PINAS

Ang Lihim ng Panginoon (Ikapitong Bahagi)

Sonspeak

Recent News:

ADMAR VILANDO

Pinakamalaking irrigation project sa Palawan, muling isasalang sa bidding

by

ADMAR VILANDO

 

MULING pina-bid ng National Irrigation Administration ang pinakamalaking irrigation project sa Palawan.

 

Ayon kay NIA Administrator Ricardo Visaya bubuksan nila muli ang pag-bid ngayong buwan sa P326M Ibato-Iraan Small Reservoir Irrigation Project sa Aborlan, Palawan.

 

Disyembre 5, 2018 nang ipinatigil ni Admin. Visaya ang naturang proyekto dahil sa problema sa Right-of-Way na nagresulta sa pagka-delay at negatibong slippage.

 

Binigyang linaw ng opisyal ang isyu ng pagkadelay na ipinupukol laban sa kanya.

 

“Please be informed that I have caused the termination of this project with corresponding Liquidated Damages and blacklisting of the concerned construction company. This will be rebidded this month with the remaining budget. On my watch, I will assure you that erring contractors will be penalized and will pay the damages they owe to the government,” saad ni Admin. Visaya.

 

Ang Ibato-Iraan SRIP, na may contract amount na P454M, ay iginawad ng NIA sa Oscar R. Sarmiento Const. Inc. (ORSCI) at naibigay ang Notice to Proceed noong April 2, 2014 na may contract duration na 1,195 calendar days.

 

Sakaling makompleto, nasa halos 500 magsasaka mula sa 4 na barangay ng  Aborlan, Palawan ang matutulungan ng naturang proyekto.

Prangkisa ng Swara Sug Media Corporation pinalawig pa ng 25 taon

by

 

ADMAR VILANDO

 

PANIBAGONG 25 taon ang ipinagkaloob ng gobyerno sa Swara Sug Media Corporation.

Ito’y matapos lagdaan ni Pangulong Rodrigo Duterte ang panukalang batas sa pagpapalawig ng prangkisa nito sa ilalim ng Republic Act. 11422

Ibig sabihin, patuloy ang operasyon  ng radio at television frequencies sa boung Pilipinas.

Dagdag pa dito tuloy-tuloy din ang paghahatid ng mensahe ng kaliwanagan, serbisyo publiko at ang pagpapalaganap ng kabutihan sa larangan ng broadcast.

Ang Swara Sug Media Corporation ay may 17 AM radio stations sa boung Pilipinas, at Sonshine Media Network International.

 

Pagbuhay ng ROTC, magandang pagkilala sa mga bayani sa bansa –DND

by

 

ADMAR VILANDO

 

MAGANDANG pagkilala sa mga bayani sa bansa ang pagbuhay ng Reserve Officers Training Corps (ROTC) sa Pilipinas.

 

Ito ang sinabi ng Department of National Defense sa pagdiriwang ng National Heroes Day sa bansa.

Matatandaang inihain ng DND sa Kamara ang panukalang ibalik ang mandatory ROTC para sa mga senior high school sa pampubliko at pribadong eskwelahan sa bansa.

Ang ROTC ay may layuning maipamulat sa mg kabataang Pilipino ang pagiging disiplinado, makabayan, at pagkakaroon ng kakayahang ipagtanggol ang kanilang pamilya at bayan.

Pang. Duterte at MNLF founding Chairman Nur Misuari, muling nagpulong

by

ADMAR VILANDO

 

MULING nagpulong sina Pangulong Rodrigo Duterte at Moro National Liberation Front (MNLF) founding Chairman Nur Misuari.

Ayon kay dating Special Assistant to the President at ngayo’y Senador Bong Go, nagpulong sina Pang. Duterte at Misuari sa Davao City noong weekend.

Kasama rin sa pulong si Presidential Adviser on the Peace Process Carlito Galvez Jr. na una nang nagsabi na may “personal” meeting siya kay Misuari.

Sa ngayon ay wala pang inalalabas na detalye ang Malacañang ukol sa pinag-usapan nina Pang. Duterte at Misuari sa nasabing pulong.

Ito na ang ikaapat na beses na pagpupulong ng chief executive at ni Misuari ngayong taon kung saan nagkita ang dalawa noong February 25, March 19 at July 9 sa Malacañang.

 

Pagkawala ng mga estudyanteng ni-recruit ng makakaliwang grupo, iniimbestigahan

by

 

ADMAR VILANDO

 

INIIMBESTIGAHAN na rin ng Philippine National Police (PNP) ang isyu patungkol sa mga mag-aaral na nawawala matapos umano’y ma-recruit ng makakaliwang grupo na Anakbayan.

 

Sa ekslusibong panayam ng DZAR Sonshine Radio kay PNP spokesperson Brigadier General Bernard Banac, sinabi nito na inaalam na nila ang kinaroonan ng mga nawawalang mag-aaral.

“Ang Philippine National Police po ay tumutulong na ngayon sa pag-iimbestiga ng whereabouts kung saan man naroroon itong mga anak ng magulang na ito na nawawala… at kung makita po natin na mayroon pong paglabag sa batas dito ay maaring makasuhan po ng kidnapping or abuse of our minors dahil mga kabataan pa ito 16, 17 so opo yan po ang mga edad nito,” pahayag ni Banac.

 

Sinabi ni Banac na sa ngayon ay lalo pa nilang paiigtingin ang presensya ng mga pulis sa mga campuses.

“Sa ngayon ay lalo pa nating paiigtingin ang ating presensiya sa mga campuses sa pakikipag-ugnayan na rin natin sa kanilang mga school administrators and school officials kailangan lang po na magkaroon ng pagkakataon na makapagbigay din tayo ng ating mga pahayag para po mabalanse naman yung ating freedom of education, freedom of learning and freedom of speech,”aniya pa.

 

Kamakailan  nang magsagawa ng pagdinig ang Senado sa problema ng mga magulang na nagrereklamo sa pagkawala kanilang mga anak at mapabilang sa mga makakaliwang grupo na nagsusulong ng pag-aaklas sa gobyerno.

 

Mayor Moreno, sususpendihin ang mga opisyal na lumalabag sa batas sa unang paglabag pa lang

by

ADMAR VILANDO

Nanawagan si Manila Mayor Isko Moreno Domogoso sa senado na bumuo ng batas na magpapataw sa mga opisyal ng barangay na mahuhuling lumalabag sa batas o hindi gumagawa ng kanilang tungkulin.

Kasunod ito sa direktiba ng DILG sa mga alkalde na papanagutin ang sinumang opisyal na hindi sumusunod sa kautusan na linisin ang mga kalsada at bangketa sa kanilang nasasakupan.

Inirekomenda ni Moreno na agad na masuspende o matanggal sa puwesto ang sinumang barangay chairman at mga hepe ng pulisya sa unang paglabag pa lang.

Naniniwala ang alkalde na marami sa mga kapulisan at barangay chairman sa Manila ang tumatanggap ng lagay para makalusot ang mga illegal parking at vendors sa lungsod.

Close Bitnami banner
Bitnami