Ni Melrose Manuel

 

NAKATUTOK ngayon ang pamahalaan sa kasalukuyang nangyaring hostage taking sa isang barko sa bansang Yemen sa bahagi ng Red Sea.

 

Kinumpirma ni Overseas Workers Welfare Administration (OWWA) Administrator Hans Leo Cacdac na may isang Pinoy ang nakasama sa barko.

 

Maselan din aniya ang nasabing sitwasyon dahil kilalang international militant organization ang sangkot sa pagtake-over ng barko.

 

Kailangan din aniya ng mga dalubhasa talaga sa terorismo at seguridad ang nakatutok dito.

 

Isinangsangguni rin aniya nila sa Department of Foreign Affairs bilang kinatawan sa larangan ng politika at seguridad ng mga kababayang nasa abroad.

 

 

Ni Claire Robles

 

NAKAUWI na sa bansa ang isandaang Overseas Filipino Workers mula sa Bahrain noong unang araw ng Bagong Taon.

 

Ito ang kinumpirma ni Foreign Affairs Undersecretary for Migrant Workers Sara Lou Ysmael Arriola.

 

Ani Arriola, ang pagdating ng isandaang OFWs mula sa Bahrain ay naging posible sa tulong ng embahada ng Pilipinas sa Bahrain, katuwang ng DFA.

 

Una na rin tumulong ang naturang embahada noong November 26 kung saan anim napung stranded overseas Filipino sa Bahrain ang nakauwi.

 

Samantala, noong bago mag Pasko naman, Disyembre bente tres at bente kwatro ay nasa mahigit limandaang distressed Filipinos ang nakauwi ng Pilipinas mula sa Saudi Arabia at sa iba’t ibang bahagi ng Europa sa pamamagitan ng chartered flight ng gobyerno.

 

Ang naturang mga Pinoy ay nawalan ng trabaho sa mga bansang kanilang kinaroroonan bunsod ng pananalasa ng pandemyang dulot ng COVID-19.

 

 

Ni Claire Hecita

 

HINDI ititigil ng Department of Labor and Employment (DOLE) ang pagbibigay ng tulong sa mga overseas Filipino workers na nawalan ng trabaho dahil sa pandemya.

Ayon kay Labor Secretary Silvestre Bello III, nagpapatuloy pa rin ang financial assistance program ng DOLE na ‘DOLE-AKAP for OFWs’.

Ito ang pamamahagi ng one-time cash assistance na sampung libong piso sa bawat kwalipikadong displaced OFW.

Tinatayang nasa mahigit limang bilyong piso na ang naitulong ng ahensya sa pamamagitan ng AKAP para sa kabuuang 497,122 na OFWs mula nang magsimula ang pandemya, wika ni Bello.

Nasa halos dalawang milyong dolyar na cash assistance naman ang naibigay sa halos sampung libong OFW na nagkasakit ng COVID-19 habang nasa 2.6 milyong dolyar na halaga ng gamot at pagkain naman ang naipamahagi sa halos 125,000 na OFWs.

Sa ngayon ay umabot na sa mahigit limandaang libong displaced OFWs ang napauwi na sa Pilipinas mula nang magsimula ang health crisis sa bansa.

Ni Vhal Divinagracia

 

IPINAHAYAG ni Overseas Workers Welfare Administration o OWWA Administrator Hans Leo Cacdac para sa returning overseas Filipinos na gustong umuwi sa Pilipinas na makipag-ugnayan sa embahada o ahensya ng gobyerno.

Kaugnay ito sa ipatutupad na pansamantalang pag-ban sa pag-uwi ng OFW sa bansa dahil sa kakulangan sa quarantine facilities.

Matatandaang nagpalabas ng Memorandum Circular ang National Task Force Against COVID-19 noong March 16 patungkol sa temporary suspension ng pagbiyahe ng foreigners at returning overseas Filipinos bilang hakbang laban sa COVID-19.

Sa naturang memorandum, may limit na 1, 500 lang na inbound international arrivals bawat araw.

 

 

Ni Karen David

 

ISINASAPINAL na ng Department of Foreign Affairs (DFA) ang repatriation flight para sa mga Pilipino sa Myanmar kung saan naka-iskedyul na ito sa Lunes, Pebrero 15.

Ayon sa DFA na 252 na mga pilipino sa Myanmar ang lumagda na interesadong ma-repatriate sa gitna ng military coup at pag-aresto sa mga government official doon kabilang na si dating Nobel Peace Prize Winner at Democracy Icon Aung San Suu Kyi.

Sinabi ng ahensya na nasa proseso na ang Philippine Embassy sa pagkuha ng kumpirmasyon sa mga Pilipino na nais umuwi ng bansa.

Ni Vhal Divinagracia

MAKAKAUWI na ng bansa ang 34 Pinoy na biktima ng trafficking sa Syria ayon kay Foreign Affairs Secretary Teodoro Locsin Jr.

Ani Locsin, base sa natanggap niyang ulat ay mayroong 34 na Pinoy at sa ngayon ay iniimbestigahan na nila ang tirahan ng mga ito.

Nitong nagdaang linggo lamang ay inanunsyo ng Department of Foreign Affairs (DFA) ang repatriation ng anim na Pinay na biktima ng human trafficking sa Syria.

Ayon sa DFA, ilegal na inemploy ang mga Pinay sa Syria matapos itong bumiyahe sa Dubai bilang mga turista.

Nauna nang naglungsad ang DFA ng imbestigasyon sa alegasyon