Ni Pat Fulo

 

IPINAHAYAG ni Presidential Spox. Harry Roque na nalalapit na ang pagpapatupad ng ceiling price sa presyo ng baboy at manok.

Ayon kay Roque, tingin niya ay malapit nang maglabas ng direktiba si Pangulong Rodrigo Roa Duterte hinggil dito gayunman ay wala pa siyang nakikitang pirmadong executive order para sa pormal na kautusan.

Inihayag din ni Roque na mayroon nang programa ang pamahalaan upang matugunan ang mataas na presyo sa pamilihan. Kabilang dito ang direktang pagbili ng baboy at manok sa mga farms upang ibenta sa mababang halaga at pag-source ng baboy sa ASF-free areas sa Visayas at Mindanao upang matugunan ang mababang suplay sa Luzon.

Kasabay nito, iginiit ng secretary na walang dapat ipag-alala ang publiko dahil dalubhasa si Department of Agriculture Sec. William Dar sa Agricultural Economics at tiyak aniyang gagawin nito ang nararapat upang mapababa ang presyo ng bilihin.

Matatandaang inirekomenda ng ahensya sa pangulo ang pagtalaga ng price ceiling sa baboy at manok.

 

Ni Pat Fulo

 

NANANAWAGAN ang Associated Labor Unions (ALU) kay Pangulong Rodrigo Roa Duterte sa pagpapatupad ng price freeze sa mga basic commodities.

Sa ipinadalang liham ng ALU sa Pangulo, umapela rin ang grupo na habulin ang mga mapagsamantalang hoarders at price manipulators upang makasuhan.

Hinimok din ng grupo ang pagpapakalat ng maraming diskwento caravan at Kadiwa rolling store na may abot-kayang presyo ng bilihin sa iba’t ibang lugar sa bansa.

Paliwanag ng ALU, lubha nang naapektuhan ang mga minimum wage earners dahil sa hindi karaniwang pagtaas ng presyo ng bilihin at pagkain.

Hindi rin ito naniniwala sa sobrang pagtaas ng mga presyo ng bilihin.

 

 

Ni Pat Fulo

IKINABAHALA ng National Privacy Commission (NPC) ang inilunsad na bagong privacy policy ng messaging app na Whatsapp.

Partikular na dito ang pagpapahintulot ng naturang app na maibahagi ang data ng user sa ibang third party companies at parent company nito na Facebook.

Ayon sa NPC, bagaman layon lamang ng bagong privacy term ng app na palawakin ang kanilang business transactions at customer service ay marami pa ring saklaw ito sa privacy ng isang user.

Tulad na lamang ang lawak ng data na maaring ma-access ng Facebook at iba pang kumpanya sa isang whatsapp user.

Hindi rin anito malinaw kung mandatory ba ang pag-sang ayon ng user sa nasabing bagong polisiya.

Kaya naman ayon sa NPC ay patuloy nilang babantayan ang developments at makikipag-ugnayan ito sa pamunuan ng Whatsapp upang malaman ang iba pang impormasyon hinggil sa naturang policy update.

Ni Pat Fulo

 

SA gitna ng nararanasang pag-taas ng presyo ng baboy at manok sa mga pamilihan sa kabila ng pandemya, pag-aaralan ng Department of Agriculture (DA) ang pagtalaga ng price ceiling para sa baboy at manok sa bansa.

Sinabi ni DA Usec, Ernesto Gonzales, layon nito na mapigilan ang sobra-sobrang patong sa presyo ng mga traders.

Inihalimbawa nito ang farm gate price ng baboy ngayon na nasa 230-250 kada kilo lamang ngunit ibinebenta ng nasa 400 piso kada kilo sa ilang palengke.

Gayunman, nilinaw ni DA Asec. Kristine Evangelista na kinakailangan ng masusing pag-aaral sa paglalagay ng price ceiling at ang pag-iingat na hindi masyadong maging mababa ang itatalagang presyo.

Dapat aniyang tignan ang buong value ng chain at makahanap ng balance kung saan hindi malulugi ang mga magsasaka at hindi aaray sa presyo ang mga mamimili.

Ni Pat Fulo

 

NAGLUNSAD ang Development Bank of the Philippines (DBP) ng special lending program para sa mga Micro, Small at Medium Enterprises (MSMEs).

Ito ay ang DBP response to accelerate MSME recovery program na layon nitong mapabilis ang recovery ng MSMEs sa kabila ng economic slowdown dahil sa pandemya.

Ayon kay DBP President Emmanuel Herbosa, target ng programa na maasistahan at mahikayat ang MSMEs na bumalik sa operasyon.

Sa ilalim ng programa, maaring makahiram ang mga kwalipikadong MSMEs ng hanggang 100% ng kanilang one-year cash operating expense base sa 2019 audited financial statements o ng 2020 Interim Financial Statements.

Wala ring kahit anong collateral requirement para sa naturang loan program kung saan maaring makahiram ng hanggang 3 milyong piso.

Aabot naman sa hanggang 3 taon ang loan tenor ng programa na mayroong hanggang 12 buwan na grace period.

Ni Eyesha Endar

 

UPANG maiwasan ang pagtaas ng timbang sanhi ng pagkain ng kanin araw-araw, inirerekomenda ng Edmark International ang MRT Complex, isa pa ring produktong kasama sa Power 4 “Healthy Slimming and Beauty Program” ng Edmark.

 

Ito ay isang ‘meal replacement’ na tumutulong upang patuloy na mapanatiling mababa ang timbang ng isang tao, hindi mapanganib sa kalusugan kaya nakatitiyak na may magandang idudulot sa katawan.

 

Mga katangian ng MRT Complex:

1. Organic formulation – natural ang mga sangkap kaya hindi masama ang lasa.
2. Mababa ang calorie – mayroon lamang 83kcal bawat sachet.
3. Superior quality legume protein– madaling matunaw kaya nahihigop kaagad ng katawan ang bitamina nito; tumutulong upang mabawasan ang taba sa katawan.
4. May fructose – isang natural na tamis na galing sa prutas at honey kaya ligtas sa mga taong may sakit na diabetes.
5. May hoodia gordinii – isang cactus plant na nagbibigay ng signal sa hyphothalamus ng utak; kahit kaunti lang ang pagkain ay nakapagpapasigla pa rin ng katawan.
6. May fat elimination factor – Lecithin, L-camitine at inositol; nakatutulong din upang ma-enhance ang fat metabolism.
7. May edible fiber – tumutulong upang mapahusay ang pagpapalabas ng mga basura sa katawan.

 

Sinusunog din ng MRT Complex ang mga taba kaya nagkakaroon ng tamang pigura ng katawan ng isang tao. Kahanga-hangang resulta rin ang ipinakikita sa pagbabawas ng katabaan sanhi ng “heredity obesity, food binges, postpartum obesity at adult obesity.”

 

Bukod dito, ipinagmamalaki ng mga Edmarker na ligtas, epektibo, healthy, magaan sa bulsa at nagbibigay ng ginhawa ang MRT Complex.

• Marami pang mga produkto ang Edmark na makatutulong na mapanatili ang magandang kalusugan tulad ng Shake-Off Phyto Fiber, Cocollagen Anti-aging Beverage, Bubble C, isang inuming siksik sa Vitamin C at Bio Elexir Soya Drink.
• Para sa mga karagdagan pang impormasyon, tumawag sa opisina ng Edmark International sa mga numerong 0995-480-1026, hanapin si Ms. Bing o di kaya’y magsadya sa kanilang opisina na matatagpuan sa ikatatlong palapag ng Empire Bldg., Savemore Supermarket, EDSA Ext., corner Taft Ave., Pasay City, Metro Manila.

 

Mahalagang makamit natin ang magandang kalusugan dahil ito ang ating puhunan upang matupad ang lahat ng ating mga pangarap sa buhay. Sa Edmark, hindi lang magandang kalusugan ang ibibigay sa iyo kundi magkakaroon ka rin ng pagkakataon at tuturuan kung papaano pauunlarin ang iyong buhay.