Ni Vic Tahud

 

IPINAHAYAG ng OCTA Research na nagkaroon ng pagbaba sa reproduction number na 1.88 hanggang 1.23 na lamang.

Positibong epekto ito sa pagpapairal ng enhanced community quarantine o (ECQ) sa Metro Manila at sa apat na karatig na probinsya nito o NCR Plus ayon sa UP OCTA Research.

Sa ngayon, isinailalim na sa modified enhanced community quarantine (MECQ) ang NCR Plus ngunit inirerekomenda nila ang pagpalawig pa ng ECQ.

Samantala, 86% nang puno ang mga ICU beds sa Metro Manila, 59% na ang nagagamit na mechanical ventilators at 69% na ang nagagamit ang mga isolation bed.

Ni Vic Tahud

 

IPINAHAYAG ni Treatment Czar at Department of Health Undersecretary Leopoldo Vega sa regular virtual press briefing ng Palasyo na ang pagbabayad ng Philippine Health Insurance Corporation o PhilHealth ang isa sa pinakamalaking suliranin ngayon ng mga ospital.

“Kasi alam ninyo, itong pandemyang ito, kung wala ka namang sapat na financial resources, mahihirapan ka talaga mag-provide ng extra allocation for the number of beds,” ayon kay Vega.

Ayon pa kay Vega, sa tulong ni Sec. Vince Dizon, Sec. Carlito Galvez at sa utos ni Pangulong Rodrigo Roa Duterte, pumayag ang PhilHealth na babayaran ang mga valid claims sa mga ospital sa pamamagitan ng credit-debit payment mechanism hanggang animnapung porsyento.

Dagdag pa ni Vega, ang perang ito ay makatutulong sa mga ospital upang makadagdag pa ng mas marami pang kama para sa mga COVID-patients at iba pang gastusin.

 

 

Ni Vic Tahud

ISASAILALIM na sa Modified Enhanced Community Quarantine o MECQ ang Metro Manila at apat na karatig na probinsya ng Bulacan, Cavite, Laguna at Rizal simula ika-labingdalawa hanggang ika tatlompu ng Abril.

Kasama dito ang Santiago, Isabela, Quirino Province at Abra.

Base mismo ito sa anunsyo ni Presidential Spokesperson Harry Roque.

Samantala, ang mga isasailalim sa istriktong General Community Quarantine o GCQ ay ang Cagayan, Isabela, Nueva Vizcaya, Batangas, Quezon Province, Tacloban City, Iligan City, Davao City at Lanao del Sur.

Samantala, ang ibang lugar sa bansa ay isasailalim sa MGCQ.

Ni Vhal Divinagracia

 

KINUMPIRMA ni Armed Forces of the Philippines o AFP Chief Lieutenant General Cirilito Sobejana na magsisimula na ang Balikatan Exercises 2021 ngayong Lunes.

 

Ito ay matapos ang pag-uusap aniya ng Defense Secretaries ng Pilipinas at Estados Unidos.

 

Ayon kay Sobejana, aabot sa 1, 700 na mga Pilipino at Amerikano ang kalahok sa naturang aktibidad.

 

Nilinaw naman ni Sobejana na isasagawa virtually ang ibang drills.

 

Matatandaang naudlot ang Balikatan noong nakaraang taon dahil sa COVID-19 at ang pagwawaksi ng Visiting Forces Agreement.

Ni Vic Tahud

 

INAPRUBAHAN na ng Food and Drug Administration (FDA) ang “compassionate use” ng gamot na ivermectin para panlaban sa COVID-19.

Ito ang inihayag ni FDA Director General Dr. Eric Domingo sa Laging Handa public briefing.

Paglilinaw ni Domingo, ang special permit na ito ay iba sa hiling ng dalawang local manufacturer na nagparehistro sa kanilang produktong ivermectin.

Bukod pa rito, ani Domingo, ang compassionate use ay upang magamit ito sa bansa kontra COVID-19 ngunit hindi ibig sabihin na ineendorso ito ng FDA.

Sa kabila nito, inihayag ng FDA na kailangan pa rin iparehistro ang ivermectin bago i-prescribe ng mga doktor.