NI Vic Tahud

 

ININDORSO ng Kilusang Bagong Lipunan (KBL) si former Senator Bongbong Marcos bilang presidential bet sa 2022 general elections.

 

Base sa isang resolusyon ng KBL, si Marcos ay highly nominated bilang opisyal na kandidato sa pagka-pangulo na inaprubahan ng lahat ng mga opisyal at miyembro ng partido.

 

Una nang inihayag ni Marcos na interesado itong tumakbo sa isang national position ngunit hindi pa nito binanggit kung ano ito.

 

Matatandaang, tumakbo ito sa pagka-bise presidente noong 2016 ngunit natalo laban kay Camarines Sur Representative Leni Robredo.

 

Naghain ito ng electoral protest ngunit hindi ito kinatigan ng presidential electoral tribunal.

 

 

 

 

Ni Vic Tahud

 

IPINAHAYAG ni Vaccine Czar Carlito Galvez Jr. sa kanyang pag-welcome sa mga karagdagang Pfizer vaccine na dumating kagabi sa Ninoy Aquino International Airport (NAIA) na posibleng simulan na bago matapos ang taon o sa unang buwan ng 2022 ang pagbibigay ng booster shots sa mga frontliner.

 

Ngunit ayon kay Galvez na maghihintay pa rin ang bansa sa pag-aaral ng mga eksperto tungkol dito.

 

Mahalaga rin aniya na bakunahan na ang mga bata na may edad 12 hanggang 17 dahil ginagawa na ito sa ibang bansa.

 

Importante rin ito upang makapasok na sa mga paaralan ang mga bata, ayon pa kay Galvez.

 

 

Ni Vhal Divinagracia

 

NILINAW ng Department of the Interior and Local Government (DILG) na kahit maaari nang hindi magsuot ng face shield ang publiko sa labas ng bahay ay kinakailangan pa rin ito sa “crowded and closed areas” at close contact activities.

 

Ito ay ayon kay DILG Undersecretary Epimaco Densing III sa panayam ng Sonshine Radio upang hindi malito ang taumbayan ukol sa bagong panuntunan hinggil sa face shield.

 

Samantala, ibinahagi ni Usec. Densing na nagustuhan ng business leaders at economic managers ang bagong alert level system dahil pagkakataon ito para makalabas ang publiko para magnegosyo.

 

Ayon pa kay Densing na  maganda rin ang sitwasyon ng kasalukuyang sistema dahil mas sumusunod na ang mga tao dito.

 

 

Ni Vhal Divinagracia

 

NANANAWAGAN ang Philippine General Hospital (PGH) ng boluntaryong donasyon ng dugo dahil nasa critical level na ang supply nito.

 

Para aniya sa gustong mag-donate, makipag-ugnayan lang sa UP-PGH Blood Bank sa pamamagitan ng mga numero 8554-8400 local no. 3214.

 

Maari ring makipag-communicate sa mga cellphone number na 09474523667 at 09474882817.

 

Lunes hanggang Linggo maging sa holiday ay bukas ang naturang blood bank.

 

Samantala, aabot pa sa dalawang daan at pitumpung pasyente na may COVID-19 ang naka-confine pa sa PGH.

 

 

Ni Vhal Divinagracia

 

IGINIIT ng Philippine Red Cross (PRC) na isang porsyento lang ng ahensya ang mula sa gobyerno, simula pa umano noong taong 2016 hanggang 2021.

 

Ito ang nilinaw ni PRC Secretary General Elizabeth Zavala na ang karamihan sa kanilang pondo ay mula sa kanilang partners, memberships, pribadong indibidwal at trainings.

 

Ayon pa kay Zavala, ito na ang ginagamit nila sa kanilang mga operasyon ngunit ang 1% mula sa gobyerno ay ginagamit lang sa blood services, first aid at ambulance services.

 

Magugunitang pinaiimbestigahan ni Pangulong Rodrigo Roa Duterte ang pondo ng PRC na pinaniniwalaang pinaglalagakan ng pork barrel ni PRC Chairman at Senator Richard Gordon.

 

Kabilang din sa iniimbestigahan ang false positive results ng organization.

 

 

Ni Karen David

 

INANUNSYO na ni Manila Mayor Isko Moreno ang kanyang pagtakbo sa pagka-pangulo sa 2022 election.

 

Running mate naman ng alkalde si Dr. Willie Ong para sa pagka bise presidente.

 

Matatandaang matagal nang lumutang ang pangalan ni Moreno na posibleng tumakbo sa pagkapangulo dahil sa kanyang track record bilang Manila mayor.

 

Base rin sa Pulse Asia Survey na inilabas noong Hulyo, pangalawa ang alkalde sa pinagpipilian na maging sunod na pangulo ng bansa, sumunod kay presidential Daughter Davao City Mayor Sara Duterte-Carpio.

 

Tiyak nang makakalaban nina Moreno at Ong sina Senator Ping Lacson at Senate President Tito Sotto na una nang nag-anunsyo ng kanilang kandidatura.