PINAS TEAM

 

TUMANGGAP ng seasonal influenza vaccine si Health Minister Park Neung-Hoo upang siguruhin ang publiko na ligtas ang nasabing bakuna.

 

Si Park ang ikalawang ministro ng bansa na tumanggap ng flu shot kasunod ni Prime Minister Chung Sye-Kyun na nagpaturok ng flu vaccine sa isang community health center sa Sejong noong Oktubre a-beinte-uno.

 

Kaugnay nito ay muling nagpaalala si Park sa kahalagahan ng pagpapabakuna laban sa seasonal flu habang dumadalo sa regular na briefing sa Central Disaster and Safety Counter Measure Headquarters.

 

Binigyang-diin din ni Park na walang kaugnayan ang pagkasawi ng ilang South Koreans sa flu vaccination na tinanggap ng mga ito.

 

Pinaalalahanan din ng health minister ang matatandang mamamayan na magpa-check-up muna bago tumanggap ng flu shot upang masiguro na nasa malusog na kondisyon ang mga ito.

 

PINAS TEAM

 

KINOKONSIDERA ng pamahalaan ng United Kingdom na iklian ang panahon ng mandatory quarantine period para sa mga nakasalamuha ng mga nagpositibo sa COVID-19.

Mula sa mandatory 14-day quarantine period ay posibleng maging sampu hanggang pitong araw na lang ito.

Kamakailan lang ay nagpahayag si Transport Secretary Grant Shapps na umaasa siya na mababawasan ang panahon na kailangang igugol ng mga taong kailangang mag-quarantine kapag dumating sila sa UK mula sa ibang bansa.

Aniya, pwede magpa-test sila isang linggo simula nang kanilang pagdating.

Ayon sa pamahalaan ng UK, ang daily 400,000 daily test ay mas mataas sa mga bansang France, Germany, Italy at Spain.

Samantala, matatandaang noong nakaraang buwang ay inanunsyo na si dating Sainsbury Chief Executive Mike Coupe ang magiging COVID-19 testing direct sa NHS test and trace ng England.

 

PINAS TEAM

DINALA ang kilalang The Museum of the Moon bilang bahagi ng third anniversary ng OliOli sa Dubai kung saan inaasahang mamamangha ang publiko sa ganda ng buwan dito.

Gawa ng isang world-renowned artist na si Luke Jerram ang naturang moon exhibition, na matatagpuan sa Al Quoz 1, malapit sa Oasis Centre Mall, Dubai.

Isang limang metrong saktong replica ng buwan na mayroong mga detalyadong larawan nito mula sa National Aeronautics and Space Administration o NASA ang ginamit.

Hindi lang ‘yan, para mas mapamangha ang mga bisitang pupunta ay mayroon ding sound effects na likha ni Bafta and Ivor Novello award winning composer, Dan Jones ang aaliw sa mga tao.

Maaari mo ring maranasan ang nakakapanabik na pakiramdam kung paano nga ba ang lumanding sa mukha ng buwan sa VR moon buggy experience.

Ang nasabing exhibit ay umabot na sa halos 30 bansa kasama na ang England, India, Belgium, Australia at iba ba pa.

Maaaring bisitahin ang The Museum of the Moon sa halagang DHS 126 sa buwan ng Oktubre. Valid ang ticket sa loob ng dalawang oras; para na ito sa isang bata at isang adult.

‘Pag sumapit naman ang buwan ng Nobyembre ay magkakaroon na ng additional charges sa exhibit; tatakbo ang museum sa loob ng anim na buwan o hanggang sa Abril 2021.

 

Ni James Luis

 

ISA pang top official sa White House ang nagpositibo sa COVID-19 sa katauhan ni Stephen Miller, isa sa mga top aide ni US President Donald Trump.

Ayon kay Miller, sa nakalipas na limang araw ay naka-self isolate na ito habang nagtatrabaho.

Magugunita na nitong mga nakalipas na buwan ay unang nagpositibo sa COVID ang asawa nitong si Katie Miller na communications director ni Vice President Mike Pence.

Samantala, inanunsyo naman ni Democrat Presidential Candidate Joe Biden na hindi ito papayag na ituloy ang nalalapit nilang debate ni Trump sa Oktubre 15 at 22 kung positibo pa rin sa virus si Trump.

Matatandaan na nakaraang linggo ay nagpositibo sa COVID-19 virus si US President Trump.

Ni Vic Tahud

 

UMABOT na sa 33,825,571 ang bilang ng mga nahawaan ng COVID-19 virus sa buong mundo.

Sa kabila nito, umabot na sa 25,127,604 ang bilang ng mga gumaling mula sa virus at 1,011,816 na ang bilang ng mga nasawi sa buong mundo.

Sa ngayon, nangunguna pa rin ang bansang Amerika sa mga bansa na may pinakamaraming kaso ng COVID-19 na umabot na sa 7,403,381.

Sinundan ito ng India na may 6,223,519. Pangatlo ang Brazil na may 4,780, 317. Pang-apat ang Russia na may 1,167,805, at panglima ang Columbia na may 824,042 mga kaso ng COVID-19 virus.

 

Ni Vic Tahud

MAGTATANGGAL ng 28,000 empleyado sa parke ang Walt Disney Co. dahil sa kaunting bilang ng mga bisita dahil na rin sa patuloy na banta ng COVID-19 sa buong mundo.

Sa ngayon, bagama’t balik operasyon na ang Disney Land, ‘di pa rin ito maaring tumanggap ng 100% capacity upang maobserbahan ang social distancing.

Maging ang Disney Park ay naapektuhan din ng nasabing pandemya kung saan ‘di pa rin pinapayagan ng Amerika na magsagawa ng operasyon.

Ayon naman kay Josh D’amaro, chairman ng parks unit, mahirap para sa Disney ang magtanggal ng trabahante, parks, experiences at product segment ngunit kinailangan gawin dahil sa pandemya.