PINAS

Ang Lihim ng Panginoon (Ikapitong Bahagi)

Sonspeak

Recent News:

Ariana Grande

K-Pop boy band na BTS, nominado sa tatlong kategorya sa 2019 American Music Awards

by

POSIBLENG makasungkit muli ng award ang K-Pop boy band na BTS sa 2019 American Music Awards.

Ito ay matapos mapabilang sa mga nominado sa tatlong kategorya ang nasabing boy band group.

Kabilang ang BTS sa mga nominado sa favorite duo or group, favorite social artist at tour of the year.

Magugunita na noong nakaraang taon ay nakuha na ng BTS ang favorite social artist prize na tinanghal bilang kauna-unahang South Korean band na nakakuha ng award sa AMAS.

Ngayong taon ay makakatunggali ng Korean Pop boy band sa favorite duo or group section ang Jonas Brothers at Panic! At The Disco.

Habang sa tour of the year ay makakatunggali nila si Ariana Grande, Elton John, Pink at Ed Sheeran.

Gaganapin ang awarding ceremony sa Microsoft Theater sa Los Angeles sa Nobyembre a-24.

 

2 katao inaresto kaugnay ng Manchester blast

by

Dalawa pang tao ang inaresto ng pulisya na may kaugnayan di’umano sa pagsabog na nangyari sa concert ni Ariana Grande sa Manchester, United Kingdom.

Ayon sa mga otoridad, inaresto ang mga ito sa dalawang magkakahiwalay na lugar.

Nasa kabuuang walong katao na ang nakadetine dahil sa nangyaring pagpapasabog.

Pinalaya na rin ang isang babaeng inaresto kahapon.

Bukod dito, ginalugad din ng mga otoridad ang isang property sa Manchester at nagsagawa doon ng controlled explosion.

Threat level sa London, itinaas sa ‘critical’ 

by

Mula sa ‘severe’ ay itinaas na ng United Kingdom sa ‘critical’ ang threat level sa London matapos ang pagsabog sa concert ni Ariana Grande sa Manchester.

Ayon kay British Prime Minister Theresa May, mas pinaigting na ng armed forces ang seguridad sa lugar at posibleng magdeploy na ng military personnel sa mga public event gaya ng concerts at sports events.

Napagkasunduan aniya ng independent body na itaas ang threat level sa ‘critical’ matapos magpasabog ng isang improvised bomb ang suspek na nakilalang si Salman Abedi sa concert ng American pop singer.

Sinabi ni may na itinaas ang threat level sa ‘critical’ para maiwasan o mapigilan ang posibleng kaparehong pag-atake na isasagawa ng teroristang grupo.

Kahapon ay binulabog ng pagsabog ang concert ni Ariana Grande kung saan dalawampu’t dalawa katao ang nasawi habang animnapu naman ang sugatan.

Inako na ng ISIS ang nasabing pagpapasabog

Ariana Grande, ligtas matapos ang pagsabog sa concert 

by

Ligtas ang American singer na si Ariana Grande matapos ang pagsabog sa kanyang concert sa Manchester Arena sa England.

Ayon sa tagapagsalita ni Ariana, hindi nasaktan at nasa maayos na kalagayan ang singer ngayon.

Nagpaabot naman ng pakikiramay at simpatya sa mga biktima ng trahedya ang mga international celebrity kabilang na sina Katy Perry, Taylor Swift, John Legend, ed Sheeran, Bruno Mars, Dwayne Johnson at iba pa.

Nasa England ang singer bilang bahagi ng kanyang ‘Dangerous Woman Tour’.

Concert ni Ariana Grande, inatake ng terorista

by

Nauwi sa isang malaking trahedya ang isinagawang concert ni American pop star na si Ariana Grande sa Manchester Arena na kung saan nag-iwan ng 22 kataong patay habang  59 katao ang sugatan.

Sinabi ng ilang nakasaksi sa pangyayari na dalawang malakas na pagsabog ang kanilang narinig mula sa foyer o sa entrance hall ng concert venue.

Pinagbawalan muna ngayon ang mga residente sa London na lumapit sa Manchester Arena dahil patuloy pa na iniimbestigahan ng pulisya kung ano ang tunay na dahilan ng pagsabog.

Bagamat magkaiba ang pahayag ang binitawan ng mga tagahanga ng 23-year-old pop star, pinaniniwalaan ng North West Counter Terrorism Unit na isa itong terroristic attack.

Isa sa nagulantang sa nangyari ay ang aktres na si Julie Hesmondhalgh dahil dinig na dinig niya ang pagsabog habang nanonood sa show ni Ariana.

Agad namang umalis ng stage ang “BangBang” hitmaker nang magkaroon stampede.

Samantala, pinaghahandaan naman ngayon ni Ariana ang kanyang comeback concert sa Pilipinas sa buwan ng Agosto ngayong taon.

Matatandaang taoing 2015 nang unang pinasaya ng sikat na singer ang kanyang mga fans dito sa Pilipinas.

Close Bitnami banner
Bitnami