PINAS

Ang Lihim ng Panginoon (Ikaapat na Bahagi)

Sonspeak

Recent News:

Ana Paula A. Canua

Heat stroke, paano rumesponde at mga sintomas nito

by

Ni: Ana Paula A. Canua

ANG heat stroke ay nangyayari kapag sobrang init ng temperatura ng ating katawan. Lubha itong mapanganib dahil kapag hindi naagapan maaring humantong sa pagkamatay o pagkaparalisa ng katawan.

Kailangan nating paghandaan ang mga sakit at peligrong maaring makahadlang sa atin na maenjoy ang summer fun experience.

Isa sa sakit na dapat iwasan ngayong matindi ang init ay ang heatstroke na karaniwang bumibiktima sa mga may edad na o yung may history ng mataas na altapresyon.

Narito ang mga sintomas ng mataas na temperatura ng katawan na maaring humantong sa heatstroke:

  • Labis na pagpapawis o sa iba maaring  hindi paglabas ng pawis sa kabila ng nararamdamang init.
  • Pagkabalisa
  • Pagsusuka at pagkahilo
  • Mabilis na tibok ng puso
  • Hirap sa paghinga
  • Labis na sakit ng ulo
  • Pagkahimatay

Kapag naramdaman ang mga sumusunod na senyales agad na tumakbo sa ospital o tumawag sa local emergency number.

Para sa first aid, gawin ang mga sumusunod na hakbang:

  • Alisin ang damit ng nahimatay.
  • Punasan siya bimpo na nilublob sa malamig na tubig
  • Maglagay ng yelo sa mga bahagi ng katawan na mababaw ang ugat, gaya sa wrist, sintido, leeg, likod ng tuhod, kili-kili at alak-alakan.
  • Makatutulong kung itatapat din ang electric fan upang magbigay ginhawa sa nahimatay
  • Kung nagsisimula pa lamang mahilo, uminom ng malamig na tubig at magpahinga.

Para makaiwas sa heat stroke, huwag maglakad habang tirik ang araw lalung-lalo na sa mga oras na alas-diyes ng umaga hanggang alas-tres ng hapon. Uminom ng maraming tubig, iwasan ang alcohol at kape. Maka­kaginhawa rin ang pagligo ng dalawang beses sa isang araw, isa sa umaga at isa bago matulog sa gabi.

Hayaan din ang sarili na magpawis, sa ganitong paraan bumababa ang init sa loob ng katawan natin. At huwag kalimutan upang ma-enjoy ang summer kumain ng mga pampalamig o yung mga prutas na nagbibigay presko sa katawan gaya ng pakwan, melon, pipino, singkamas at papaya.

 

Hamilton, ‘bawal ang sumuko’

by

Ni: Ana Paula A. Canua

SA tabing dagat sa Lihue, Kauai, Hawaii nabuo ang pangarap ni Bethany Meilani Hamilton kung saan sa murang edad batid na ni Bethany ang hikahos na hinaharap ng kanilang pamilya.

Simpleng buhay lamang ang pamilya ni Bethany, waiter ang kanyang ama samantalang tagalinis naman ang kanyang ina. Sa mga pagkakataong abala ang kanilang magulang para maghanap-buhay, inaaliw ng magkakapatid ang kanilang libreng oras para lumangoy at magsurf sa dagat at dahil may kamahalan ang surfing board, nagsimula sila sa paghiram ng napaglumaang board.

Sa kanyang pagkatuto sa sport na surfing itinuring ni Bethany na kakampi ang malalakas na alon kung saan kaisa niya ang indayog at hampas nito.

Sa edad na walong taong gulang nagsimulang sumabak si Bethany sa kompetisyon, at ‘di kalaunan ay nakakuha siya ng sponsorship na nakatulong sa kanyang pag-aaral. At noong 13 taong gulang palang siya, nakuha niya ang second place sa National Scholastic Surfing Association (NSSA) National Championships sa San Clemente, California, isang presteryosong tagisan ng mga surfers.

Ngunit matapos lamang ang ilang buwan ng pagka-panalo ay nangyari ang hindi inaasahan, isang malaking hamon ang humagupit sa batang kampeon.

 

Shark Attack

Umaga ng October 31, 2003 nagkayayaan si Bethany at ang kanyang bestfriend na si Alana Blanchard na magsurf. Matapos ang ilang oras na pagsasaya sa dagat at paghamon sa alon, bigla na lamang naramdaman ni Bethany ang matinding pwersa na humihila sa kanya pailalim, sa bilis ng pangyayari, tanging  inisip lamang niya ang makaligtas sa pagkalunod. Noong makawala, napansin niya ang dugo na unti-unting kumakalat sa kanyang nilalanguyan.

Matinding sakit ang naramdaman niya sa kanyang kaliwang bahagi ng katawan, hindi lamang pala sugat kundi putol na pala ang kanyang braso. Sa kabila nito pinilit niyang makalangoy sa abot ng kanyang makakaya para makarating agad sa pampang.

Agad naman na nalapatan ng first aid ng ama ni Alana si Bethany. Gamit ang tali sa surfing board, tinali nito ng mahigpit ang natitirang kaliwang braso ni Bethany, para maibsan ang dugong umaagos.

Nahuli naman ng isang mangingisda ang tiger shark na umatake kay Bethany, na may habang 14 feet at ayon sa mangingisda, kagat pa ng pating ang bahagi ng surfboard ni Bethany.

Hindi papadala sa agos

Nakakagulat na matapos lamang ang isang buwan, kasabay ng paghilom ng kanyang sugat ay ang ka-nyang muling pagbabalik sa dagat para sabayan muli ang matataas na alon.

Matapos ang ilang buwan na training bumalik sa NSSA national championship si Bethany at inuwi ang ESPY award for Best Comeback Athlete.

Nasundan pa ito ng autobiography na  Soul Surfer: A True Story of Faith, Family, and Fighting to Get Back on the Board, na naging  bestsel-ler, at ang pagkilala sa kanya ng MTV, ESPN at  ng United States Sports Academy dahil sa pinakitang tapang at galing sa sports.

Naging tuluy-tuloy ang kanyang pagkapanalo at nasundan ng dokumentaryo na Heart of Soul Surfer at pelikulang Soul Surfer noong 2011.

Lumipas ang mara-ming taon at hanggang ngayon tuloy pa rin si Bethany sa pagsali sa kompetisyon at pag-uwi ng medalya. Hindi ang mataas at malakas na alon at kawalan ng kanyang braso ang hihila sa kanya pababa sa at lulunod sa kanyang mga pangarap.

“Then one minute my arm’s gone.  I look back on that and I think how I wouldn’t even change it if I had the opportunity to.  I see all the doors that it’s opened, it was a cool opportunity to let them open up and share what their struggles are, and share what our struggles are,” kwento ni Bethany.

Sa ngayon hindi na lang basta simpleng atleta si Bethany, tuloy pa rin siya sa pagbibigay pag-asa at tapang sa mga kabataan at kapwa atleta.

“You paddle out surfing and you have these huge sets and they’re just crashing on you. and you feel like you’re stuck in that constant paddle, paddle, paddle.  You don’t feel like you’re getting anywhere sometimes.”

Ayon kay Bethany malaking bagay ang pagdarasal, paniniwala at pagpapaubaya sa plano ng Diyos sa atin, dagdag niya kailangan mong makahanap ng pagkukuhaan ng lakas ng loob at katatagan para maunawaan at maipagpatuloy ang iyong pangarap.

“If everything was e-xactly perfect, there would be no challenge in it.  I like the challenges that we have to face, so I’m stoked and strengthened.”

 

Publiko makikinabang sa bagong TNCs – LTFRB

by

Ni: Ana Paula A. Canua

NArangkada na sa kalsada ang bagong Transport Network Companies (TNCs) na Hype,  Hirna , at U-Hop, ito ay matapos maglabas ang  Transportation Franchising and Regulatory Board (LTFRB) ng   kanilang Certificate of Accreditation at  permit to operate sa loob ng dalawang taon.

Paliwanag ni LTFRB Board Member Atty. Aileen Lizada, parehas ang business model ng Hype sa Grab na magsisimulang magbigay serbisyo sa Mayo 26. Samantala ang HirNa ay isang taxi-hailing app na magsisimulang mag-operate sa Davao City. At ang U-Hop naman ay ang kauna-unahang TNC na nag-aalok ng shuttle services.

Ayon sa pamunuan ng Hype, kumpara sa ibang Transport Network Vehicle Service (TNVS) maaring hindi gumamit ng internet upang makapag-book ng byahe, paliwanag ng Chief Operating Officer ng Hype na si  Jen Silan, maaring sa pamamagitan ng text na lamang mag-book ang pasahero.

“SMS booking or texting is much cheaper. So we want to address that and cater to those other classes,” wika ni Silan.

Sa ngayon ay nasa 30,000 na mga drayber ang nagpahayag ng interes na pumasok sa kanilang kompanya.

Paliwanag din ni Silan, maaring kumita ng mas ma-laki ang mga drayber nila dahil papayagan na magpaskil ng advertisement sa sasakyan kung saan maghahati ng ba-yad sa patalastas ang drayber at ang kompanya.

Tiniyak din ni Silan na magiging mas mura ang kanilang serbisyo dahil hindi sila magpapatupad ng per-minute charge.

LTFRB titiyakin na hindi maabuso ang mga pasahero

Nagsagawa ng pagpupulong ang LTFRB sa lahat ng TNCs upang ipaliwanag ang polisiya sa pagtakda ng singil sa pasahe.

“One of the reasons why we have this meeting is precisely to upgrade the service insofar as the TNVS denomination is concerned,” paliwanag ni LTFRB Chairman Martin Delgra.

Bukod sa mga accredited TNCs nagpahayag ang LTFRB na maari pang madagdagan ito dahil sa nakabinbing  application mula sa TNCs na GOLag o Go Laguna na nakatakdang mag-operate sa Laguna, Owto at isa pang taxi service na Micab na aarangkada naman sa Metro Manila.

Nagpaalala rin ang LTFRB na kailangang ianunsyu sa publiko ang balak na pagtaas sa pasahe, ito ay upang bigyan ng proteksyon ang mga consumers na patuloy na tinatangkilik ang kanilang serbisyo.

Hinikayat din ng pamunuan na iulat agad kapag nakaranas ng nakakadismayang serbisyo sa mga TNVs drayber.

Isyu ng grab

Kamakailan lamang nagpahatid ng hinaing ang ilang commuters hinggil sa hindi makatarungang pagtaas ng singil ng Grab sa kanilang mga pasahero, at ilang buwan lamang nasundan  muli ng panibagong isyu, hinggil naman sa pagdami ng mga  hindi makatwirang pagkansela ng mga drayber ng bookings. Reklamo ng ilang pasahero, nagsimulang magkaproblema sa serbisyo ng Grab matapos nito masolo ng kompanya ang Transport Network Services sa bansa. Ito ay matapos tuluyang magdeklara ng company merge ang Uber sa Grab.

Upang solusyunan ang problema, umaksyon naman agad ang pamunuan ng Grab at nagsagawa ng internal investigation sa humigit-kumulang 500 na mga drayber nito  dahil sa masamang reviews hinggil sa pagkakansela ng bookings at sa hindi kaaya-ayang pag-uugali. Tiniyak naman ng pamunuan na mahaharap sa kaukulang parusa ang mga natukoy na mga drayber.

Kasunod nito, humingi ng tawad ang Grab Country, Head Brian Cu hinggil sa serye ng nakakadismayang insidente.

“We will never tolerate any behavior that compromises the quality of our service. We see every post and complaint. We apologize that our services fell short. However, we will move forward,” pahayag ni Cu.

“We have rolled out additional and stricter measures to address issues on cancellations and this is just the start. We promise to improve to provide the quality of service our passengers deserve,” dagdag niya.

Upang masigurado na hindi na ito mauulit muli, nagpatupad ng bagong alituntunin ang Grab sa mga drayber nila na may record ng  mababang acceptance rate  kung saan nakatago na ang pupuntahang destinasyon ng kanilang mga pasahero, at tanging distansya lamang ng pupuntahan ang makikita sa booking info.

Sa tala ng Grab ay nasa 25 porsyento lamang ang mga drayber na mababa ang acceptance rate.

“We will implement non-showing of passenger information before ride acceptance, as it is a major source of complaints,” paliwanag ni Cu.

Kasabay nito nagpatupad na rin ng auto-accept feature sa booking ng mga Grab sa kanilang mga drayber upang maiwasan ang pagpili ng pasahero. Ngunit sa kabila ng paghihigpit sa kanilang mga drayber, pinarating din ng pamunuan na mananatili ang pagbibigay nila ng proteksyon sa kanilang mga drayber, at sinabing mahaharap din sa sanctions ang mga mapang-abusong pasahero.

Nagpahayag naman ng positibong reaksyon ang LTFRB dahil sa agarang aksyon ng Grab upang maayos ang kanilang serbisyo.

“We appreciate the move unilaterally done by Grab. Hindi na ho sila naghintay ng order ng LTFRB. Magandang hakbang, magandang measure ang ginagawa nila. At least, it’s all geared towards the riding public,” pahayag ni LTFRB board member Atty. Aileen Lizada.

Epekto ng bagong TNCs

Ayon sa LTFRB dapat na ikatuwa ng publiko ang pagpasok ng mga bagong TNVS, dahil hindi lamang sa madagdagan ang pagpipilian kundi magbubunga rin ito ng kompetisyon sa pagandahan ng serbisyo.

“So if you say that there is no competition, soon there will be, and any competition is good for any industry because it benefits the riding public,” paliwanag ni Lizada.

Dahil mas maraming TNVS, asahan din ang pagbaba ng surge rate o matataas na presyo ng pasahe tuwing rush hour.

Magiging pabor din ito sa mga nagmamay-ari ng mga sasakyan na subukan na maging bahagi ng transport network services dahil sa mas pinaigting na polisiya at alituntunin ng LTFRB at mga TNCs na proteksyunan ang kanilang mga consumers gayundin ang kanilang mga drayber.n

Tarantula burger, matitikman na!

by

Ni: Ana Paula A. Canua

Tarantula burger, hindi ordinaryong burger ang inyong matitikman sa isang restaurant sa North Carolina, dahil sa exotic toppings nito na oven-roasted tarantula spider.

Ayon sa Bull Burger and Brewery, mapipili ang maswerteng titikim ng tarantula burger sa pamamagitan ng raffle. Ang maswerteng  customers na may lakas ng loob na tanggapin ang challenge at mag-uuwi ng tarantula challenge t-shirts.

Nauna na rito, bilang bahagi ng Annual Exotic Month , nagkaroon na rin ng burger na may sangkap na alligator, iguana, python, turtle at  mga insekto ang restaurant.

Nick Newell, ang atletang walang braso at kamay

by

Ni: Ana Paula A. Canua

HINDI ang kanyang kapansanan ang hahadlang para ipagpatuloy ni Nick Newell ang kanyang pangarap, dahil bukod sa Mixed Martial Arts, pinasok rin niya ang mundo ng wrestling at Jui-jitsu, bagay na magpapatunay na para magtagumpay-taktika, talino at husay ang kailangan.

Maituturing na hindi isang ordinaryong MMA fighter si Nick Newell, dahil kumpara sa kanyang mga nakakalaban, walang kaliwang braso at kamay si Nick. Sa kabila nito hindi dapat maliitin ang kanyang kakulangan, dahil sa tuwing tatapak sa ring, kinakatakutan ng kanyang mga nakakatapat ang kanyang pamatay na teknik sa paglaban, mga taktikang pumupuntirya sa paghinga ng kalaban.

Handang humamon ang gustong manalo

Nagpakita ng buong tapang si Nick nang pasukin ang mundo ng MMA, dahil sa unang pagkakataon, handang humamon ng laban ang isang atletang kulang ang isa sa napakaimportanteng bahagi ng katawan upang makalaban ng buong husay.

Ginagamitan ng buong katawan ang sports na MMA, ang braso, kamay ay paa ay napakaimportante sa bakbakan, kapag buong husay ang lakas, bilis at coordination ng manlalaro, madali na mapapatumba ang kalaban at malaki ang tyansa na manalo.

Ngunit paano kung kulang ng braso at kamay ang humamon, ito ba ay hadlang o bentahe sa kanya?

Pinatunayan ni Nick Newell na maaring idaan sa taktika para mapunan ang kahinaan ng isang manlalaro. Sa pamamagitan ng armbar, guillotine choke, rear-naked choke, heel hook at  face crank, nagagawang talunin ni Nick ang kalaban, mga teknik kung saan mapipilitan na lamang sumuko ang kalaban dahil sa hirap na itong makahinga.

“When you’re good enough and you know it, and you know you can beat these guys who are fighting, it’s kind of difficult to sit just back and watch when you want to be out there, So at the end of the day, that’s always the goal, it’s always been the goal, and I feel like now more than ever I’m ready, I’m ready to go out and make a name for myself, even more so than I already have,” pahayag ni Nick.

Kung mayroon mang hadlang para magtagumpay, ito ay takot at hindi kapansanan o kakulangan ng isang tao. Paniniwala ni Nick na tayo lamang ang gumagawa ng dahilan para ipagliban ang ang ating mga pangarap at isantabi ang hangganan ng ating kakayahan.

 Amputee Champion

Isinilang na may kapansanan ni Nick, ngunit lumaki siyang normal at maliksi. Sa suporta ng kanyang pamilya, nagsanay at nahasa siya sa martial arts. Dahil rin sa kanyang kondisyon nakapokus ang kanyang training sa pagpapatumba ng kalaban.

Hindi nagpadala si Nick sa diskumpiyansa ng ibang tao sa tuwing nakikita siya sa loob ng ring dahil alam niya sa kanyang sarili kung paano tatalunin ang kalaban.

Gamit ang natutunang teknik naabot niya ang pinakamatataas na titulo sa jui-jitsu, ang black belt. At noong pumasok ng kolehiyo, nagsimula rin siyang magsanay sa wrestling at umangkin ng titulong 300 na panalo mula sa kanyang wresling match simula highschool hanggang kolehiyo. At ngayon, sa MMA naman siya nagpapakita ng gilas at lakas.

Ayon kay Nick, isa sa mga hinahangaan niya ang Yankees pitcher na si Jim Abbott, atleta na may kaparehas ng kanyang kondisyon.

“I absolutely know that I’m world class. I know I belong, and I know I can do well even in the UFC. I’m a black belt in jiu-jitsu, and I’m a college wrestler, and with my striking, my footwork is always in the right spot, maybe I don’t always have the multi attacks everyone else has, but I have very good range and now that my body as working as well as it is I really feel like I can take a fight with anyone and not only hold my own but win.”

Sa ngayon hawak ni Nick record na 14 wins at isang pagkatalo, pito sa kanyang panalo ay dahil sumuko ang kalaban, dalawa ay dahil sa technical knock-outs at isa ay knock out sa loob ng dalawang minuto na bakbakan sa ring.

Dahil dito tinagurian siyang “notorious” ng kanyang mga kalaban dahil sa kanyang techniques at istilo sa laban. Simula noong mahawakan ni Nick ang tagumpay kumapit siya dito ng mahigpit para patunayan na kaya niya manalo sa kabila ng kakulangan ng braso at kamay.

Life is a cold, hard place. It will chew you up and spit you out, so you can either become a victim of circumstances or you can create your own. I’m out here, I’m creating my own circumstances. I’m one of the best fighters in the world and I belong in the UFC. That’s it. That’s final. I gave you 14 reasons why I belong in the UFC. I’m one of the best fighters in the world and I proved it 14 times.”

“At the end of the day, you’ve gotta realize that life’s not fair, sometimes you start a little further back from the starting line. And you’re going to have to work a little bit harder, and push it faster to get to the finish. I’m willing to put in the work, to compensate for other things, to get ahead, to get to where I want to be.”

Paano maging motivated ang mga bata sa pag-aaral?

by

Ni: Ana Paula A. Canua

UPANG mapalaking achiever ang anak, kailangan munang madebelop ang motibasyon sa paggawa at sa pagkamit sa tagumpay.

Upang madebelop ang motibasyon sa anak, kailangang magsimula sa paggabay upang madiskubre ang kanilang talento at potensyal. Ang pagtulong rin sa inyong anak kapag sila ay nahihirapan ay malaking bagay para tumaas ang kanilang kumpiyansa sa sarili.

Una, obserbahan at kausapin ang anak, alamin ang kanilang talento o interes. Tanungin ang anak kung ano ang kanyang paboriting asignatura sa paaralan at kung saan siya nahihirapan.

Kung mahilig sa science ang anak, magandang reward sa tuwing siya ay nag-eexcel sa paaralan ay dalhin siya sa museums o kaya ay ibili ng encyclopedia. Maganda rin ang pagbili sa kanya ng mga laruang makatutulong upang madebelop ang kanilang talino sa syensya.

Pangalawa, ipakita sa anak ang kahalagahan ng pagpasok sa eskwela. Ang paghain ng masustansyang almusal at pag-asikaso sa kanila bago pumasok, mainam din na magtakda ng ‘study area’, kung saan nakalagay ang lahat ng kanyang libro at mga kailangan sa pag-aaral. Makatutulong ito lalo na kung kadalasang ‘distracted’ ang anak o kadalasang inuuna ang paglalaro o panonood ng telebisyon.

Pangatlo, suportahan at hikayatin ang anak, hayaan siya na magkwento. Maglaan ng atensyon at papuri, ang simpleng “very good”, “magaling” ay nagbibigay ng motibasyon sa anak na buong husay na gumawa ng assignments at magparticipate sa paaralan.

Pang-apat,may iba’t-ibang ‘learning style’, maaring auditory, visual, o tactile learner ang inyong anak. Kung siya ay auditory basahin ang math problem at himay-himayin ang bawat salita. Kung siya naman ay visual, mas madaling makakaisip ang bata kung ito ay may larawan, halimbawa  ang simpleng 8+9 , maaring magdrawing ng mansanas at tsaka bilangin ang kabuuan. Kung siya ay tactile, maghanda ng mga bagay na maari niyang mahawakan upang ipaunawa ang math problem. Sa ganitong paraan mae-enjoy ng inyong anak ang pagkatuto at pag-aaral.

Kahalagahan ng magulang sa pagpapalaki ng anak

Close Bitnami banner
Bitnami