Ni Jonnalyn Cortez

 

BUKOD sa masarap na meryenda, almusal o kahit pa pantawid gutom, maraming magandang dulot ang saging na saba sa katawan.

 

Puno ang saging na saba ng nutrients katulad ng vitamin B6, vitamin C, manganese, protein, fiber, potassium, iron, vitamin A at marami pang iba.

Maaaring kainin ang naturang prutas ng hilaw o luto, at marami ring putahe ang pwedeng paggamitan nito. Bukod sa pwedeng pang sahog sa ulam, pwede ring gawing banana cue, turon, banana chips at marami pang iba.

 

Nakatutulong din ang saging na saba upang pagbutihin ang iyong pantunaw, pababain ang blood pressure, i-regulate ang blood circulation, palakasin ang immune system at tulungan ang metabolic process.

 

Bukod sa maraming health benefits, maaari ring maging lunas sa ilang sakit ang pagkain ng prutas na ito.

 

Ayon kay Doc Willie Ong, maganda ang saging na saba para sa mga taong may ulcer at nangangasim ang tiyan. Ang taglay nitong antacid na tinatawag na phospholipid at flavonoid ay tumutulong upang tapalan ang mga sugat sa iyong tiyan.

 

Mabuti rin ang saging na saba sa puso dahil sa mataas na potassium at bitamina. Maaaring kumain ng hanggang dalawang saba araw-araw, kasabay ng mga gamot para sa altapresyon.

 

Mataas din sa fiber ang saging na saba, kaya’t mabuti sa colon. Maaari ring gawing panlaban sa colon cancer at iba pang sakit sa bituka.

 

Pwede ring panlaban sa stress at pang-relax ang saging na saba dahil sa dala nitong tryptophan, na uri ng kemikal na nagpapasaya at nagpapaganda ng emosyon.

 

Isang pagsusuri naman ang nagsasabing ang pagpapakain ng saging na saba sa mga bata o sanggol nang madalas ay nakatutulong upang hindi sila hikain. Kahit hindi pa napatutunayan kung mabisa nga ito, marami naman ang mga naniniwala rito.

 

Panghuli, maganda ring kumain ng saging na saba ang mga mahilig mag-gym at mag-exercise upang hindi bumaba ang kanilang potassium level. Kumain lamang ng dalawa tuwing mag-ehersisyo upang panatilihin ang lebel ng iyong potassium.

 

 

 

 

Ni Eugene B. Flores

 

NORMAL para sa atin na umpisahan ang araw sa pag-inom ng mainit na kape o di kaya ay ang pag-inom ng tubig na malamig matapos pagpawisan. Ngunit alam mo ba na may mas epektibong paraan upang simulan ang ating araw nang malusog at masigla?

 

Ayon sa pag-aaral, ang pag-inom ng maligamgam na tubig ay may kaakibat na mga benepisyo para sa ating katawan. Kung kaya’t nirerekomenda ng mga eksperto na ugaliing uminom ng maligamgam na tubig sa umaga at maging pagkatapos pagpawisan. Mas nakatutulong umano ito kumpara sa nakagawian nating pag-inom ng malamig na tubig upang mapawi ang init na nararamdaman.

 

Ilan sa mga naidudulot nito sa ating katawan ay ang mga sumusunod:

 

1. Maayos na pagtunaw ng pagkain

Umpisahan ang araw sa pag-inom ng isang baso ng maligamgam na tubig upang matanggal ang mga tirang pagkain sa katawan at maging maayos ang pagtunaw. Pinapatigas naman ng malamig na tubig ang mga taba at langis sa katawan kung kaya’t nakakaapekto ito sa metabolismo ng isang tao.

 

2. Pangontra sa maagang pagtanda

Hindi ligtas ang ating katawan sa mga toxins na nagdudulot ng maagang pagtanda ng ating mga balat at kalakip din nito ay ang mabilis na pagkapit ng mga sakit sa ating katawan. Ang pag-inom ng maligamgam na tubig ay tumutulong sa pagsugpo sa mga toxin at tumutulong din sa pag-ayos ng skin cells.

 

3. Maayos na pagdaloy ng dugo

Kasama sa mga toxin na nililinis ng maligamgam na tubig ay ang mga fat deposit na nagiging hadlang sa maayos na pagdaloy ng dugo.

 

Ni Marileth Antiola

 

ISA sa pinakamainam na pang-alis ng stress sa katawan at  pamparelax ay ang pagpapamasahe.

Narito ng ilan sa mga benepisyong makukuha natin sa pagpapamasahe:

•       Pag imrove ng sirkulasyon ng dugo. Ang pagpapamasahe ay nakatutulong na maging maayos ang daloy ng dugo sa buong katawan at nakabubuti rin para sa paghatid ng supply ng mga nutrients sa katawan. Nagiging makinis at malambot din ang balat matapos ang massage therapy dahil narerelax nito ang muscles at tinatanggal ang lamig na naipon sa katawan.

 

•   Nag po-promote ng flexibility. Ang madalas na pagpapamasahe ay nagbibigay ng flexibility sa katawan dahil sa tulong din ng regular na massage therapy, maiiwasan ang tyansa ng injury. Ang pangangalay o sakit ng mga kasukasuan sanhi ng rayuma ay na re-relieve din ng masahe.

 

•     Nakakaalis ng bloatedness ng katawan. Ang pagpapamasahe ay nakatutulong sa pagtanggal ng bloatedness sa katawan at sa pagtunaw ng mga taba sa katawan kaya’t kasama ng pagkain ng balanseng diet,  makatutulong ito sa pagbawas ng timbang at mabisa rin sa pagtanggal ng mga cellulite.

 

•       Epektibo pantanggal ng stress. Ang pagpapamasahe ay isang epektibong paraan upang mawala ang stress  at pinapagaan ang ating pakiramdam. Ginigising nito ang mga natutulog na taba sa katawan, inaalis ang lamig at hanging naipon sa likod at pagkatapos ng isang sesyon ng maayos at professional massage, tanggal ang mga nararamdamang sakit at handa  na naman humarap sa isa  pang araw.

 

 

Isang paalala lamang, maraming pamamaraan o uri ang massage, pero bago ang lahat, komunsulta muna sa doctor, espesyalista at mga therapist kung ano ang mga nararapat at nababagay sa iyo.

 

 

 

 

 

 

Ni Marileth Antiola

 

NANG dahil sa climate change, hindi na matukoy o mapaghandaan ang pabago-bagong panahon. Dahil dito, madaling magkasakit ang mga tao at kadalasan ang respiratory diseases ang gumugupo sa marami.

 

Ang tag-araw ay maaring magdulot ng sunburn, heat stroke at kadalasan na maari rin makapagbigay ng mga sakit sa balat dahil sa matinding init ng araw. Ang tag-ulan naman ay maaring makapagdulot ng lagnat, trangkaso at ang isa sa hindi maiiwasang mga sakit ay ang sinusitis.

Ang mga taong nakararanas ng sinusitis ay madalas barado ang ilong at hirap huminga. Kalimitan binabalewala lang ng mga tao ang sinusitis sa akalang ito ay simpleng sipon lamang.

 

Nagkakaroon ng sinusitis kapag ang tissue na nakapalibot sa sinuses ay namaga. At dahil sa pamamaga, nagbabara ang ilong at nagkakaroon ng tubig na maaaring humantong sa impeksyon.

 

Ang mga ang sumusunod ang dapat gawin at iwasan kung   may sinusitis:

·   Iwasang kumain ng malalamig na pagkain gaya ng ice candy at sorbetes.

·        Iwasan muna ang paggamit ng aircon kapag matutulog dahil ang lamig nito ay maaring makapagbigay ng dahilan para sipunin at bahangin ang taong may sinusitis, na pwedeng makapagpalala pa nito. 

·   Huwag munang gumamit ng matatapang at sobrang maamoy na mga pabango, dahil ang mga ito ay maaaring makapagdulot sa taong may sinusitis ng pag-bahing at pagkuskos ng kanilang mga ilong. Ang matapang na amoy nito at ang mga cologne at iba pang klase ng pabango ay may sangkap na iba’t-ibang kemikal.

 

·        Kung may sinusitis ka, makabubuting umiwas sa mga lugar na maalikabok at kung sa bahay naman ay maglinis sa pamamagitan ng paglampaso gamit ang basahang basa o vacuum cleaner. Hindi mainam na magwalis dahil lilipad lamang ang alikabok. Pagkatapos maglampaso at saka lamang daanan ng walis ang mga sahig.

 

·        Kung bibiyahe naman ay mainam na gumamit ng mga disposable face mask o yuong gawa sa tela, para maiwasang makalanghap ng usok at alikabok galing sa mga sasakyan. 

 

·        Mas mabuting laging may baon na tissue para kung may tutulo galing sa ilong, kung babahing at sisinga ang taong may sinusitis ay itatapon na lang ang tissue kaysa kung bimpo o panyo dahil maiipon ang bacteria dahil sa paulit-ulit na paggamit nito.

 

Laging tandaan ang mga bagay na ito para maiwasan na lumala at lalong matrigger ang inyong sinusitis.

 

Mga lunas 

·        Uminom ng sapat na bilang ng baso ng tubig araw-araw. Nirerekomenda ang walong baso o dalawang litro sa maghapon.

·     Inumin agad ang mga niresetang gamot ng iyong doctor.

·   Mainam ang pagkain ng mga masustansyang pagkain gaya ng mga gulay at prutas.

·        Ang paggamit ng air humidifier ay nakatutulong para magamot ang sinusitis.

·       Maaaring gumamit ng mga nasal spray o drops pero huwag sumobra ang gamit ng mga ito dahil nakakasira rin ng lining ng ilong.

 

Ilan lamang ito sa mga gamot at lunas sa inyong bahay na hindi kinakailangan gumastos ng malaki.

Kung ikaw ay may sinusitis ay huwag ka nang mag dalawang-isip kung gagamutin mo ba ito o hindi. Gawin mo na agad ang mga bagay, gamot at lunas upang gumaling at huwag nang hintayin pa na lumala ang iyong sakit.

Alagaan at mahalin ang iyong kalusugan dahil bukod sa mahirap magkasakit, magastos din ito.

 

Ni Champaigne Lopez

 

 

HINDI dapat ipagwalang bahala ang problema sa mata dahil isa ang mata sa sensitibong parte ng ating mukha at ang labis na pag-aabuso nito ay magdudulot ng komplikasyon.

 

EYESTRAIN. Ito ay ang paglabo ng paningin, pananakit at fatigue na karaniwang nakukuha sa labis na pagtutok sa mga gadget tulad ng computer, cellphone at iba pa. Nakukuha rin ito sa matagal na pagmamaneho at kapag ito ay lumala pa ay maaring ikabulag.

 

RED EYES. Ang pamumula ng mata ay kalimitang nakukuha sa pagpupuyat o pag-atake ng allergies. Makakaramdam ng labis na pangangati at pagiging iritable dahil dito. Maari rin itong makuha sa pagbababad sa araw.

 

COLOR BLINDNESS. Ang pagkakaroon ng color blindness ay maaaring genetic o namamana. Ang taong meron nito ay nahihirapan matukoy ang kulay o hindi makita ang pagkakaiba-iba ng mga kulay. Madalas ay nagmula ito sa pagkabata at maari lang masolusyunan sa pamamagitan ng operasyon.

 

 

Ang pag-aabuso sa mata ay hindi maganda sa kalusugan. Subukang magkaroon ng sapat na tulog upang ang mata ay maipahinga, dahil kung parati itong aabusuhin ay maari itong ikabulag. Tandaan na ang pahinga ay hindi reward, ang pahinga ay kailangan ng isang tao. Huwag abusuhin ang sarili at pahalagahan ang kalusugan.