Ni Pat Fulo

 

INALMAHAN ni Deputy Speaker at Valenzuela Representative Wes Gatchalian ang planong pagpapatupad ng Toll Regulatory Board (TRB) ng 3 strike policy sa mga motoristang gumagamit ng express ways nang walang sapat na RFID load.

Tirada ni Gatchalian, kung mayroong 3-strike rula sa mga motorista dapat mayroon ding 3-strike rule sa mga toll operators.

Giit ng mambabatas, bago puntiryahin ang mga motorista ay dapat muna panagutin ng TRB ang toll operators sa mga aberyang naranasan sa pag-iral ng cashless system.

Halimbawa na aniya ang problemang naranasan sa ilang toll gate sa Valenzuela kungsaan nagkaroon ng matinding trapiko dahil sa hindi gumaganang harang sa toll gates.

Dagdag pa nito, hindi rin muna dapat mag-implementa ng mga ganitong klaseng polisiya ang TRB hanggat hindi pa interoperatable ang RFID sa parehong NLEX at SLEX.

Anito, dapat munang siguraduhing sumusunod ang operators sa kanilang kontrata at bantayan ang pagbibigay nito ng maayos na serbisyo sa mga motorista.

Ni Vhal Divinagracia

 

NAGSAGAWA ng online community-based at income generating capacity trainings ang Technical Education and Skills Development o TESDA sa mga residente ng Quezon City at Navotas City.

Sa QC, nakipagtulungan ang TESDA Quezon District Office sa opisina ni Representative Allan Benedict Reyes kung saan isang daang partisipante ang sumali para sa liquid dishwashing soap making ng online community-based training program ng ahensya.

Samantala, ang TESDA Camanava District Office naman ay nagsagawa ng Special Training for Employment Program o STEP at tool kit distribution.

Ang STEP ay isang community-based training program kung saan ang special skills ng isang indibidwal ay bibigyang tugon para makapagtrabaho ito.

Dinaluhan ang nasabing aktibidad ng TESDA Camanava nina Navotas Representative John Rey Tiangco at TESDA Navotas City at District Director Rolando dela Torre.

Ni Arjay Adan

 

MAGLALAAN ang pamahalaan ng Marikina City ng local indemnification fund upang tulungan ang mga residente na makakaranas ng severe injuries o kahit na anong masamang epekto ng COVID-19 vaccines.

Magtatayo ang kanilang pamahalaan ng post-care monitoring system upang obserbahan ang mga indibidwal na naturukan ng bakuna, ayon kay Mayor Marcelino Teodoro.

Itatayo nila ang COVID assistance fund upang mabuo ang tiwala at kumpyansa ng mga Marikeño.

Dagdag pa ng Alkalde, marami sa kanilang indigent at marginalized na residente ang nais na magpaturok ngunit nagpahatid ang mga ito ng takot tungkol sa masamang epekto ng bakuna.

Samantala, bumuo na ang syudad ng team ng medical experts kabilang dito ang practicing health professionals, scientists, at mga expert sa field ng virology, infectious diseases, molecular microbiology at iba pa na gagabay sa kanilang vaccination plan.

Ni Karen David

 

KINUMPIRMA ng Manila Public Information Office na inaprubahan na ni Manila Mayor Isko Moreno ang panukala ng University of Santo Tomas (UST) na ipagpatuloy ang limited face-to-face classes.

Ito ay para sa kanilang medical at allied health programs.

Batay sa joint memorandum circular ng Commission on Higher Education at Department of Health, kinakailangan ng mga higher educational institution na nais magsagawa ng limited face-to-face classes na komonsulta sa kanilang respective local government units sa kanilang plano kung paano tutugon sa government protocos laban sa COVID-19.

Ni Vic Tahud

 

POSIBLENG gagamitin ni Pasig Mayor Vico Sotto ang ang pampublikong paaralan bilang COVID-19 vaccination centers.

Ito ang inihayag ni Sotto sa pagbisita ng COVID-19 vaccines code team sa Pasig City.

Ani Sotto, maaring maobserbahan ng publiko ang mga health protocol gaya ng social distancing sa mga paaralan.

Dagdag pa ni Sotto, ito ang nakikita niyang lugar na sakto para sa vaccination dahil ito ay may espasyo, mga kwarto at tamang ventilation. Sa kabila nito, ipapaalam ito ng alkalde sa Department of Education.

Patungkol naman sa pagpapabakuna, sinabi ni Sotto na hindi pipilitin ang mga residente ng Pasig ngunit sila ay hinihikayat na magpabakuna. Wala umanong dapat ikatakot ang publiko kung ang isang bakuna ay aprubado ng Food and Drug Administration.

Ni Karen David

 

NAGSAGAWA ngayong araw ang city government ng Valenzuela ng dry run para sa kanilang COVID-19 vaccination rollout sa Malinta Elementary School, isa sa 17 designated vaccination area sa lungsod.

Sinabi ni Mayor Rex Gatchalian, aabot lang hanggang 15 minuto ang proseso ng pagbabakuna at panibagong 30 hanggang 45 minuto para sa post-vaccination stage kung saan susuriin ang recipients sa posibleng side effects.

Matapos ang pagbakuna sa mga residente, tatanggap ang mga ito ng VCVax passport kung saan nakalagay kung kailan sila nagpabakuna at kailangan ang kanilang second vaccine.

Bilang information campaign din ng lungsod, tatanggap ang recipients ng pin button na may nakasulat na “Bakunado na ako. Tayo na para sa ligtas na Valenzuela.”

Sinabi ni Gatchalian na target nila na makapagbakuna ng 3,000 katao kada araw kung saan tatlong teams ang itatalaga kada designated site.

Una nang naka-secure ang Valenzuela ng 640,000 doses ng COVID-19 vaccines mula AstraZeneca kung saan nasa 70 porsyento ng populasyon ng lungsod ang sakop nito.

Samantala, sinabi ng alkalde na nasa 4,000 residente na ang nagparehistro sa kanilang VCVax para sa inoculation.