PINAS

Ang Lihim ng Panginoon (Ikatlong Bahagi)

Sonspeak

Recent News:

AFP

Catriona Gray, bukas sa posibilidad na maging isang Philippine army reservist

by

MELODY NUÑEZ

 

SA humahabang listahan ng mga showbiz celebrities at personalities na sumasailalim sa training bilang army reservist ay isa na namang big name ang nagpahayag ng kaniyang willingness sa pagiging isang reserve officer.

At yan ay walang iba kung hindi si Miss Universe 2018 Catriona Gray.

Sa kaniyang pagbisita sa Armed Forces of the Philippines headquarters, inihayag ni Queen Cat na bukas siya sa posibilidad na pumasok bilang isang military reservist.

Say ni Catriona, malugod niya itong tatanggapin at paghahandaan dahil isa itong paraan upang mapaglingkuran at mabigyang pugay ang kaniyang sariling bansa.

Labis naman itong ikinatuwa ni AFP Chief of Staff Gen. Benjamin Madrigal Jr. at sinabing isa ang Pinay beauty queen sa patunay na ang kababaihan ay nagbibigay-daan sa positibong pagbabago.

Ginawaran din ng AFP Chief ang Pinay Miss Universe ng command plaque at binigyan ng Yakan Tribe “Capa del Sur”, bilang pagkilala ng hanay sa mga nagawa at tagumpay ng dalaga para sa Pilipinas.

Itunuring naman ni Catriona na isang karangalan ang makabisita sa punong tanggapan ng AFP.

 

Pagkatapos doblehin ang sahod ng mga pulis at sundalo, Sweldo ng mga guro, tataas din

by

Ni: Quincy Joel V. Cahilig

Matapos tuparin ang pangakong pagtataas sa sweldo ng mga sundalo at pulis, isusunod naman ni Pangulong Rodrigo Duterte ang dagdag-sahod para sa mga guro. Ito ang direktiba ng pangulo sa kaniyang gabinete sa isang pagpupulong sa Malakanyang kamakailan, na sumentro sa pagsusulong ng ikalawang tax reform package.

Ayon kay Presidential Spokesperson Harry Roque, Jr., nais gamitin ni Pangulong Duterte ang ikalawang tax reform package, matapos maipasa ang TRAIN law, upang maitaas ang sahod ng mga guro dahil determinado umano ang Pangulo na maipakita sa taong bayan na may kinahahantungan ang mga reporma sa pagbubuwis ng pamahalaan.

Hindi naman tinukoy ni Roque kung magkano ang itataas sa sweldo ng mga guro ngunit posibleng mangyari umano ang nasabing umento lalo na’t natupad naman ng pangulo ang pangako nitong dagdag-sweldo ng mga uniformed personnel.

“The President also stated that with the second tax reform package, he has instructed DBM and all other agencies to find means to increase the salary of teachers after the initial doubling of salaries of the AFP and the police. So the teachers will be next,” pahayag ni Roque sa isang media briefing sa Malacanang.

Bagaman hindi pa malinaw kung magkano ang kikitain ng gobyerno sa isinusulong na panibagong tax reform package, ipinahayag naman ni Finance Secretary Carlos Dominguez III na naka-disenyo ito hindi para lalong madagdagan ang kikitain ng gobyerno kung di para gawing patas ang sistema ng pagbubuwis;  Ibababa ang corporate income taxes at gagawing moderno ang fiscal incentives.

Subalit tila binaril ni Budget Secretary Benjamin Diokno ang pagdoble sa sahod ng mga guro, na gaya nang ginawa ng pamahalaan sa mga pulis at sundalo. Sa isang media briefing, ipinahayag ng kalihim na hindi kasama sa mga prayoridad ng gobyerno ang nasabing hakbangin dahil mas nakatuon ang pansin ng Administrasyong Duterte na pondohan ang mga higanteng proyektong pang-imprastraktura sa ilalim ng “Build, Build, Build” Program hanggang taong 2022.

Paliwanag ni Diokno, kung dodoblehin ang sahod ng nasa 600,000 public school teachers, ang kakailanganin ng gobyerno na gumastos ng 500 bilyong piso. Sa kabila nito, hindi naman tuluyang isinasantabi ang posibilidad na ito ay mangyari dahil pag-aaralan umano ito ng gobyerno.

Dagdag ng naturang opisyal, tumaas naman na ng 15-16% ang sweldo ng mga public school teachers sa bansa dahil sa Executive Order No. 201 na nagtatakda ng apat na beses na umento sa sahod ng lahat ng civilian government employees hanggang sa taong 2019. Ang nasabing EO ay pinirmahan ni dating Pangulong Benigno Aquino bago siya bumaba sa puwesto noong 2016.

 

Ang mabigat na pasanin ng mga guro

Noong panahon pa ng kampanya para sa 2016 Presidential Elections, ipinahayag na ni Pang. Duterte ang pagnanais niyang itaas ang sweldo ng mga guro sa bansa dahil batid niya ang pinagdadaanan nilang problemang pampinansyal na bunga ng maliit na take home pay. Marami sa mga titser sa bansa ang napipilitang mangutang upang matugunan ang mga pangangailangan ng kanilang pamilya. At dahil dito, maraming guro ang nababaon na sa utang.

Ayon sa Department of Education, nasa 300 bilyong piso na ang kabuuang utang ng mga public school teachers sa bansa:  P123 bilyon sa Government Service Insurance System at umaabot ng hanggang P170-178 bilyon sa mga private institutions. Kaya noong 2016, nasa 26,000 na mga guro ang hindi nakatanggap ng retirement benefits dahil sa kanilang mga outstanding loans.

Paliwanag ni DepEd Secreatary Leonor Briones, ang nasabing isyu ay bunsod ng labis na pag-utang o over borrowing ng mga guro na di nila nabayaran, at ibinawas ang balanse nilang pagkakautang sa kanilang retirement benefits.

“For several years now, GSIS has been bumped off. Now, GSIS did not raise this issue with us because after all, at the end of the day, when a teacher overborrows and does not pay, when he or she retires, they will automatically deduct all the accumulated debts at compounded interest,” wika ni Briones sa isang panayam ng Rappler.

Dagdag pa ng naturang opisyal na nagkaroon din ng pagtaas ng bilang ng mga guro na binawian ng lisensya sa pagtuturo dahil sa kasong estafa na sinasampa sa kanila sa Professonal Regulation Commission, at ang iba naman ay sinampahan ng kasong administratibo ng mga lending institutions.

Kaya naman isinusulong din ni Briones ang financial literacy sa mga guro upang matulungan silang mapangalagaan ang kanilang kinikitang halaga na bunga ng maraming pagtitiis at pagod sa pagtupad ng kanilang tungkulin hubugin ang kaisipan ng mga mag-aaral.

 

Wag puro pa-pogi lang

Pabor si ACT Teachers Partylist Representative Antonio Tinio sa desisyon ng Pangulong Duterte dahil nararapat lamang aniyang itaas ang sweldo ng mga guro upang hindi na nila kailanganin pang mangutang para maitaguyod ang kanilang pamilya.

Nakikita ni Tinio na ang pagtataas ng buwanang sahod ng mga public school teachers ang kasagutan sa problemang pampinansyal ng mga titser. Aniya, dapat tumaas ang basic pay ng mga guro mula P19,600 sa P25,000.

“As long-time advocates for decent pay, we welcome the statement coming from the Palace that President Duterte wants to increase the salaries of public school teachers,” wika ni Rep. Tino sa isang statement.

Nguni’t ipinahayag din ng naturang mambabatas na ang dagdag sweldo para sa mga guro ay hindi dapat dumipende sa pangalawang tax reform proposal. Hindi rin umano dapat gamitin ng gobyerno ang mga guro upang pabanguhin ang imahe nito sa publiko dahil sa pagsusulong mga maka-mayaman na sistema ng pagbubuwis.

“This is a new propaganda line, since the Department of Finance has always said that the administration’s tax reform proposals are meant to fund infrastructure, not teachers’ pay hikes… This is a blatant [public relations] tactic intended to make the new tax package, the centerpiece of which is the lowering of corporate income tax, more palatable to the public. Don’t use teachers to deodorize your pro-rich taxes!” wika ni Tinio.

Pagkalinga sa mga tagapagtanggol ng bayan

by

IPINAHAYAG ni Pangulong Rodrigo Duterte na magbibitiw ito sa puwesto kapag hindi inaprubahan ng Kongreso ang pagtaas ng suweldo para sa mga uniformed personnel ng bansa. Ang naturang kahilingan ay isang pundasyon ng kaniyang plataporma sa kampanya nito sa pagkapangulo nakaraang taon. Sinabi ng pangulo sa mga mambabatas na gawing priyoridad ang kanyang pangako para sa mga militar sa unang pakete ng tax reform.

 

Ni: Quincy Joel V. Cahilig

BUHAT sa pasimula ng kaniyang termino, ipinadadama ni Pangulong Rodrigo Duterte na batid niya ang hirap at sakripisyo ng kasundaluhan at pulisya sa pagpapanatili ng seguridad ng ating bayan at sa pagsugpo sa mga elementong nagnanais maghasik ng kaguluhan. Kaya isa sa mga naging prayoridad niya ang dagdagan ang sahod ng mga uniformed personnel bilang pagkilala sa kanilang kagitingan sa bansa.

Sa pagtatapos ng taon, pinatunayan ng lider ng ating bansa na ang pangakong kaniyang binitawan ay hindi napako.

“So because I promised you, I will double your salary. Sabi ko sa kanila (kongreso at senado) … ‘Unahin na muna ninyo iyung pangako ko.’ Kasi sabi ko, ‘kapag hindi niyo inilusot iyan, I will resign as a matter of principle,” ipinahayag ni Pangulong Duterte sa kanyang talumpati sa ika-82 Anibersaryo ng Armed Forces of the Philippines (AFP), kung saan kaniyang ibinahagi ang pakikipagusap niya sa kanyang gabinete at ilang kongresista at senador.

Tiniyak naman ni Budget Secretary Benjamin Diokno  na matatanggap na ng mga sundalo ang 100% increase sa kanilang base pay sa unang sweldo nila sa 2018 dahil pirmado na ng Pangulo ang joint resolution ng kongreso at senado na nagtatakda sa naturang ayuda.

Paliwanag ni Diokno sa ilalim ng naturang resolusyon , doble ang itataas ng base pay ng isang private sa AFP at Police Officer I (PO1) ng Philippine National  Police (PNP), at mga katumbas na ranggo sa Bureau of Jail Management and Penology, Philippine Coast Guard, Philippine Public Safety College, Bureau of Fire Protection, at National Mapping and Resource Information Authority.

“A PO1 and those with equivalent ranks will enjoy a 100 percent increase, resulting in a monthly base pay of P29,668… Overall, the salary adjustments will result in a 58.7-percent average increase for all military and uniformed personnel (MUP) ranks, effective January 1, 2018,” wika ni Diokno.

Aabot sa P64.2-billion ang ilalaan para sa nakatakdang umento sa sahod ng mga sundalo, pulis, bumbero, at jail guards sa bansa na kukunin mula sa Miscellaneous Personnel Benefits Fund at sa mga budget allotment ng mga responsableng ahensya.

Nakasaad din naman sa House Joint Resolution No. 18 at Senate Joint Resolution No. 11 na tataas ang sweldo ng mga may ranggo ng PO4 hanggang director general at mga katumbas na rango pag sapit ng January 2019.

Ipinunto din ni Diokno na tataas din ang take-home pay ng mga uniformed personnel ng pamahalaan sa ilalim ng bagong Tax Reform Law sa na ipapatupad sa 2018.

 

“Lover of Soldiers”

Talagang hindi biro ang propesyon ng pagiging isang sundalo dahil kinakailangan dito ang matinding lakas ng loob, isipan, at pangangatawan sa pagsabak sa mga iba’t ibang gawain, lalo na ang panganib ng pakikidigma. Kasama rin ang sakripisyo na mawalay sila sa kanilang mga mahal sa buhay alang-alang sa pagtugon sa tawag ng tungkulin na isulong ng kapayapaan.

Hindi na rin lingid sa kaalaman ng madla na daan-daang mga sundalo na ang nagbuwis ng kanilang mga buhay sa sari-saring engkwentro laban sa mga kaaway ng estado. Nitong taon ay saksi ang buong bansa sa sumiklab na digmaan sa lungsod ng Marawi sa pagitan ng militar at ng pwersa ng ISIS-inspired Maute Group, kung saan nasawi ang 165 na sundalo at mahigit 1,400 naman ang nasugatan. Ang limang buwang labanan, na napagtagumpayan ng mga pwersa ng pamahalaan, ay itinuturing na ‘heaviest urban battle’ mula nang matapos ang World War II.

Ang mga pangyayaring gaya nito marahil ang dahilan kung bakit gayon na lamang ang pagnanais ng Pangulong Duterte na bigyang lingap ang mga tagapagtanggol ng ating bayan. Kamakailan ay binansagan pa niya ang sarili at ang yumaong Ferdinand Marcos na “lover of soldiers”, na tanging mga pangulo ng Pilipinas na nagbigay ng buong atensyon sa mga pangangailangan ng mga sundalo.

“Hindi ako nagyayabang. Walang ibang presidente, dalawa lang, ang pagbigay na atensyon na kinakailangan para sa isang sundalo. Ako lang pati si Marcos,” sinabi ni Duterte sa harap ng mga sundalong naka-base sa Camp General Teodulfo Bautista sa Sulu nitong Disyembre.

Bilang patunay ng kanyang pagmamalasakit sa mga miyembro ng militar, naglunsad na ng mga programa at nagpamahagi na ng tulong ang Pangulo.

Inilahad ng Pangulong Rodrigo Duterte sa anibersaryo ng AFP sa Camp Aguinaldo ang mga ibayong benepisyong matatanggap ng mga sundalo, kabilang ang pag-release ng P500 milyong pondo para sa mga nasugatan at disabled na mga kawal.

Maglalaan din umano siya ng ibayong ayuda para sa V. Luna General Hospital at Veterans Memorial Medical Center upang matiyak na tuloy-tuloy ang serbisyong medikal para sa mga sundalo.

“I will subsidize yung medicines especially those who need the management for pills – it’s 50 million monthly para sa AFP pati 50 million para sa V. Luna. Para sa mga retired dun niyo na kunin yung medicines and management niyo for ailments a soldier suffers when he retires,” wika ng Pangulo.

Dagdag pa ng lider ng pangulo, nakalinya na rin ang programang Standalone Pension Fund para sa AFP. Aniya, ang perang kikitain sa pagbebenta ng ilang prime properties at kampo ng AFP ay gagamitin bilang seed money para sa nabanggit na pension fund.

Binigyang diin din ng Pangulo ang pagnanais niyang matulungan ang mga sundalo na maitawid ang edukasyon ng kanilang mga anak.

“All I want to see is that an ordinary soldier can finance his child’s education. I want a sergeant, a corporal, yung mga anak ninyo, pwede maging, as long as they have the brains, as long as they can continue to go to school, be a doctor or lawyer…”, wika ni Duterte.

Sa madaling sabi, layunin ni Pangulong Duterte na alisin ang pagkabalisa ng tagapagtanggol ng bayan patungkol sa kanilang mga pangunahing pangangailangan—at gagawin niya ang lahat upang na di mabigo ang mga ito.

“Do not worry about your families. Do not kill yourself just thinking about what will happen tomorrow…The Philippine government will always be there to see to it that your children to go to school until college time.”