Ni Vhal Divinagracia

 

NAIS ni Davao City Mayor at Vice Presidential Candidate Sara Duterte-Carpio na magkaroon ng pension ang lahat na senior citizens.

 

Itoy kahit tumatanggap na ito ng pension mula sa sa Social Security System o SSS at Government Service Insurance System (GSIS).

 

Dahil dito, nananawagan si Inday Sara sa Department of Social Welfare and Development (DSWD) na sanay mapagbigyan ang naturang panukala.

 

Aniya, nahihirapan pa rin kasi ang mga senior kahit pa may natatanggap na itong pension mula sa SSS at GSIS.

 

Napupunta lang ayon kay Inday Sara ang natatanggap na ayuda ng mga ito sa pagbabayad ng utang at pang araw-araw na pangangailangan.

 

Lalo na’t may pandemya, mas nahihirapan pa aniya ang pag-budget ng pension.

 

Ibinahagi naman ni Inday Sara na sa Davao City, may ipinasa silang local ordinance hinggil dito at nais nyang maisagawa ito sa buong bansa.

 

 

 

 

 

 

Ni Claire Robles

 

ILALAMPASO kayo ni Bongbong Marcos!

 

Ito ang hayagang sinabi ni dating Senate President Juan Ponce Enrile sa mga kalaban ni Bongbong Marcos na tumatakbo sa pagka pangulo sa darating na halalan.

 

Sa kanyang programa sa Sonshine Radio, sinabi ni Enrile na ang pangunguna ngayon ni Marcos sa mga survey at suporta ng mga tao ay dahil sa personalize na uri ng pulitika sa bansa kung saan nag boomerang na ang matagal nang paninira sa pamilya Marcos.

 

Giit ni Enrile, marunong na ngayong magsuri ang taumbayan kung katotohanan o hindi ang sinasabi niya o ng mga lider noon sa ilalim ng Marcos administration.

 

Isa naman sa tinukoy ni Enrile na sinasalungat ang kanyang mga pahayag ay ang online news organization na Vera Files.

 

Para naman sa mga patuloy na naninira sa mga Marcos at pilit na pinasinungalingan ang katotohanang kanilang inilalahad noong panahon ng martial law, sinabi ni Enrile na ang mga ito ay wala pang naisakripisyo sa bansa kaya ‘wag na nilang linlangin pa ang bayan.

 

 

Ni Vhal Divinagracia

 

KAILANGAN na ng ibang estratehiya para makumbinsi ang hindi pa nagpapabakuna na magpaturok na ng vaccine laban sa COVID-19.

 

Sa tala na ibinahagi ni DOH Spokesperson Maria Rosario Vergeire, umabot lang sa 3.5 milyong indibidwal ang nabakunahan sa pangatlong Bayanihan, Bakunahan Program kamakailan.

 

Kung matatandaan, isinagawa ang 3rd vaccination noong February 10 hanggang 18.

 

Inisyal kasi nilang target ay limang milyong indibidwal.

 

Dahil dito, sinabi ni Vergeire na maganda kung maikonsidera ang pagsasagawa ng house-to-house vaccination sakaling magkaroon muli ng national vaccination.

 

Ipinaliwanag naman ni Vergeire na may shortage ng healthcare workers noong 3rd national vaccination dahil kasabay din ang rollout ng 5-11 vaccination.

 

Ni Karen David

 

MATUMAL pa rin ang turnout ng isinasagawang ikatlong “Bayanihan Bakunahan” ng pamahalaan.

 

Sa Laging Handa public briefing, sinabi ni  Health Undersecretary Myrna Cabotajena nasa 2.6 milyon pa lamang ang nabakunahan simula noong Pebrero 10.

 

Ito ay mula aniya sa limang milyon na target na mabakunahan sa ikatlong national vaccination drive.

 

Ayon kay Cabotaje, kailangan paspasan pa ang pagbabakuna para makamit ang target.

 

Bukas, Pebrero 18 ay nakatakdang magtapos ang ikatlong vaccination drive ng pamahalaan.

 

 

Ni Karen David

 

NALAMPASAN na ng Pilipinas ang crisis stage ng COVID-19 pandemic.

 

Ito ang inihayag ni Health Secretary Francisco Duque III sa isang panayam sa radyo.

 

Ayon kay Duque, bumuti na ang bilang ng two-week growth rate, Average Daily Attack Rate (ADAR) at healthcare utilization sa buong bansa.

 

Sinabi ng kalihim na nasa –81% ang two-week growth rate sa Pilipinas habang ang ADAR ay nasa 7 cases per 100,000 population na ikinokonsiderang “low risk.”

 

Gayunpaman, sinabi ni Duque na hindi siya naniniwala na malapit na ang panahon ng pagtanggal ng mandatory face mask policy lalo na aniya ngayon na may campaign rallies.

 

Una nang sinabi ni Vaccine Czar Carlito Galvez Jr. na posibleng alisin na ang mandatory na pagsusuot ng face mask sa ika-apat na bahagi ng taon.

 

Ni Vhal Divinagracia

 

MAKATUTULONG sana sa isang kandidato na maghakot pa ng karagdagang boto kung dadalo ito sa mga debate gaya na lang sa inorganisa ng SMNI News.

 

Ayon kay professor at political analyst Anna Malindog-Uy sa panayam ng SMNI News, sa mga debate kasi masusukat ang kahandaan at kakayahan ng isang kandidato para mamuno sa bansa.

 

Subalit dahil apat sa mga presidential candidate ang hindi dadalo sa SMNI debates, sinasayang lang nila ang oportunidad na ito.

 

Hinggil sa SMNI debates, sinabi ng professor na napaka babaw ng mga rason na ibinigay ng mga presidential candidates na hindi dadalo dito.

 

Ginawa pa aniyang rason na may pinanigan ng kandidato ang honorary chairman ng SMNI na si Pastor Apollo C. Quiboloy kung kaya’t hindi na dadalo.

 

Ani Malindog-Uy, hindi naman si Pastor Apollo ang magtatanong kundi ang mga panelist na mula sa iba’t ibang sektor.

 

Sa mga presidential candidate, sina Manila Mayor Isko Moreno, Senators Ping Lacson at Manny Pacquiao at Vice President Leni Robredo ang hindi dadalo sa SMNI debates ngayong araw, February 15.

 

Samantala, bilang paglilinaw, wala pang iniendorso na kandidato si Pastor Apollo at puro haka-haka lang ang mga naglabasang mga ulat hinggil dito.