by PINAS
Sa Thailand…
Itinanghal ang 14 taong gulang na si Atthaya Thitikul bilang pinakabatang kampeon sa professional golf tournament.
Ito ay matapos maipanalo ni Thitikul ang laban kay Mexican Ana Menendez sa final day nang 2017 Ladies European Thailand Championship.
Dahil dito nagawa ng Thailand national na agawin ang titulong Youngest Winner of a Golf Tournament record kay Brooke Henderson na nanalo sa Canadian Woman Tour noong 2012.
by PINAS
NI: SHANE ELAIZA ASIDAO
Nilagdaaan ng pangulo ng Colombia na si Juan Manuel Santos ang pangatlo at huling amnestiya para sa mga miyembro ng rebeldeng grupo na Revolutionary Army Forces of Colombia o FARC.
Umabot sa 3,600 miyembro ng nasabing grupo ang nabigyan ng amnestiya kasunod ito ng napagkasunduang kapayapaan ng FARC at ng gobyerno noong 2016.
Noong nakaraang buwan, nakumpleto ng FARC ang proseso ng pagbibigay nila ng kanilang mga sandata sa United Nations mission sa Colombia na umabot sa 7,000 armas.
Nagsimula ang pormal na negosasyon para sa kapayapaan kasama ang gobyerno noong taong 2012 na naganap sa Cuba at nagtagal ng apat na taon.
Sa kabilang banda, nagsagawa ng pormal na ‘peace talks’ ang pangalawang rebeldeng grupo ng Colombia na National Liberation Army o ELN, kasunod ng matagumpay na resulta nito sa FARC.
Isang rebeldeng grupo na Marxist ang FARC na nabuo noong 1964 para ipaglaban ang karapatan ng mga may-ari ng lupa at mga manggagawa.
by PINAS
NI: SHANE ELAIZA ASIDAO
Inanunsyo ni Iraqi Prime Minister Haider al-Abadi ang tagumpay ng Iraqi security forces at U.S. military kasama na ang Iraqi militia forces, Kurdish Peshmerga fighters at iba pang kakamping mga bansa laban sa ISIS.
Natapos ang mahigit tatlong taong pananakop ng ISIS sa Mosul kung saan ito ang isa sa pinakamalaking syudad sa Iraq.
Ginawang “Islamic caliphate” ng ISIS ang nasabing lugar kasama na ang Raqqa sa Syria na kanilang kinonsidera bilang pangalawang kabisera.
Ayon kay Prime Minister al-Abadi, itinuturing ito na tagumpay laban sa kadiliman, terorismo at kalupitan.
Ngunit, ayon sa pahayag ni Army Lt. Gen. Stephen Townsend, commander ng anti-ISIS Operation Inherent Resolve, “Make no mistake; this victory alone does not eliminate ISIS and there is still a tough fight ahead. But the loss of one of its twin capitals and a jewel of their so-called caliphate is a decisive blow.”
Dagdag pa niya na kasama sa tagumpay ang napakaraming sakripisyo gaya ng pagkawala ng buhay ng mga pulis, sibilyan at mga lumaban sa gyera. Pati na rin ang mga relihiyosong mga kagamitan ang nadamay sa gulo at nasira.
“People of all ethnicities and sects have suffered and sacrificed together, not only for their own country, but to help provide security to the region and the world,” pahayag ni Townsend.
by PINAS
Sa California…
Tinatayang nasa limang libong bombero na ang idineploy para lamang maapula ang labing apat na wildfires na nagsimula pa noong Huwebes.
Ilan sa mga patuloy na inaapula ngayon ay ang Alamo fire sa may 24,000 acres, bahagi ng Santa Barbara at San Luis Obispo Counties, ang Whittier fire na lumalamon ngayon sa 7,800 acres ng Santa Ynez Valley at ang Wall fire na kumalat sa 5,000 acres sa Butte County.
Sinasabing dahil sa mainit na temperatura at tuyong lupa ang nagdulot ng malalaking wildfire sa California.
Sa ngayon ay nasa libo libong mamamayan na ang pwersahang pinapalikas.
by PINAS
Ni: Shane Elaiza E. Asidao
Isinagawa ng South Korea ang kanilang kauna-unahang intercontinental ballistic missile (ICBM) matapos ang matagumpay na pagpapalipad ng long-range missile ng North Korea.
Kasama ng bansa ang United State para maipakita ang kapabilidad ng mga ito.
Sa karagatan ng South Korea sinubukan ang sinabing mga missiles na tinatawag na Republic of Korean Hyunmoo Missle II, at ang Army Tactical Missile System of ATACMS
Sa kabilang banda ang nasabing long-range missile ng North Korea ay kayang umabot saan mang mundo kabilang na ang U.S dahil sa matibay na re-entry system nito.
Ngunit, sa pahayag na binigay ni US President Donald trump hinggil dito, nangako siyang kokumprontahin ang North Korea.
Dagdag niya, “I think we’ll just take a look at what happens over the coming weeks and months.”
Nagdesisyon na magsagawa ng close door session ang ilang miyembro ng UN Security Council matapos ng nasabing test-fire ng North Korea.
by PINAS
Wala nang laptop ban sa cabin ng mga eroplano ng pinakamalaking Middle East (ME) airlines sa mga flight nito pa-Amerika.
Ayon sa Emirates Airlines, maaari nang makapagdala ng laptop ang mga pasahero nilang may flight papuntang US.
Unang inalis ng Amerika ang laptop ban para naman sa Etihad Flight na mula Abu Dhabi patungong Amerika.
Umaasa naman ang Turkish Airlines na maaalis na rin ang laptop ban sa kanilang mga flight.