PINAS

Ang Lihim ng Panginoon (Ikapitong Bahagi)

Sonspeak

Recent News:

ADMAR VILANDO

PNP, mas paiigtingin ang paglilinis kontra korapsyon

by

PNP Officer-In-Charge Lt. Gen. Archie Gamboa

 

ADMAR VILANDO

MAS paiigtingin pa ng Philippine National Police (PNP) ang paglilinis sa kanilang hanay matapos madismaya si Pangulong Rodrigo Duterte sa talamak na korapsyon sa pulisya.

Sinabi ni PNP Officer-In-Charge Lt. Gen. Archie Gamboa na naglatag na sila ng mga programa para sa internal cleansing upang matuldukan na ang mga alegasyon ng katiwalian laban sa kanilang mga miyembro.

Ayon kay Gamboa, mahigit sa dalawandaan at walumpung tiwaling mga pulis na ang nasisibak sa serbisyo mula nang umupo ito sa puwesto noong Oktubre 2019.

Nais din ni Gamboa na i-trim down ang regulatory functions ng PNP na siya raw pinag-uugatan ng katiwalian, gaya ng traffic enforcement.

Isinusulong din ng PNP OIC chief na dapat ay labing limang araw lamang ang haba ng summary hearing procedures para litisin ang kaso ng mga pasaway na pulis.

Matatandaang dinoble ng punong ehekutibo ang sahod ng mga tauhan ng pulisya sa paniniwalang maiiwasan na ang korapsyon sa kanilang hanay.

Palasyo, tahasang kinokondena ang pagsabog sa Cotabato at Maguindanao

by

 

ADMAR VILANDO

MARIING kinokondena ng Malakanyang ang nangyaring panibagong pagsabog sa Cotabato at Maguindanao kung saan dalawampu’t dalawa ang sugatan kabilang ang walong sundalong nagpapatrolya.

Ayon kay Chief Presidential Legal Counsel & Presidential Spokesperson Salvador Panelo bigo ang lahat ng gustong maghasik ng lagim at magpalaganap ng takot dahil paniguradong matutukoy ang mga nasa likod nito at sila’y mapaparusahan sa ilalim ng batas.

Hinihikayat naman ng Palasyo ang publiko na manatiling alerto at maging vigilante at agad i-report sa mga otoridad kung may mga kahinahinalang indibidwal sa kanilang lugar.

Patuloy naman ang isinasagawang imbestigasyon sa naturang insidente.

Mga bagong kagamitan sa law enforcement, ibinida ng PNP

by

ADMAR VILANDO

Kabilang dito ang isang bell 429 helicopter, 2 airbus h125 helicopter, 2 r44 training helicopter, 21 eod patrol vehicles at 34 na utility truck para sa mga regional mobile force battalion.

Binubuo naman ang mga bagong armas ng 2,001 taurus 9mm, 6,353 tisas 9mm, 10,000 canik 9mm pistol, 21,952 galil 5.56 assault rifle, 1,677 k2c1 assault rifle, 205 k3 light sub machine gun, at 8 negev 5.56 light machine gun at 141 negev 7.62 machine gun.

Kasama rin sa mga bagong gamit ang 51 drones at 7, 924 na combat enhanced helmets.

Ayon kay PNP Officer-In-Charge Police Lieutenant General Archie Francisco Gamboa, naging metikuloso ang bidding process kung saan naibaba nila ang presyo ng ilang gamit tulad ng Galil assault rifles na kanilang nakuha ng mahigit P40, 000 mula sa orihinal na presyo na mahigit P60, 000.

Dating Isabela Gov. Padaca, hinatulan na makulong

by

 

 ADMAR VILANDO

HINATULANG guilty ng Sandiganbayan Third Division si dating Isabela Governor Grace Padaca dahil sa katiwalian.

Sa hatol ng korte, guilty si Padaca sa kasong malversation of public funds at graft kaugnay sa pagbigay nito sa P25-M contract sa isang private entity para sa rice program ng Isabela nang hindi sumunod sa panuntunan ng government procurement noong 2006.

Sinentensyahan si Padaca ng 12 taon hanggang 14 taong pagkakakulong para sa malversation at 6 taon hanggang 10 taong pagkakakulong sa kasong graft.

Inaprubahan naman ng korte ang pagbabayad ng doble sa existing na P70,000 bond ni Padaca para sa kanyang pansamantalang kalayaan habang inaapela nito ang desisyon.

Umaasa naman ang dating gobernador na mababaliktad pa ang desisyon ng korte kasabay ng paggigiit nito na wala siyang ibinulsa na pera ng gobyerno.

Dating PNP Chief, lusot na sa kasong administratibo ayon sa DILG

by

PNP Chief Pol. General Oscar Albayalde

 

ADMAR VILANDO

LUSOT na sa kasong administratibo si dating PNP Chief Pol. General Oscar Albayalde.

Ayon kay DILG Secretary Eduardo Año, wala silang nakikitang basehan para sampahan ng kasong administratibo si Albayalde kaugnay sa paggamit ng impluwesya nito upang hindi ma-dismiss sa pwesto ang labintatlo niyang dating tauhan na sangkot sa pagre-recycle ng iligal na droga.

Sinabi ng kalihim na maaari lamang panagutin si Albayalde sa isyu ng command responsibility ngunit nagbitiw naman na ito sa kanyang pwesto bilang PNP Chief, bago pa man naisumite ng DILG ang findings nito sa Malacañang.

Hinimok ni Año ang mga nag-aakusa kay Albayalde na humanap ng sapat na ebidensya upang suportahan ang kanilang mga alegasyon.

Tiniyak naman ni Año na bukas silang muling imbestigahan ang kaso sakaling magkaroon ng mga bagong ebidensiya.

44 convicts na pinalaya dahil sa GCTA na sumuko, tumakas

by

ADMAR VILANDO

 

TUMAKAS mula sa police custody ang nasa 44 mga dating preso sa Puerto Prinsesa, Palawan na pinalaya dahil sa Good Conduct Time Allowance (GCTA) na boluntaryong sumuko.

Ito ang kinumpirma ni Levy Evangelista, tagapagsalita ng Iwahig Prison and Penal Farm.

Ayon kay Evangelista, nitong nakaraang linggo nang tumakas ang mga dating inmates gamit ang iba’t ibang exit points ng kulungan.

Sinabi ni Evangelista na nawalan na ng pasensya ang mga dating preso sa isinasagawang proseso ng Department of Justice kaya nagawa nilang tumakas.

Aniya, muli nilang hihimukin ang mga tumakas na dating preso na boluntaryong sumuko muli upang maging legal ang kanilang release order.

 

Close Bitnami banner
Bitnami