Ni Karen David
UMABOT na sa 9,056 ang bilang ng mga kumpirmadong kaso sa COVID-19 sa Valenzuela City hanggang kaninang alas 11 ng umaga, Enero 22.
Ito ay matapos makapagtala ang lungsod ng 37 na panibagong kaso ng coronavirus.
Pumalo naman sa 8,529 ang bilang ng mga gumaling sa sakit matapos itong madagdagan ng 47. Habang nananatili sa 263 ang bilang ng mga nasawi.
Ang kasalukuyang bilang naman ng mga aktibong kaso sa Valenzuela ay nasa 264.
Ni Karen David
NAGNEGATIBO na ang residente ng Quezon City na nagpositibo sa COVID-19 UK variants base sa kanyang pinakabagong swab test.
Ito ang inanunsyo ng local government unit (LGU) ng lungsod ngayong araw.
Ayon sa city government, magsasagawa ng final assessment ang mga doktor sa quarantine facility kung papayagan na itong umuwi sa kanilang bahay.
Gayunman, mananatili ang pasyente sa health monitoring ng dalawang linggo.
Nagbabala rin ang city government sa komunidad laban sa diskriminasyon na maaring mapanagot sa ilalim ng Anti-Discrimination Ordinance ng lungsod.
Ni Karen David
UMABOT na sa 25,911 ang kabuuang bilang ng mga kumpirmadong kaso ng COVID-19 sa lungsod ng Maynila.
Ito ay matapos makapagtala ng 54 na panibagong kaso ng coronavirus sa lungsod.
Batay sa Manila Emergency Operation Center COVID-19 monitoring hanggang kaninang alas 12 ng tanghali, Enero 21, nasa 393 na lamang ang active cases sa lungsod.
Nasa 24,742 naman ang mga gumaling na sa sakit matapos itong madagdagan ng 57 habang wala naman nadagdag sa mga nasawi kaya nananatili ito sa 776.
Ni Karen David
SINIMULAN na ang initial orientation ng local government unit (LGU) ng Antipolo City sa kanilang mga health workers para sa COVID-19 vaccination rollout.
Target ng LGU na mapabakunahan ang 500,000 nilang residente kabilang ang 90,000 na mga bata na may edad 0 haggang limang taong gulang.
Ayon sa city health officers, target ng Antipolo LGU na magdeploy ng 200 hanggang 500 COVID-19 vaccine teams na binubuo ng city health doctors, nurses, midwives, government hospital workers, barangay health workers, nutrition scholars at encoders.
Tinukoy na rin ng city health office ang mga posibleng vaccination sites gaya ng barangay covered courts, chapels, national high schools o universities, malls at clubhouses.
Sinabi ni Dr. Concepcion Lat, Antipolo’s City Health Officer, magtatayo rin ang lungsod ng Adverse Events Following Immunization Monitoring (AEFI) site na pangangasiwaan ng 40 na mga doktor para sa mga magpapakita ng unusual o severe side effects ng COVID-19 vaccine.
Binigyan-diin ni Lat na mahalaga ang triage at screening para matiyak na walang sintomas at walang recent exposure sa isang COVID-19 patient ang indibidwal na tatanggap ng bakuna kontra COVID-19.
Ni Karen David
UMARANGKADA na ang libreng drive-thru swab test o RT PCR test ng Maynila sa Quirino Grandstand ngayong araw.
Bukas ang drive thru testing center mula Lunes hanggang Biyernes, alas 8 ng umaga hanggang alas 12 ng tanghali.
Nasa 100 indibidwal naman ang maaring magpa-test kada araw, kahit hindi residente ng Maynila.
Sa mga nais magpaschedule sa swab test, maaring tumawag sa mga numero ng Manila Emergency Operations Center: 0905-242-333, 0998-322-6367, 0963-602-3177 at 0955-587-5976.
Ni Karen David
INANUNSYO ni Muntinlupa City Mayor Jaime Fresnedi na bibili ang lungsod ng karagdagang 200,000 doses ng AstraZeneca vaccine.
Sinabi ni Fresnedi na nag-request na ang local government ng Muntinlupa para sa karagdagang doses ng bakuna bilang bahagi ng una nilang tripartite agreement sa national government at AstraZeneca Pharmaceuticals Philippines.
Ngayon, nasa 300,000 doses na mula AstraZeneca ang inaasahan ng lungsod para sa inisyal na mabakunahang mga residente sa high priority groups.
