad nitong nilinaw na walang karapatan ang sinuman na pabagsakin ang gobyerno.

Sinabi ni Go na dapat igalang ng bawat isa ang gobyernong piniling iboto ng  mayoryang Pilipino at hintayin na lang  na matapos ang termino ni Pangulong  Rodigo Roa Duterte sa 2022.

Una nang iginiit ni Go na hayaan ang administrasyon na gawin ang trabaho nito sa sambayanan dahil tanging hangad lang naman nila ni Pangulong Duterte na mapabuti ang buhay ng sambayanan.

Matatandaan na 500 na estudyante mula sa Ateneo ang nagbanta ng academic strike bilang paraan ng pagprotesta laban sa Pangulo.

 

 

Inspeksyon sa mga tindahan sa Maynila, mas pinaigting ngayong Kapaskuhan

by

Ni Cherry Light

TINIYAK ng Bureau of Permits na tuloy tuloy ang kanilang ginagawang pag iinspeksyon sa mga nagnenegosyo sa lungsod ng Maynila lalo na’t ngayong Kapaskuhan.

Ayon kay Bureau of Permits Director Levi Facundo kasama ng buong inspection team ng bureau ang kanilang sunod sunod na ginagawang pag iikot sa mga tindahan sa lungsod.

Ang pahayag ng opisyal ay kasunod sa ipinasarang dalawang warehouse sa Binondo Manila na nagbebenta ng mga pekeng products at nagooperate na walang business permits.

Sa isinagawang imbestigasyon ng Bureau of Permits na ang mga naturang produkto ay binebenta sa pamamagitan ng online shops gaya ng Shopee at Lazada na dinideliver sa buong Metro Manila at sa karatig probinsya.

Kung matatandaan, pinangunahan din ni Mayor Isko ang pagiinspeksyon at pagsasara kasama si  Bureau of Permits Director Levi Facundo, at Manila Police District Special Mayor’s Reaction Team (MPD-Smart) Chief Police Major Rosalino Ibay sa dalawang warehouse na ino-operate ng mga dayuhan sa Binondo, Manila.

Ayon kay Yorme si Mr. Jerry Ong at Mr. Johnson Sy ang nagpapatakbo sa nirentahang warehouse pero bigo nga ang mga itong magpakita ng business permit para sa wholesaler at Occupational Permit for Service Personnel.

Alinsuod sa Section 199 of City Ordinance No. 8331 hindi bababa sa isang libong piso at hindi rin lalagpas sa limang libong piso o hindi rin bababa sa isang buwan o lalagpas ng anim na buwan na pagkakabilanggo o depende sa discretion ng korte ang maaring kahaharapin ni Ong at Sy.

Gayundin, sa ilalim ng Article 151 of the Revised Penal Code ang parusa na isang buwan at isang araw hanggang anim na buwan ng pagkakakulong, at ang multa na hindi hihigit sa P5000 ay ipapataw laban sa dalawang lessors.

 

 

Bayanihan III Bill, tutugon sa pandemya at mga kalamidad

by

Ni MJ Mondejar

 

INIHAIN sa Kamara ang proposed Bayanihan III na layong dagdagan ang pondo ng gobyerno para tugunan ang kalamidad at sa COVID-19 pandemic na patuloy na nagpapahirap sa mga Pilipino.

Sa ilalim ng House Bill No. 8031 o Bayanihan to  Arise as One Act ni Marikina Rep. Stella Quimbo, pinadaragdagan nito ng P400- Billion ang pondo para sa Social Amelioration Program, at rehabilitasyon sa mga lugar na binayo ng nagdaang mga bagyo.

Gagamitin din ang pondo para asestihan ang mga infra project, at mga programa para matiyak na makakabawi ang ekonomiya ng bansa.

Sa ilalim din ng panukala, pinabubuo ang National Economic Development Authority o NEDA ng long term plan bilang paghahanda sa paparating na mga pandemya, sakuna, trahedya at sama ng panahon.

Pinabubuo rin ang NEDA ng Flood Management Master Plan para sa Metro Manila at mga karatig lugar para mapag-ibayo pa ang risk reduction and resilience sa bansa.

Sakop din ng panukala na magkaroon ng cash-for-work program, emergency subsidies, at iba pang mga programa sa mga lugar na tinamaan ng bagyo.

“Mas pinalala pa ngayon ng Bagyong Ulysses ang problema ng pandemya. Daan-daan ang namatay at nasaktan, libo-libo ang inilikas, bilyon-bilyon ang halaga ng mga nasirang bagay.”

Ayon din kay Quimbo, malaking tulong ang magagawa ng proposed Bayanihan III para makabili ng bagong rescue boats para sa panahon ng baha.

Titiyakin din ng panukala na magiging sapat ang pondo sa mga kritikal na programa at tama ang plano para sa mas matatag na ekonomiya.

“Malaki po ang itutulong ng Bayanihan III sa pagbangon ng bansa – dagdag at mas matibay na mga programang may halagang 400 billion pesos. Rescue boat ito sa Pilipinong binabaha ng krisis. Sisiguruhin ng Bayanihan III na sapat ang pondo para sa mga kritikal na programa at tama ang plano para sa mas matatag na ekonomiya.”

Sa ilalim din ng Bayanihan III, matitiyak nito na magkakaroon ng sapat na budget para makabili ng bakuna kontra COVID-19.

Bukod sa mga nabanggit na programa, nais din ng Bayanihan III na palawigin ang bisa ng Bayanihan to Recover as One Act o ang Bayanihan II lagpas ng Disyembre ngayong taon.

 

 

Ang pagsisid sa Mactan island

by

 

Ni Eugene Flores

 

LIKAS na kilala ang archipelago ng Pilipinas sa bukod tangi nitong bahagi, ang Cebu.

Dinarayo ng mga turista mula sa iba’t ibang dako ng Pilipinas at maging mga banyaga ang Cebu City na popular dahil sa mga beach nito.

At kung sakaling mapadpad dito, mayroong isang lugar na hindi dapat makaligtaan bisitahin upang masulit ang ganda ng Cebu, ito ay ang isla ng Mactan kung saan matatagpuan ang Cebu International Airport.  Kaya sa mismong paglapag pa lamang ay maari nang mapuntahan ang mga magagandang destinasyon sa isla.

Halina’t alamin ang mga pinagmamalaking lugar ng isla ng Mactan.

Kilala ang Mactan bilang isang coral island kung kaya’t patok at pinagmamalaki ng mga taga roon ang kanilang diving at snorkelling activities.

Mayroong kilalang mga diving spot sa isla na kakikitaan ng mga lamang dagat na bihirang makita sa ibang lugar, bukod dito maari ring mas lumalim ng 20 metro ang sisid kung ang hanap ay adventure.

Bukod dito, maari ring mag water sport pa sila, patunay na hindi lamang sagana sa mga coral ngunit pati sa mga liguan.

Matapos ang nakakapagod ngunit nakakaaliw na pagsisid sa karagatan at sanctuario ng Mactan, maaring magpahinga sa mga bungalow sa isla na tanging hampas ng alon at ihip ng hangin ang maririnig.

Upang muling mapagmasdan ang buong isla, maaring magtungo sa Scape Skydeck kung saan matatanaw ang buong isla, tampok para sa mga turistang mahilig sa selfie at photography.

Syempre, hindi rin papahuli sa mga nakatakam na putahe ang lugar, magtungo lamang sa Lantaw Native Restaurant at mabubusog hindi lamang ang inyong tiyan kundi pati mga mata. Binibisita ito ng mga magkasintahan upang pagmasdan ang kalangitan habang ninanamnam ang iba’t-ibang pagkain.

At hindi papahuli ang istatwa ni Lapu-Lapu na kilala bilang magiting na bayani na lumaban sa mga kastila taong 1521. Ang 20 metrong istatwang gawa sa tanso ay tiyak na hindi pinalalagpas ng mga turistang napapadpad sa lugar dahil sa malawak na kasaysayan at kahalagahan nito sa ating bansa.