Ni Vic Tahud

INIHAYAG ni weightlifting champion Hidilyn Diaz na may bago itong goal ngayong 2022.

 

Walang iba kundi ang manalo ito sa 2024 Paris Olympics.

 

Noong Sabado, ang kauna-unahang Filipino Olympic Gold Medalist ay nag-post ng kanyang maliit na photo sa replika ng Eiffel Tower na may caption na “New Year, New Beginning, New Goal”.

 

Kaugnay nito, sinabi ng kanyang coach at fiance na si Julius Naranjo na ang team HD ay committed na gawin ang lahat para sa Pilipinas.

 

Dagdag pa nito, ang paglalakbay ni Diaz ay inspiring sa nakararami at hindi pa tapos ang kanilang trabaho para sa 2024.

 

Samantala, magkakaroon pa rin ng weightlifting sa 2024 Paris Olympics ngunit inalis ito kasama ang boxing at modern pentathlon sa initial list ng 2022 Los Angeles Games.

 

 

 

 

Ni Vhal Divinagracia

 

 

TINANGHAL bilang Premier Boxing Champions’ 2021 Fighter of the Year si Four-Division Champion Nonito “The Flash” Donaire Jr.

 

Kasunod ito ng pagkapanalo ng 39-years old na si “The Flash” Donaire laban kay 35-years old na si Nordine Oubaali noong May 2021 ayon sa Premiere Boxing.

 

Noong Disyembre 2021 lang din nang nanalo si Donaire laban sa kapwa nitong Filipino Boxer na si Reymart Gaballo dahilan para madepensahan nito ang kanyang titulo bilang WBC World Bantamweight Champion.

 

Sa kabuoan, may 42 wins at 6 loss si Donaire.

 

Samantala, ang Pinoy din na si Mark Magsayo ang syang tinanghal bilang Knockout of the Year ng PBC matapos nanalo ito laban kay Mexican Boxer Julio Ceja noong August 2021.

 

Ni Vhal Divinagracia

 

MARAMING naiuwi na medalya ang Pilipinas mula sa 9th Mombasa Open Tong-Ii Moo-Do o TIMD International Martial Arts Championship noong December 11 hanggang 22.

 

Sa naturang event na isinagawa sa Mombasa, Kenya, labing siyam na gold, labing siyam na silver at pitong bronze medals ang nasungkit ng bansa.

 

Nanalo pa ito bilang second overall.

 

Pinangunahan ito ni Princess Minmi Ilustrisimo sa pamamagitan ng kanyang gold medal sa individual special techniques at bronze naman sa Women’s Sparring Flyweight at Individual Bong.

 

Ang 9th TIMD ay nilahukan ng labing anim na bansa gaya ng Estados Unidos, Japan, Thailand, Zambia, Turkey at Iran.

 

Ang Kenya naman na syang host country ang nakasungkit ng overall champion.

 

 

 

Ni Melrose Manuel

 

MAKABABALIK na sa basketball court si LeBron James matapos itong magnegatibo sa COVID-19.

 

Nilinaw ng National Basketball Association o NBA na may conflict sa nailabas na COVID-19 test result ng atleta kaya hindi ito nakapaglaro sa laban ng Lakers kontra Sacramento Kings.

 

Aasahan namang maglalaro si LeBron sa laban ng Lakers kontra naman sa Clippers na gaganapin mamayang gabi.

 

Si LeBron na ang ika-labing pitong player na isinailalim sa health and safety protocols ng NBA simula nang inumpisahan ang regular season.

 

 

 

Ni Vic Tahud

 

 

SINABIHAN ng Philippine Sports Commission (PSC) ang Philippine Athletics Track and Field Association (PATAFA) at si EJ Obiena na iwasan ang paglabas ng mga pahayag sa publiko.

 

Bukod pa rito, nais din makipag-usap ng PSC sa PATAFA at kay EJ Obiena.

 

Sa kabila nito, sinabi ng PSC na hindi nito winawalang bahala ang isyu at reresolbahin ito sa wastong panahon.

 

Sa ngayon, patuloy na nagsasagawa ng imbestigasyon hinggil sa isyung ito.

 

Sa ngayon, nagsasagawa na rin ng kanya-kanyang imbestigasyon ang Philippine Olympic Committee at PATAFA.

 

Tiniyak naman ng PSC na sasabihan nito ang publiko kung ano ang naging resulta ng pag-uusap sa PATAFA at kay EJ Obiena.

 

Matatandaang, sinabi ni Obiena na inakusahan siya ng PATAFA ng pagnanakaw ng pera matapos hindi mabayaran ng P4.8 million ang Ukrainian mentor nito na si Vitaly Petrov.

 

 

Ni Vic Tahud

 

 

Nanalo ang TNT sa first leg ng 3×3 tournament ng PBA.

 

Ito ay sa pangalawang pagkakataon magwagi sa 2021 PBA Philippine Cup Authority.

 

Natalo ng TNT 3×3 team ang Meralco Bolts 3×3 sa iskor na 21-18 sa final game ng tournament sa Ynares Sports Arena sa Pasig kahapon.

 

Samantala, nakapagtala ng no losses sina Almond Vosotros, Jeremiah Gray, Lervin Flores at Samboy de Leon sa kasagsagan ng first leg ng tournament.

 

Samantala, sinabi ni TNT Coach Mau Belen na hindi nila inaasahan na maipapapanalo nila ang lahat ng laro at walang isang talo.

 

Kaugnay nito, si Gray ang nakakuha ng maraming puntos na umabot sa 11 points at dalawa naman kay De Leon, sina Flores at Vosotros naman ay nakakuhag ng tig- tatlong puntos na nakakuha 100,000 pesos na premyo.