ADVAR VILANDO

UMAASA ang security cluster ni Pangulong Rodrigo Duterte na magdudulot ng po­sitibong resulta ang umiiral na unilateral ceasefire sa pagitan ng gob­yerno at Communist Party of the Philippines-New People’s Army-National Democratic Front (CPP-NPA-NDF).

Sinabi ni National­ Security Adviser Her­mo­genes Esperon Jr. na kahit umiiral ang labinlimang araw na unilateral ceasefire ay nagpapakita ito na wa­lang kontrol ang grupo ni CPP founder Jose Maria Sison sa mga pag-atake sa state for­­­ces at hindi tumalima sa ka­utusan ng gobyerno sa ngalan ng holiday season.

Tinukoy dito ni Esperon ang magkakasunod na pag-atake sa mga sundalo sa Bicol at Western Visayas regions na ikinasawi ng ilang buhay.

Ayon kay Esperon, kung siya lang ang masusunod, hindi na nito hahayaan na mag-ex­pire pa ang unilateral­ ceasefire hanggang sa makamtan ang sel­yado na usapang pang­kapayaan ng dalawang panig.