Ni Pat Fulo

IMINUMUNGKAHI ng Healthcare Professionals Alliance Against COVID-19 sa mga employer na pansamantalang magbawas ng mga empleyadong pumapasok sa opisina.

Layunin nito na ma-decongest ang mga opisina at maiwasan ang posibleng hawaan o pagkalat ng virus sa trabaho.

Iminungkahi rin ng grupo sa mga business at industry leaders ang pagpatutupad ng staggered work hours upang hindi magsabay-sabay ang pasok ng mga manggagawa.

Pinatitiyak din ng grupo ang pagkakaroon ng maayos na ventilation sa mga workplace na makatutulong upang maiwasan ang pagkalat ng virus.

Ito’y pagkatapos matukoy ng Quezon City Epidemiology and Disease Surveillance Unit (CESU) na sa workplace madalas nagkakaroon ng hawaan ng COVID-19 at naiuuwi ng empleyado ang virus sa kani-kanilang mga pamilya.

Ni Pat Fulo

 

NAGBIGAY ng karagdagang pondo ang Department of Environment and Natural Resources (DENR) bilang bahagi ng pagpapatuloy ng Manila Bay Rehabilitation Project.

Aabot sa 1.56 bilyong piso ang itinaas ng pondo sa DENR ngayong taon para sa development, updating at implementasyon ng operational plan ng Manila Bay Coastal Management Strategy.

Alinsunod na rin ito sa direktiba ng Korte Suprema na ibalik sa Class B ang level ng tubig sa Manila Bay.

Kamakailan lang inihayag ni DENR Sec. Roy Cimatu na bumaba na sa 4.87 million mpn per 100ml ang fecal coliform level sa Manila Bay mula sa 7.16 million mpn per 100ml noong nakaraang taon.

Ni Vic Tahud

MULING nagpa-alala ang Department of Health (DOH) na ang paglaban kontra COVID-19 ay isang whole of society approach.

Kasunod ito ng muling pagtaas ng naitatalang bilang ng kaso ng COVID-19.

Ito ang inihayag ni Dr. Beverly Ho ng DOH sa regular press briefing ng kagawaran.

“So, meron tayong nakikitang minimum public health standards violations even in your workplace, even in your family, lahat naman tayo, we have to acknowledge na medyo pandemic fatigue na ‘yung mga tao.”

Ani Dr. Ho, hindi dapat magsisihan kundi dapat hikayatin ang bawat isa na sumunod sa protocol.

Nagpaalala pa rin ang DOH na iwasan pa rin ang pakikihalubilo sa mga matataong lugar upang hindi madaling mahawaan ng COVID-19.

Dagdag pa ni Dr. Ho, dapat maging consistent sa pag-iingat laban sa virus.

Ni Pat Fulo

 

IMINUNGKAHI ng ilang health expert ang pagsusuot ng face mask sa loob ng mga tahanan.

Suportado naman ito ng Department of the Interior and Local Government (DILG).

Ayon kay DILG Usec. Jonathan Malaya, ang pagkalat ng virus ay hindi lamang nagaganap sa trabaho bagkus ay maging sa loob mismo ng bahay.

Kaya naman aniya, mas nakabubuti na kung ang isang indibidwal ay galing sa labas at hindi sigurado kung negatibo sa virus ay dapat magsuot ng face mask pagdating sa bahay.

Makatutulong din aniya ito para sa kaligtasan ng pamilya kung agad na magpapalit ng damit at maliligo ang miyembro na galing sa labas.

Siguraduhin din aniya na walang nararamdamang sintomas ng sakit bago makisalamuha.

Matatandaan na noong nakaraang taon nang imungkahi ng DOH ang pagsusuot ng face mask sa loob ng bahay.

Samantala, pinaalalahanan ng DILG ang lahat local government units hinggil sa tamang contact tracing response.

Muling iginiit ni Malaya na 30 contact o higit pa ang ideal target na kinakailangan ma-trace sa bawat isang COVID-19 patient.

Anito, mahalagang hindi lamang magtatapos ang contact tracing sa first level o sa mga nakahalubilo ng nag-positibo.

Bagkus ay kinakailangan din aniyang i-trace ang mga nakahalubilo ng mga nakahalubilo ng covid patient.

Importante aniya ito upang matiyak na epektibo ang isinagawang contact tracing efforts at mas mapipigilan ang posibilidad na pagkalat ng virus.

Sa ngayon tanging 6 hangang 7 lamang ang bilang ng contacts na natutunton sa kada isang pasyente.

A high-ranking member of the House of Representatives condemned the alarming number of incidents leading to threats, attacks and killings involving legal practitioners in the country.

 

The House Committee on Human Rights, headed by newly-appointed Assistant majority leader Atty. Jesus “Bong” Suntay, said that the harassment against legal representatives has become brash despite government efforts to address the problem.

 

“The Committee abhors the brazen attempt by the PNP Calbayog to ask the courts to compile a list of lawyers representing alleged Communist Terrorist Groups personalities. Inquiries with other lawyers and court officials across the country by concerned groups confirmed that similar letters were received by them,” the committee explained.

 

A lawyer by profession, Suntay said that despite the Philippine National Police (PNP) successively denying that such directive, the persecution against lawyers continues, posing a chilling effect on the country’s justice system.

 

“Clearly, this action by some quarters in the PNP force is intended to harass, intimidate and hinder lawyers from performing their duties as officers of the Courts and may deprive persons accused of a crime of their Constitutional right to be represented by a counsel. Practicing the legal profession is not a crime, regardless of who they represent,” the committee explained. They should not, in fact, be identified with their clients or their client’s causes as a result of discharging their functions. Ergo, lawyers must not be targeted for upholding constitutionally and universally guaranteed rights,” it noted.

 

“We, the members of the Committee on Human Rights, stand with everyone with a resounding call to end the culture of impunity, violence, intimidation and unjust persecution. As duty bearers, we uphold and affirm the right to fundamental freedoms, liberty, due process, and human dignity,”  Cong. Suntay said.

Ni Pat Fulo

 

BUNSOD ng muling pagsipa sa bilang ng kaso ng COVID-19, nagimplementa ng skeleton workforces ngayong linggo ang National Economic and Development Authority (NEDA).

Ayon sa NEDA, pansamantala na muna isinailalim sa work from home status ang mga non-critical staff ng NEDA-central office bilang preventive measure.

Nilinaw naman ng ahensya na hindi ito nakasailalim sa lockdown at magpapatuloy ang kanilang critical services at operation.

Kamakailan lamang nang ipinanawagan ng NEDA ang pagpapalawig ng pagbubukas ng ekonomiya ng bansa sa kabila ng surge sa COVID-19 cases.