PINAS

Ang Lihim ng Panginoon (Ikapitong Bahagi)

Sonspeak

Recent News:

ABS-CBN

Kamara, hindi pakakawalan ng basta-basta ang franchise ng ABS- CBN

by

MJ MONDEJAR

 “ANG message ko lang, we’re not taking any chances here but nor are we letting ABS- (CBN) off the hook just like that because it’s not about the president ‘di ba? it’s really about the responsibility of a network if we give them a 25-year franchise.”

Ito ang mensahe ni House Speaker Alan Peter Cayetano para sa ABS- CBN Corp. ngayong hindi pa gumagalaw sa Kongreso ang kanilang franchise mahigit isang buwan bago mapaso sa Mayo.

Ayon kay Cayetano, hindi sila kontra sa ABS- CBN at wala ring dahilan para magsara ang network kahit mapaso na ang prangkisa ng kumpanya subalit kailangan ng Kongreso ng sapat na panahon para talakayin ang lahat ng isyu laban sa giant network.

“Di ba sinabi ko naman from the start May latest August but now na lumalabas na lahat ng issue at matatapos naman namin lahat ng mga importante ngayong next 6 days, then wala namang dahilan na hindi kami maghi-hearing sa May ‘di ba? Remember I could’ve told you next year na ‘yan or after… kapag hindi na ako speaker, I did not, I told you the next available time na matatapos natin na hindi maapektuhan ‘yung priorities ng 18th Congress,” pahayag pa ni Cayetano.

Nilinaw din ng House Speaker na nirerespeto nito ang concurrent resolution na inihain sa Kamara at Senado pabor sa pagpapalawig ng franchise ng ABS- CBN pero sapat na aniya ang kautusan nila sa National Telecommunications Commission o NTC na bigyan ng provisional authority ang giant network.

Pero ang tanong? Gagana kaya ang direktiba ng Kamara gayong may separation of powers ang Kongreso at ehekutibo kung saan bahagi ang NTC.

“The statement of the president that now it’s now up to Congress, strengthens our position that NTC will abide by our letter because yes there is a seperation of power and the NTC is under the executive but it’s the chief executive na ang nagsabing “Kongreso ang magde-decide niyan” so respetuhin na lang ang desisyon namin to have fair hearings, to listen to all sides, and we’ll do it as soon as possible which is I think sa May. So in the meantime, I think it strengthens our position that NTC should give them provisional authority within the rules to operate,” ayon ito sa sagot ng House Speaker.

 

 

Sen. Cayetano, kinumpirma ang “coup plan” laban sa kaniya

by

MJ MONDEJAR

KINUMPIRMA ni House Speaker Alan Peter Cayetano na may mga paggalaw umano o coup plan ang kampo ni Marinduque Representative Lord Allan Velasco para mapatalsik siya sa pwesto na siya namang itinanggi ni Velasco.

Ang dalawa ay bahagi ng term sharing agreement na binuo ni Pangulong Rodrigo Duterte para sa posisyon bilang Speaker of the House.

“Normal naman kapag nahuhuli, nagde-deny. But unless 20 congressmen are lying to me, that pinapangakuan ng chairmanship at sinasabi na “next year is my budget, ako na magdidikta kung kanino ibibigay, etc.” and I don’t think naman mang-iintriga ang 20 congressmen.”

Ito ang pahayag ni House Speaker Alan Peter Cayetano matapos lumutang ang pangalan ni Marinduque Representative Lord Allan Velasco na umano’y nasa likod ng tangkang pagpapatalsik sa kaniya sa pwesto.

Ayon kay Cayetano, ginagamit raw kasi ang issue sa budget at ang ABS- CBN franchise para matanggal siya bilang lider ng Kamara.

Bagama’t hindi direktang pinangalanan, giit ni Cayetano na may paggalaw umano sa kabilang kampo para sirain ang kasalukuyang liderato.

Ang dalawang kongresista ay bahagi ng term sharing agreement na ipinanukala ni Pangulong Rodrigo Duterte kung saan 15 buwan uupo si Cayetano bilang speaker habang tatapusin ni Velasco ang 21 na natitira sa term ng 18th Congress.

“Nangangako ng pondo at chairmanships at ‘yung iba, s’ya mismo kausap. But as I’ve said, kapag nahuli, ano pa ba ang sasabihin? But you know I tend to ignore these things. Kaya lang siguro masyadong magaling ang inyong Intelligence House Media, lumabas-labas, nagpag-usap-usapan. But you know as I’ve said sanay naman ako, I’ve been in politics for 28 years and there’s always someone after your position ‘di ba? But now that he said that he will wait, he intends to honor it. So honor it by supporting the majority ‘di ba? Meron kasing pananabotahe sa budget na nangyayari ngayon that I have to deal with na na-trace namin sa kampo nila. But we will deal with it decisively.”

ABS-CBN, lalabas bilang pirate station kung itutuloy ang operasyon kahit walang prangkisa

by

MJ MONDEJAR

 

MAITUTURING na isang pirate station ang ABS-CBN kung itutuloy nila ang kanilang operasyon kahit walang prangkisa.

Ito ang iginiit ni Atty. Rolex Suplico isang franchise lawyer sa naging panayam ng SMNI News.

Aniya, nilinaw na Mayo 4 opisyal na mapapaso ang prangkisa ng ABS-CBN at hindi sa Marso 30.

Nakasaad aniya sa mapapasong prangkisa ng giant network o sa Republic Act 7966 na finile noong March 30, 1995 sa Section 15 nito, na ang effectivity ng prangkisa ay magiging opisyal lamang matapos ang labing-limang araw na ma-publish ito.

Kaya naman ani Publico, kung ipipilit ng ABS-CBN na makapag-operate matapos ang Mayo 4 ay lalabas na itong pirate network.

Maaari naman aniya silang humingi ng provisional authority sa National Telecommunications Commission ang ABS-CBN pero babagsak din itong pirate station kung walang bagong prangkisa.

Samantala, tahasan pang sinabi ni Suplico na wala na talagang pag-asang mapasa pa ang franchise bill ang ABS-CBN dahil kung pagbabasahin ang timetable ng Kamara ay kulang na ito sa oras.

Kamara, walang pressure sa imbestigasyon ng Senado sa prangkisa ng ABS- CBN

Walang pressure ang Kamara sa ginawang imbestigasyon ng Senado sa franchise renewal ng ABS-CBN.

Ayon kay House Committee on Legislative Franchises Franz Alvarez, inirerespeto nila ang separation of powers ng dalawang kapulungan kaya hindi sila padadala sa pressure na magsagawa ng sariling hearing.

Mayroon naman aniyang hiwalay na imbestigasyon dito ang Kamara at oobserbahan nila kung anuman ang magiging resulta ng pagsisiyasat ng Senado.

Sa kasalukuyan ay mayroong 11 panukala na nakabinbin sa Kamara na nag eendorso sa franchise renewal ng giant network at hindi pa ito natatalakay kahit na nakatakda itong mag-expire sa Marso 30.

Tiniyak naman ng chairman ng komite na aaksyunan nila ang nasabing isyu sa pagitan ng Mayo o Agosto bagama’t hindi pa ito naikakalendaryo.

ABS-CBN, maaari pa ring mag-operate hanggang 2022 ayon sa Kamara

by

HANNAH JANE SANCHO

MAARI pa ring mag-operate ang ABS-CBN kahit mapaso ang kanilang prangkisa sa susunod na buwan ng Marso.

Ayon kay House Committee on Legislative Franchises Vice Chairman Antonio Albano maaaring ituloy ng ABS-CBN ang operasyon hanggang 2022 kahit hindi pa naaaprubahan ng Kongreso ang franchise renewal application nito.

Ito ay dahil nakahain na umano ngayon sa 18th congress ang application ng naturang media giant para sa kanilang franchise renewal.

Sa ngayon, labing isang panukalang batas para sa franchise renewal ng ABS-CBN ang nakabinbin sa House Committee on Legislative Franchises.

Nitong nakaraang Lunes, naghain ng quo warranto petition ang Office of the Solicitor General laban sa Lopez-Led Media Company dahil sa mga paglabag diumano nito sa batas.

Samantala, nakahandang tumulong ang Department of Labor and Employment sa libu-libong empleyado ng ABS-CBN sakaling mahinto ang operasyon nito.

Tiniyak ni Labor Seceretary Silvestre Bello III na handa silang suportahan ang nasa 10, 000 empleyado at talents na pwedeng mawalan ng trabaho oras na mapilitang mapahinto ang operasyon ng giant network.

Sa isang panayam, sinabi ni Bello na maaari nilang bigyan ng trabahong may minimum na pasahod ang mga mawawala ng trabaho na empleyado ngayon ng ABS-CBN at bigyan ng tulong pangkabuhayan sa pamamagitan ng mga utang.

Ayon kay Bello, sa ngayon ay naghahanda na ang DOLE ng panandaliang tulong pinansyal para sa libu-libong manggagawa nito.

Umaasa naman si Bello na huhugutin ng posibleng bagong may-ari ng ABS-CBN ang mga dating empleyado kung tuluyang maputol ang kanilang prangkisa.

Pangulong Duterte, hinimok ang may-ari ng ABS-CBN na ipagbili ang kumpanya

by

HANNAH JANE SANCHO

 

PINAYUHAN ni Pangulong Rodrigo Duterte ang may-ari ng ABS-CBN na ibenta na lamang ang kanilang kumpanya.

Ito ang naging payo ng pangulo sa ABS-CBN, ilang buwan bago mapaso ang kanilang prangkisa.

Sa talumpati ng pangulo sa harap ng mga biktima ng lindol sa M’lang Cotabato, sinabi nito na kung siya ang may-ari ng ABS-CBN ay ibebenta na lamang niya ito.

Aniya, ngayon lang makakaganti ang mga Pilipino sa kalokohan ng nasabing network.

Nagbabala pa ang presidente na sisiguraduhin niyang maalala ng nasabing network ang episode na ito habambuhay.

Marso 30, 2020, nakatakdang ma-expire ang prangkisa ng nasabing network kung saan sakaling hindi ma-renew ng Kongreso ay ititigil ang broadcast operations nito.

 

Maja Salvador, Rambo Nuñez nagbalikan na nga ba?

by

Maja

Ni: Jonnalyn Cortez

NAGING palaisipan sa mga kapwa artista at fans ang post ni Maja Salvador sa Instagram noong nakaraang Valentine’s Day na isang bouquet ng bulaklak na may misteryosong card.

“Thanks for being my Valentine again after 9 years…” ang nakasulat sa naturang card na sinadyang hindi kinunan ang pangalan ng nagbigay.

Simpleng bulaklak na emoji lang ang nilagay ni Maja na caption nito, na lalong nagpalakas sa bulung-bulungan na maaaring nagbalikan na sila ni Rambo Nuñez.

Dumagsa ang napakaraming comments sa post ng Kapamilya star, kabilang na ang mula sa dating mga katrabaho niya sa afternoon teleserye na Wildflower na kanyang pinagbidahan sa ABS-CBN.

“For the baby baby come back!!!!” comment ni Roxanne Barcelo na tila may alam kung kanino galing ang bulaklak.

Tawa at heart emojis naman ang sinulat nina Aiko Melendez, Sunshine Cruz at ang best friend ng aktres na si Kakai Bautista.

Tinukso naman si Maja ng komedyante na si Pooh at naintriga rin ang mag-asawang Marco Alcaraz at Precious Lara Quigaman nang tanungin ng mga ito kung “wala bang initials?” at kung “totoo ba? na sinagot ng isang netizen ng pangalan ni Rambo.

Kasunod nito, naglabasan ang mga larawan sa isang bar nina Maja at Rambo kasama ang mga kaibigan. At, tila magkahawak-kamay pa ang dalawa.

Hindi ito ang unang beses na na-link si Maja kay Rambo. Kung matatandaan, 2010 pa ng umugong ang mga bali-balita na meron silang relasyon.

Close Bitnami banner
Bitnami