Ni Marileth Antiola

 

HINDI lingid sa ating kaalaman na marami ang nakararanas ng matinding stress lalo na sa mga estudyante at mga empleyado na ang nagiging resulta ay burn out.

Ang burn out ay kung saan ang tao ay nakararanas physically, emotionally and mental exhausted na dulot ng matindi at mahabang stress. Isa ito sa nagiging dahilan kung bakit nagiging negatibo ang pag-iisip ng isang tao, mababang energy, nawawalan ng pag-asa at kung minsan ito rin ang dahilan ng pagbaba ng kalidad ng trabaho ng isang manggagawa.

Ang mga sumusunod ay ang mga dapat gawin upang makaiwas sa burn out:

 

MAKISALAMUHA SA MGA KATRABAHO

Madalas tayong nakararamdam ng stress sa trabaho, kaya importante rin na makisalamuha tayo sa ating mga katrabaho. Kagaya ng pagbati pag nagkakasalubong, pakikipag-usap at pakikipagkwentuhan sa kanila, at pakikipag-bonding.

 

UMIWAS SA MGA NEGATIBONG TAO

Lumayo sa mga negatibong tao dahil hindi makatutulong ang pakikisalamuha mo sa mga ganung klaseng tao dahil lalo ka lang mabu-burn out at maii-stress.

 

 

SAPAT NA PAGTULOG

Kinakailangan ng iyong isip at katawan  ng sapat at wastong oras na tulog upang makapag-isip at makakilos nang maayos at naayon. Dahil kung ikaw ay walang sapat na tulog o puyat ikaw ay hindi makakapag-isip nang maayos.

 

MAG-ENJOY

Subukan na mag-relax at mag-enjoy muna.

Kung minsan hindi talaga maiiwasan ang burn out pero wag mawalan ng pag-asa, gawin ang mga bagay na ating tinalakay para maiwasan ang burn out.

Laging tatandaan na huwag kalimutang ngumiti at magpasalamat!

 

 

Ni Champaigne Lopez

 

ANG  climate change o abnormal na pagbabago-bago ng ating klima ang isa sa pinakamalaking suliranin na hinaharap sa ngayon. Ito rin ang sanhi ng malakas na bagyo, paglamig at pag-init ng temperatura, pagtaas ng tubig dagat, pagkatunaw ng yelo at mga pagsabog ng bulkan.

Sa kabila ng pagbabago ng klima, tayo bilang indibidwal ay maaaring gumawa rin ng mga hakbang upang labanan ang climate change. Narito ang ilan sa mga maaring gawin upang makatulong sa ating klima at sa ating kalikasan.

 

MAGTANIM

Ang mabilis na pag-init ng planeta ay isa sa mga dahilan sa pagnipis ng ating ozone layer dulot ng climate change. Kaya naman ang pagtatanim ng puno at hindi basta basta pagputol  ng mga punong kahoy ay labis na makatutulong upang mabawasan ang labis na init na siyang nakasisira sa kalikasan. 

 

ITAPON ANG BASURA SA TAMANG TAPUNAN

Ang pagtatapon ng basura sa tamang tapunan ay isang simpleng gawain lamang, ngunit kung ito ay makaka-ugalian ay malaki ang maitutulong nito sa ating kapaligiran. Simpleng pagdampot ng kalat, maliit man o malaki at ang hindi pagsunog ng mga basura ay makakalikha ng malawakang pagbabago. Ang hindi pagtapon ng basura kung saan-saan ay makatutulong sapagkat kung maraming basura ay malaki ang posibilidad na magbara sa daluyan ng tubig na siyang magdudulot ng pagbaha. 

 

PAGTITIPID SA PAGGAMIT NG ENERHIYA

Ang sobrang paggamit ng enerhiya ay isa rin sa dahilan ng climate change. Kaya ang simpleng pagtipid sa pagkonsumo ng kuryente ay malaking bagay upang makatulong sa kapaligiran, bukod pa dito ay makakatipid din sa gastusin. Makatutulong ang pagtitipid ng enerhiya upang mabawasan ang init na nailalabas nito patungo sa ating kalangitan dahil kung sobra-sobra ang init sa ating planeta ay maaring lalong numipis ang ozone layer at patuloy na pagkasira ng pagkasira ng planeta. 

 

MAG-RECYCLE

Hindi lahat ng mga bagay na patapon na ay wala ng halaga. Gamitin ang pagiging malikhain upang makapag-recycle. Katulad na lamang ng mga plastic bottles na ilang libong taon pa bago ma-decompose, maaring gawin itong palamuti sa tahanan o kaya naman gawing lagayan ng halaman at marami pang iba. Makatutulong ang pagrerecycle upang mabawasan ang pagdami ng basura at kapag nabawasan ang basura ay mas magiging malinis at maganda ang ating kapaligiran. Maiiwasan din ang pagkalat ng iba’t-ibang uri ng sakit.

 

IBAHAGI ANG KAALAMAN

Ang pagbabago ng ating kalikasan ay hindi magagawa ng isang tao lang. Ika nga “no man is an island” kaya kung ang kaalaman mo ay maipamamahagi mo sa iba at mahihikayat mo sila na tumulong sa pagprotekta sa ating kalikasan ay tiyak na mapabibilis ang pagbabago na matagal na nating inaasam. 

 

 

Ni Jonnalyn Cortez

SA ngayon, maraming tao ang gumugugol ng napakahabang oras gamit ang kanilang mga smartphones. Nariyan ang mag-selfie, mag-update ng status sa Facebook, Twitter at Instagram, mag-laro, mag-email at marami pang iba. Meron ngang ilang gamit ang kanilang cellphone para sa trabaho.

 

Ngunit, kailan mong masasabi na sobra na at tama na? Kaya mo bang gawin ang digital detox o digital diet upang gamitin ang iyong oras para gawin ang mas importanteng bagay?

 

Hindi maikakaila na maraming benepisyo at pinapadali ng digital world ang buhay ng mga tao. Sa isang click, maaari mo nang gawin at makita lahat, kaya naman marami ang nahuhumaling dito. Pero, gaano kahabang oras ba ang nawawala sa buhay mo gamit ito?

 

Ang digital detox ay isang hakbang upang matukoy kung ano talaga ang pinakaimportante at pinakamahalagang app at devices ang kinakailangan mo.

 

Malaki ang pakinabang sa paggamit ng mga digital devices ngunit parang ito na ang kumokontrol sa iyong buhay.

 

Hindi nga siguro madali sa ilan ang ihinto ang paggamit ng social media apps ngunit maaaring makasanayan ito kapag nasimulan.

 

Ang sunud-sunod na notification mula sa iyong messenger at e-mails ay maaaring sirain ang iyong konsentrasyon at focus sa paggawa ng mas importanteng bagay. Mahalagang matutunan ang tunay na dahilan ng paggamit ng social media at huwag hayaan na kontrolin ka nito.

 

Ayon sa librong “The 4-Hour Workweek” ni Timothy Ferriss, maaari mong simulan ang digital detox sa pamamagitan ng pagbibigay ng limitasyon sa iyong sarili. Bawasan ang pagbabasa ng mga tsismis online, spam emails at status updates.

 

Pwede mo ring patayin ang notifications sa iyong cellphone upang maiwasan ang pag-check ng iyong digital devices kada sandali. Ang pagbabasa ng notifications ay maaring mag-udyok sa iyo na mag-scroll at mag-check ng iyong buong social media account.

 

Maaari ka rin magtakda ng “low info day” kung kailan iiwas kang gamitin ang iyong digital devices at gumawa ng mga bagay sa real world. Hindi lamang nito mabibigyan ng sapat na oras ang iyong sarili at ang mga mas importanteng bagay, kundi mapapanatili mo rin ang iyong mental well-being.

 

Importanteng masanay gawin ang digital detox upang makita ang mga mas importanteng bagay na dapat gawin. Ang pag-iwas o pagbabawas ng oras na ginugugol gamit ang smartphone ay magbibigay ng mas maraming oras upang matapos ang iba pang mga trabaho.

 

 

 

 

Ni: Champaigne Lopez 

 

ANG pagpapatawad sa sarili ay kakabit ng pagtanggap sa ating kamalian. Walang taong perpekto at lahat tayo ay nagkakamali, ngunit ang bawat pagkakamali ay ituring nating leksyon para sa ating sarili.

Madalas tayo humingi ng tawad sa ibang tao dahil sa nagawa nating mali minsan pa nga ay ang kapalit ng kasalanan natin ay ang pagsilbihan sila. Minsan pa ay kailangan natin silang bayaran upang tayo ay mapatawad. Ngunit nakakalimutan natin na patawarin din ang ating sarili.

 

Ano nga ba ang mga benepisyo ng pagpapatawad sa sarili?

 

Mas makikilala mo ang iyong sarili. Ang pagpapatawad natin sa ating sarili ay daan din upang mas makilala natin kung sino tayo. Dahil dito mas maiintindihan natin na hindi tayo perpekto at ayos lang na kung minsan ay magkamali dahil ang mahalaga ay yung may natutunan tayo sa ating karanasan.  Ang bawat pagkakamali rin na nalagpasan natin ay ang siyang magpapaintindi sa atin na kaya nating magbago at mayroon pa pala tayong magagawa para maayos ang ating sarili.  

Pagiging positibo. Dahil sa pagpapatawad at pagtanggap natin sa ating sarili ay mas nagiging positibo tayo sa buhay na siyang makatutulong sa ating disposisyon at pag-unlad bilang isang tao. At kapag tayo ay positibo, mas maraming darating na oportunidad sa atin. 

 

Pagiging malakas. Makatutulong din ang pagpapatawad natin sa ating sarili sa pagiging malakas, hindi sa pisikal na aspeto  kundi sa bawat pagsubok na ating kinakaharap. Dahil sa ating pagpapatawad sa sarili ay mas nagiging matatag tayo at handa muling harapin ang mga panibagong pagsubok.

 

Ni Shane Elaiza E. Asidao

 

KILALA ang ‘Solanum lycopersicum’ o Kamatis bilang isa sa pangunahing pinanggagalingan ng antioxidant na lycopene na nagsisilbing panlaban sa iba’t ibang uri ng sakit gaya ng heart disease o kanser.

Ngunit, hindi lamang sakit ang maaaring malabanan ng madalas na pagkain ng kamatis. Karaniwan din itong ginagamit na pampakinis o pampaputi ng balat.

Dahil sa taglay din ng kamatis ang iba’t-ibang sustansya gaya na rin ng Vitamin C, napatunayan na rin na ito ay mabisang pampaganda. 

At sa panahon ngayon na marami nang lumalabas na makabagong produktong pampaganda at pampakinis ng balat na gawa ng iba’t-ibang beauty at cosmetic company, hindi lahat ay kayang bumili ng mga produktong ito.  

At bukod pa sa kakulangan sa budget para rito, marami rin (kabilang na ang may kayang gumastos) ang mas gugustuhin ang natural na paraan sa pagpapakinis o pagpapaputi ng kutis. Kaya heto ang ilan sa mga benepisyo na makukuha sa pagkain o paggamit ng kamatis:

Pagkain at pag-inom ng kamatis

Dahil sa taglay nitong lycopene, magreresulta ang palagiang pagkonsumo nito sa mas glowing at natural pinkish skin.

Ayon din sa mga eksperto, nagbibigay proteksyon din ito sa masamang epekto ng ultraviolet rays na nakukuha sa sikat ng araw at siya ring nagpapanatiling hydrated ang inyong balat at maiwasan ang pagiging dry nito.  

Paraan ng paggamit: Pwede mo kainin nang hilaw ang kamatis matapos hugasan. Maaari ring pakuluan ito muna bago kainin. Mayroon din namang gumagamit ng juicer o blender upang makuha nang lubos ang katas ng kamatis. Ang organic juice na ito ay higit na masustansya at mas mura sa mga powdered juice o soft drinks.

Pagpapahid sa mukha o balat

Isa ring epektibong paraan ang external use o pagpapahid ng kamatis sa mukha o balat upang makuha ang mga sustansyang taglay nito. Binabawasan nito ang oiliness ng balat at mapipigilan ang pagkakaroon ng tigyawat.

Paraan: Matapos hiwain sa gitna ang kamatis, kailangan mo lamang ipahid sa iyong mukha bago matulog at iwanan ng 20 minuto bago banwalan. Pwede mo rin itong ipahid sa iyong balat bago at iwanan ng 30 minuto bago maligo.

Ilan lamang ito sa maraming pangkagandahan at pangkalusugang resulta ng paggamit o pagkonsumo ng kamatis.

Ni Stephanie Macayan

 

ANG pagbabasa ay maigi sa bawat tao, dito nag-uumpisa ang paghubog ng ating kaalaman. Kaya naman kung gusto mong lumawak ang iyong kaalaman tungkol sa pagiging magaling na lider sa lahat ng oras, magbasa ng libro patungkol sa pamumuno, alamin anong libro ang makatutulong para sa iyo.

 

Maaaring magkakaiba ang depinisyon ng tao sa ‘leadership’ ngunit iisa lamang ang tiyak, kahit ano pa man ang depinisyon nito ay may aral pa rin tayong makukuha dito at makakatulong patungo sa ating tagumpay.

Ikaw ba ay team leader sa trabaho? At gusto mong lumawak ang iyong kaalaman tungkol dito? Ayaw mo naman sigurong ilaban sa gyera ang iyong grupo nang wala man lang kaalam-alam sa pagiging lider? Kung babasahin mo ang mga librong ito ay maaaring makatulong ito sa inyong tagumpay.

 

 

BEST FOR TEAMWORK: THE FIVE DYSFUNCTIONS OF A TEAM: A LEADERSHIP FABLE

Sinabi ni Patrick Lencioni na ang tagumpay ay nasa grupo, hindi lamang dahil sa lider. Ngunit ang alam nating lahat na kailangan din ng grupo ay ang isang mahusay at epektibong lider. Ayon sa librong ito, dapat mabigyan ng pagkakataon ang bawat miyembro ng grupo na marinig ang bawat saloobin at mga ideya at higit sa lahat ay ang tiwala sa bawat isa.

Ang nilalaman ng librong ito ay mga sitwasyong nadaanan ng bawat lider at kung paano ito malalampasan at matugunan.

Si Lencioni ay may kamangha-manghang karanasan na ipinakita. Isa siyang matagumpay sa business kung saan ang kaniyang mga gawa ay makikita sa Harvard University, isang prestihiyosong unibersidad sa Cambridge, Massachusettes ng Estados Unidos.

 

Ang bawat chapter ng librong ito ay mayroong pagsusulit kung saan maaring masuri ang iyong kakayanan, ito ay makatutulong upang mapabuti ang kakayanan bilang lider.

 

 

ACT LIKE A LEADER, THINK LIKE A LEADER

Isa itong libro na makatutulong upang mapahusay ang kakayanan sa pagiging lider. Naglalaman din ng mga payo para sa mga manager na makakatulong na palaguin ang kanilang husay sa kanilang propesyon.

 

Ang may akda ay naniniwalang ang pagiging lider ay nangangailangan ng maraming eksperimento at matuto sa mga karanasan sa halip na pagiging maingat at risk taker.

 

Kadalasang sinasabi na ang isang lider ay dapat kumikilos at mag-isip na para bang tunay na pinuno ngunit maaring maging iba ang interpretasyon ng iba dito, ang may akda ay nag-aalok kung paano ito susundin. Kaya mas makakabuti kung ito ay babasahin.

 

 

BEST APPROACH TO LEADERSHIP: THE COACHING HABIT: SAY LESS, ASK MORE & CHANGE THE WAY YOU LEAD FOREVER

Isang kilalang keynote speaker at coaching expert si Michael Bungay Stanier ang may akda ng librong ito. Nakapagturo sa mahigit 10,000 na mga manager worldwide upang matulungan mapaunlad ang leadership skills ng mga ito.

 

Ang The Coaching Habit ay naka-pokus sa mga skills kung saan may pitong mga tanong si Stanier kung saan ang layunin nito ay humingi ng tiyak na tugon mula sa iyong grupo o paano sila tumugon sa mga balakid.

 

Ito ay nahahati sa mga tanong na “The Kickstart Question” patungo sa “The Focus Question” at “The Strategic Question”. Ayon kay Daniel H. Pink, ang may akda ng Drive ang mga ito ay “core question” at sinasabing hindi lamang ito makatutulong patungo sa epektibong suporta sa iyong grupo, ito rin daw ay makatutulong upang ikaw ay maging best coach sa sarili mong pamamaraan.

 

 

BEST ABOUT MILLENNIALS: LEADERS EAT LAST: WHY SOME TEAM PULL TOGETHER AND OTHERS DON’T

Ayon sa librong ito na sinulat ni Simon Senek, sinulat niya ito dahil misyon niya na makapagbigay ng inspirasyon sa iba at turuan sila kung paano gawin ang mga natutunan niya. Kasama na rin sa gusto niyang tulungan ay ang mga foreign ambassador at mga politiko sa United States.

 

Nakasaad dito na siya ay naniniwala na ang isang mahusay na lider ay dapat isakripisyo ang kaniyang sarili kung kinakailangan para sa kapakinabangan ng mga sumusunod sa kanya.

 

TURN THE SHIP AROUND

Ito ay isang makabuluhang aklat dahil ang may akda nito ay isang former commander ng US Navy Submarine at hango sa tunay na buhay.

 

Inilahad niya ang bawat aral na kaniyang natutunan habang siya ay nagsisilbi sa Navy. Inilagay ng may akda ang pilosopiya ng paghubog ng isang lider, hindi raw dapat matakot magtanong at hamunin ang awtoridad kung kinakailangan.

 

Ito ay isang pagsasaliksik kung paano inililikha ang ideya ng leadership mula sa ‘leading’ hanggang sa pagtulong sa iba na ‘lead’ sa kanilang sariling pamamaraan at muling isulat ang rules sa proseso.

 

Ito ay inirerekomenda na basahin ng mga manager at mga lider sa negosyo. Dahil malaki ang maitutulong nito upang mapaunlad ang sarili lalo na kung ikaw ay bago pa lamang sa ganitong trabaho. Maaari rin itong basahin ng mga ordinaryong tao dahil ito ay malaking tulong din upang maging handa sa mas mabigat na layuning dadaan sa iyong buhay.