HINDI mapipigilan ng pandemic restrictions ang paglunsad ng Kasambahay Kasambuhay

Pilipinas Awards ngayong taon. Ito ang sinabi ng awards organizers, JCI Senate Philippines, Inc.

at sponsors Palawan Pawnshop – Palawan Express Pera Padala, sa isang media conference

kamakailan.

“Natuloy ang search sa kabila ng mga kalamidad sa nakaraang limang taon. Matutuloy

ito sa taong ito,” sabi ni Ginoong Bobby L. Castro, President at CEO ng Palawan Pawnshop

Group. “Ito ay aming paraan para sabihing ‘Salamat, Nay, Ate, Kuya, Manang’ sa mga

kasambahay na itinuturing naming bahagi ng pamilya.”

Bilang pagsunod sa umiiral na health protocols, mananaig ang teknolohiyang digital at

social media sa taong ito para makatipon ng mga nominasyon, suriin at pagpasyahan ang

entries, at magdaos ng star-studded recognition night sa Disyembre para sa 10 bukod-tanging

kasambahay.

Bawat isa sa pararangalan ay magkakamit ng P100,000.00 cash bilang pagkilala.

Dagdag pa, 21 natatanging kasambahay ang tatanggap ng P10,000.00 cash, kasama ang

pinaka-“liked” at shared sa Facebook.

“Itinutulak kami ng aming commitment sa household workers na ituloy ang search sa

kabila ng paghihigpit para masawata ang covid-19,” sabi ni Olive Benito, JCI Senate Philippines

chairperson para sa 2021 Kasambahay, Kasambuhay Pilipinas Awards.

Sabi pa ni Benito “kailangan ang sobra-sobrang pasalamat sa kanila dahil doble ang

pagod nila sa dagdag na trabahong dulot ng work-from-home at online education ng mga amo

at pamilya.”

Matapos mabigyan ng permiso ng employer, dapat i-post ng qualified kasambahay ang

kanilang kuwento sa Facebook kasama ang masasayang litrato sa trabaho. Dapat i-tag ang post

ng @JCIKasambahay at lagyan ng hashtag na #KasambahayKasambuhay2021.

Kasunod nito, dapat din ihayag sa search organizers ang nasabing post gamit ang FB

Messenger at address na @JCIKasambahay. Mangyaring ipakilala ang sarili at sagutin ang ilang

tanong doon.

Sa mga di-bihasa sa internet, bumisita sa alinmang Palawan Pawnshop branch para

makakuha ng nomination form na dumidetalye sa lahat ng hakbang at requirements para

makasali. Handang tumulong ang staff ng Palawan Pawnshop para sa nangangailangan ng

assistance.

Sa Palawan Pawnshop branch din na iyon ibalik ang napunuang nomination form.

Ika-anim na sunod na taong pagdaraos ng Kasambahay Kasambuhay Pilipinas Awards

sa taong ito. Unang idinaos ang search noong 2016 at 45 kasambahay na ang tumanggap ng

pagkilala mula noon, bukod sa 10 pang kikilalanin ngayon.

Ni Karen David

 

KINUMPIRMA ni Manila Mayor “Isko” Moreno na tatakbo siya sa 2022 national and local elections.

Gayunman, sinabi ng alkalde na wala pa siyang desisyon kung anong posisyon ang kanyang planong takbuhin.

Ayon kay Moreno, bagama’t ikinagagalak niya na mabanggit bilang isa sa opsyon para sa susunod na eleksyon ay magdedesisyon siya nang mag-isa.

Sinabi rin ng alkalde na mas pipiliin niya na magpokus sa pandemya sa halip na makisali sa mga “ political shenanigans” gaya ng iba na nais ituloy ang kanilang personal na ambisyon.

Sa ngayon, sinabi ni Moreno na abala siya sa pagka-alkalde at may obligasyon pa siya sa kanyang mga nasasakupan.

Ni Vic Tahud

IPINAHAYAG ng OCTA Research Group na bumubuti na ang kondisyon ng National Capital Region (NCR) at ito ay matatawag ng moderate risk area para sa COVID-19.

 

Nasa 1,100 na lamang ang daily average ng kaso ng COVID-18 sa NCR at ang positivity rate ay 10%, samantala, ang reproduction rate naman ay 0.57 ayon kay Professor Guido David ng OCTA Research Group.

 

Kabilang naman sa top 10 ng pinakamaraming kaso ng COVID-19 sa labas ng Metro Manila ay ang Davao City, Puerto Princesa City, Bacolod City, Iloilo City at Cagayan De Oro City at lima rito ay nasa loob ng NCR.

 

Ayon sa OCTA Research na bakunahan ang 50% populasyon ng NCR, Tuguegarao, Santiago, Baguio Cainta, Cebu at Imus, dahil ito ang mga lugar na vulnerable sa posibleng pagtaas muli ng kaso.

 

Ayon pa OCTA sa grupo na maaabot ang level of containment kapag nabakunahan na ang kalahating porsyento ng populasyon.

Ni Arjay Adan

 

INIHAYAG ni Department of Science and Technology o DOST Secretary Fortunato de La Peña, hinihintay ng ahensya ang pahintulot ng Food and Drug Administration o FDA at ng Philippine Health Research Ethics Board kaugnay sa  pag-aaral sa paghalo ng COVID-19 vaccines.

 

Ani De la peña, posibleng simulant ang pag-aaral sa Hunyo.

 

Ang pag-aaral ay isasagawa ng Philippine Society for Allergy, Asthma, and Immunology at magtatagal ng 18 buwan na maaaring lahukan ng 1,200 participants.

 

Sinabi ni De la Peña na sa oras na maaprubahan na ang paghalo ng dalawang magkaibang brand ng COVID-19 vaccine, maaari itong makatulong para madagdagan ang ikalawang dose ng bakuna sa kalagitnaan ng limitadong suplay nito.

 

 

 

Ni Melrose Manuel

 

 

IGINIIT ng Department of Health na walang matibay na ebidensya o magpapatunay na ang bagong strain ng coronavirus na natagpuan sa Pilipinas ay mas infectious o mas nakakahawa kumpara sa COVID-19.

 

Sinabi ni DOH Undersecretary Maria Rosario Vergeire na batay sa pag-aaral ng Philippine Genome Center ay may nakita silang bagong strain na G614 na base sa pag-aaral ay nag-mutate o nabago na raw mula sa dating D614.

 

Pero kailangan anyang maintindihan ng publiko na ang naturang pag-aaral ay nakatutok pa lamang sa Quezon City kaya ang representative sample nito ay hindi para sa buong bansa.

 

Sa ngayon anya ay wala pang solidong ebidensya na mas mabilis na nakakahawa ang naturang strain at hindi pa tiyak na mangyayari dito.

 

Paalala naman ni Vergeire na kahit anumang strain ng coronavirus ang lumutang sa Pilipinas ay kailangang huwag kalimutan ng publiko ang mahigpit na pagpapairal ng minimum health standards para malabanan ang coronavirus.

 

Ni Melrose Manuel

 

TATANGGAP ng limang daang pisong hazard pay ang mga pampublikong guro sa mga lugar na nasa ilalim ng Enhanced Community Quarantine at Modified ECQ

 

Ayon sa DepEd ang pagbibigay ng hazard pay ay nakasaad sa Administrative Order No. 26 na nagkakaloob ng hazard pay sa mga government worker.

 

Ayon kay DepEd Undersecretary Annalyn Sevilla ang mga empleyado sa ilalim ng MECQ at ECQ kapag pinapasok ay eligible sa hazard pay.

 

Aniya makatatanggap ng P500 ang mga guro sa Setyembre. Para sa kanilang annual medical check exam at P1,000 naman sa Oktubre para sa World Teachers Day.