PINAS

Ang Lihim ng Panginoon (Ikapitong Bahagi)

Sonspeak

Recent News:

Pinas Global

Lungsod ng Maynila, nagbibigay ng libreng bisita at libreng bakuna sa Manila Zoo

by

Ni Vic Tahud

 

 

BUBUKSAN ng lungsod ng Maynila ang Manila Zoo ngayong araw para sa mga gustong bumisita at gustong magpabakuna.

 

Ito ay magiging vaccination site para sa mga kabataan na may edad 12-17 years old.

 

Bukod pa rito, puede ring magpabakuna ang mga magulang,  lola at lolo ng mga bata.

 

Kaugnay nito, maaaring mamasyal ang mga magpapabakuna sa Manila Zoo ngunit lilimitahan lamang ang mga bisita hanggang 1,000 katao kada araw.

 

Para sa mga gustong mamasyal sa Manila Zoo, puedeng magpa-rehistro sa www.manilazoo.ph.

 

Partisipasyon sa mga debate, naka-depende sa mga kandidato — COMELEC

by

Ni Vic Tahud

 

NAKA-DEPENDE sa mga kandidato kung lalahok ba sila o hindi sa mga election debate ayon sa Commission on Elections (COMELEC).

 

Ayon kay Spokesperson James Jimenez, target ng COMELEC na magkaroon ng mga presidential at vice presidential debate mula sa Pebrero hanggang Abril ngayong taon.

 

Sa kabila nito, sinabi ni Jimenez na palaging lumalahok ang mga kandidato sa mga debate na inoorganisa ng COMELEC.

 

Dagdag pa ni Jimenez, malaking tulong kasi sa mga kandidato ang mga debate upang makilala sila ng mga tao at hindi na kailangan pa nilang magbayad para sa broadcast.

 

Unang araw ng pagpapatupad ng ‘No Vax, No Ride’ sa NCR, matagumpay — PNP

by

 

Ni Vic Tahud

 

NAGING matagumpay ang unang araw ng pagpatutupad ng ‘No Vaccination, No Ride’ policy sa public transportation sa National Capital Region (NCR) ayon sa Philippine National Police.

 

Inihayag ni PNP Spokesperson Police Colonel Roderick Alba, walang masamang insidente ang naiulat sa buong araw.

 

Dahil dito, nagpapasalamat ang PNP sa publiko dahil sa ipinakitang pakikiisa.

 

Kaugnay nito, sinabi ni Alba na nasa warning phase pa ang pagpatutupad sa nasabing patakaran at magkakaroon ng full enforcement nito sa susunod na linggo.

 

Samantala, medyo nahihirapan ang mga pulis sa pag-inspect ng mga vaccination cards dahil kakaiba ang itsura ng mga vaccination cards sa labas ng NCR.

 

Kaya naman, hinikayat ni Alba ang mga lokal na pamahalaan na magkaroon ng pare-parehong itsura ng vaccination cards.

 

 

 

Bagong kaso ng COVID-19 sa lungsod ng Maynila, bumababa —OCTA

by

Ni Karen David

 

BUMABABA ang bagong kaso ng COVID-19 sa lungsod ng Maynila.

 

Batay sa datos na ibinahagi ni OCTA Fellow Dr. Guido David, nakapagtala sa Maynila ng 1,210 new COVID-19 cases kahapon, Enero 17, ang pinakamababang bilang sa lungsod simula noong Enero 4.

 

Bumaba rin aniya sa 1,829 o 7% ang 7-day average ng new cases sa lungsod mula sa 1,958 at ang reproduction number sa 1.73 mula sa 4.30 noong nakaraang linggo.

 

Sinabi ni David na kung patuloy na bababa ang bagong kaso ng COVID-19 sa Maynila ay malaki ang posibilidad na bababa rin ang kaso sa National Capital Region.

Ganunpaman, sinabi ng OCTA na kailangan patuloy na sumunod sa public health guidelines ang mga residente ng NCR para makamit ang pagbaba ng mga kaso.

 

 

 

Kylie Jenner, nangunguna bilang most followed woman sa Instagram

by

Ni Chaddy Castro

 

 

NANGUNGUNA sa Instagram ang isa sa miyembro ng Kardashian clan at business mogul na si Kylie Jenner sa most followed women in the world na may tatlong daang milyong followers.

 

Ito ay ayon sa data ng kanyang account kamakailan.

 

Nalampasan ng 24-year-old reality star ang pop singer na si Ariana Grande para maging pinakasikat na babae sa nasabing social media giant.

 

Sumikat si Jenner bilang bahagi ng reality television show na “Keeping up with the Kardashians,” na lumabas kasama ng kanyang mga sikat na kapatid na sina Kim, Kourtney at Khloe Kardashian.

 

Kaakibat naman ng kanyang kasikatan ang successful ‘Kylie Cosmetics’ make-up company nito na isa sa mga kumikitang brands sa business world.

 

Matatandaang record-breaking din ang kanyang birth announcement noong 2018 na humakot ng mahigit 18 million likes.

 

Samantala, ang football sensation na si Cristiano Ronaldo pa rin nananatiling may pinakamaraming Instagram followers sa buong mundo sa bilang na 389 million at nalagpasan ang kapwa footballer na si Lionel Messi na may 300 million followers.

 

 

Mga pagkain na dapat limitahan upang maka-iwas sa gallstones

by

 

Ni Shane Elaiza Asidao

 

MARAMI sa atin ang hilig kumain.  Minsan, hindi natin namamalayang nakakasama na ang ating mga kinakain.  Ilan sa mga ito ay nakasasama sa ating gallbladder o apdo.

 

Ang apdo ay isang hugis peras na organ.  Kinokolekta at iniimbak nito ang mga bile na nakatutulong upang tumunaw ng taba.

Gallstones ang karaniwang problema sa apdo.

 

Ayon sa Webmd, puwedeng panggalingan ng abdominal pain, bloating, masamang pakiramdam at pagsusuka.  Kapag ang sintomas ay napapadalas o pabalik-balik, ang pinaka mabisang lunas ay operasyon para alisin ang mismong apdo.  Ngunit kahit walang sintomas ng sakit, hindi natin malalaman kung nangangailangan na ito ng agarang lunas.

 

Maaaring namamana ang sakit sa apdo.  Gayunpaman, ang karaniwan na nagkakaroon ng gallstones ay ang mga babae na nasa edad 40 pataas kasama na rin ang mga babae na mabilis magpapayat, umiinom ng hormonal medicines, o kahit ang mga babaeng may malusog na pangangatawan.  May tsansa rin na tamaan ng sakit sa apdo ang kalalakihan.

 

Ilan sa mga pagkain na ito ang dapat limitahan para maka-iwas sa gallstones:

  • Piniritong pagkain
  • Mga prinoseso na pagkain (doughnuts, pie, cookies)
  • Whole-milk dairy products (keso, sorbetes, mantikilya)
  • Mga karne na may taba

 

Samahan din ito ng healthy diet at regular exercise.

Hindi man natin alam kung kailan tayo dadapuan ng sakit, mas maigi na maging handa at patuloy na alagaan ang sarili.  Dahil ang kalusugan ay kayamanan.

 

Close Bitnami banner
Bitnami