PINAS

Ang Lihim ng Panginoon (Ikapitong Bahagi)

Sonspeak

Recent News:

Armed Forces of the Philippines

Matteo Guidicelli, sumama sa relief operations sa mga biktima ng pagsabog ng Bulkang Taal

by

EYESHA ENDAR

 

TAOS puso sa aktor na si Mateo Guidicelli ang pagtulong sa mga biktima ng pagsabog ng Bulkang Taal sa Batangas.

Sumama ang aktor sa relief operations ng Philippine Army sa mga apektadong residente ng pagputok ng Bulkang Taal.

Sa kaniyang Instagram post, makikita na naka-uniporme rin ng pang-sundalo si Mateo kasama ang Armed Forces of the Philippines.

Isa ang Barangay Poblacion 3 sa Sto. Tomas, Batangas ang kanilang pinuntahan at binigyan ng mga relief goods.

Kasabay nito, nanawagan din ang aktor sa kaniyang mga fans na magbigay ng tulong sa mga biktima ng pagsabog ng Bulkang Taal.

Lt. Gen. Felimon Santos, pormal nang naupo bilang bagong AFP Chief of Staff

by

ADMAR VILANDO

 

PORMAL nang naupo si Lt. Gen. Felimon Santos Jr. bilang bagong Chief of Staff ng Armed Forces of the Philippines o AFP.

Pinalitan sa puwesto ni Santos ang nagretirong si Gen. Noel Clement.

Pinangunahan ni Pangulong Rodrigo Duterte ang pagpapalit ng liderato ng AFP sa Camp Aquinaldo, Quezon City kamakailan.

Sa kanyang talumpati, sinabi ng pangulo na natutuwa siya na naging bahagi sa pagbibigay ng parangal kay Clement at sa kanyang successful tour of duty bilang chief of staff ng AFP.

Tiniyak din ng pangulo na ipagpapatuloy niya ang suporta sa militar upang magkaroon ng mas maayos na kinabukasan ang mga mamamayan.

Sinabi rin ng pangulo na tiwala siyang susuportahan at makikiisa ang mga sundalo sa kanilang bagong lider na si Santos.

Bagong AFP Chief of Staff, nangakong tatapusin ang problema sa insurgency

Nangako ang bagong pinuno ng Armed Forces of the Philippines (AFP) na tatapusin nila ang problema sa insurgency bago magtapos ang termino ni Pangulong Rodrigo Duterte.

Sinabi ni AFP Chief of Staff Lt. Gen. Felimon Santos Jr. na kumpiyansa sila na makakamit nila ang kanilang misyon na tapusin ang problema sa insurgency.

Ayon kay Santos, ipagpapatuloy nila ang localized peacetalks laban sa mga communist insurgents sa iba’t- ibang probinsiya sa pakikipagtulungan ng mga local chief executives.

Tiniyak din ng bagong pinuno ng AFP na mananatili ding nasa proactive measure ang militar para labanan ang teroristang grupo partikular ang Abu Sayyaf at mga ISIS-inspired groups.

Suportado din ni Santos ang kampanya ng gobiyerno laban sa war on drugs sa bansa.

Rocco Nacino, nakatakdang mag-training bilang reserve force ng Philippine Navy

by

 

MAY dumagdag na naman sa listahan ng mga local celebrities na matapang na sumapi bilang reserve officer ng Armed Forces of the Philippines.

At yan ay walang iba kundi ang matinee actor-nurse na si Rocco Nacino.

Sa social media, proud na inanunsyo ni Rocco na nagpa-enlist na ito bilang reserve force ng Philippine Navy.

Aniya, ito ay para magamit niya ang kaniyang background sa nursing sa mga medical mission ng hanay.

Nais din aniyang magsilbing inspirasyon at motibasyon sa mga kabataan na sumali rin sa reserver force upang mapagsilbihan ang bansa.

Pinasalamatan naman ni Rocco ang kaniyang management sa suportang ibinibigay nito sa kaniyang bagong tatahaking landas.

Sinundan ni Rocco ang mga yapak nina Matteo Guidicelli, Gerald Anderson at Robin Padilla na nagpalista bilang reservist ng Philippine Army.

 

AFP, patuloy na binabantayan ang mga Chinese vessels sa WPS

by

 

EYESHA ENDAR

 

PATULOY paring binabantayan ng Armed Forces of the Philippines ang mga Chinese vessels sa West Philippine Sea.

Ito ay sa pamamagitan ng application na Automatic Identification System o AIS.

Sa pamamagitan ng aplikasyon ay makikita kung anong klasipikasyon at characteristic ng barkong dumadaan sa katubigan ng Pilipinas.

Ayon kay AFP spokesman Edgar Arevalo, ipinapaubaya nila sa mga political leaders ang kanilang kailangang gawin sa kanilang pakikipag-ugnayan sa ibang bansa.

“Make appropriate reports kagaya nito para sa ating mga political leadership sapagkat sa aspeto po ng foreign relations at policy hindi naman po yan sakop ng AFP, so what we can do is to perform our mandate and continue out maritime awareness patrol,” pahayag ni Arevalo.

 

Kaligtasan ng empleyado, kailangang siguruhin

by


Sen. Joel Villanueva: Isinusulong ng OSH Law ang kaligtasan ng mga manggagawa mula sa mga kapanganiban tulad ng lindol.

 

Ni: Quincy Joel Cahilig

SUNOD-SUNOD ang nararanasang lindol sa iba’t-ibang parte ng Pilipinas buhat nang yanigin ng 6.1 magnitude earthquake ang Luzon nitong Abril 22, na nagdulot ng pinsala sa mga infrastructure at pagkasawi ng ilan.

Madaming natakot sa malakas na lindol, lalo na ang mga empleyadong nagtatrabaho sa matataas na gusali sa Ortigas, Taguig, Manila, Quezon City, at Makati. Magmula noon, marami sa kanila ang di maiwasang mangamba para sa kanilang kaligtasan sa tuwing may balitang paggalaw ng lupa.

Kung tatanungin ang mga eksperto, hindi naman dapat ipagtaka ang nararanasang mga pagyanig ng lupa nitong mga nagdaang araw dahil ang Pilipinas ay nasa Pacific Ring of Fire. Ito ang horseshoe-shaped na active belt ng mga tectonic plates, mga bulkan, at earthquake epicenters sa Pacific basin, na may haba na 40,000 kilometers. Kaya ang palaging payo nila, gawing bahagi ng lifestyle ang paghahanda sa lindol.

Nguni’t sa kabila ng nakaambang panganib na ito sa araw-araw, tuloy pa rin ang takbo ng buhay para sa mga Pinoy. Lalo na para sa mga manggagawang hindi pwedeng magpadaig sa takot dahil kailangang kumayod para may maipangtustos sa pangangailangan ng sarili at ng pamilya.

Osh Law Kailangan Sundin

Para sa kay Senador Joel Villanueva, kailangang tiyakin ang kaligtasan ng mga manggagawa sa kanilang workplace. Ito ang isinusulong ng bagong batas na kanyang akda– ang Republic Act 11058 o Occupational Safety and Health (OSH) Law.

Sa ilalim ng OSH Law, minamandohan ang mga employers na pangalagaan ang kaligtasan at kalusugan ng mga empleyado nila upang maiwasan ang mga aksidente at panganib sa trabaho.

“The law is clear. The right of workers to safety and health at work is guaranteed,” wika ni Villanueva, chairman ng Senate committee on labor, employment and human resource development.

Ipinahayag ito ng mambabatas matapos makatanggap umano ng mga ulat na pinabalik agad sa loob ng gusali ang mga empleyado ng malls at mga call centers ilang minuto lamang pagkatapos ng Luzon earthquake.
Personal din aniyang nasaksihan ang isang insidente sa Mandaluyong kung saan narinig niya ang isang marshal na pinababalik ang mga nag-evacuate na office workers sa loob ng opisina nila sa isang mataas na gusali 30 minutes pagkatapos ng lindol.

“The building was over 20 stories high. It’s quite unlikely they’ve inspected the structure thoroughly,” aniya. “At the very least, the response of marshals in these incidents show that much needs to be done in disaster preparedness. We need to heighten our awareness on what to do when disasters strike, and that includes exerting a lot of effort in protecting the welfare of our workers.”

“We can’t simply expect our employees to march back to their workstations or to the shop floor without management and safety experts conducting a walkthrough of the facility to assess its structural integrity. Sadly, we learned that some offices did just that. We should remind them that the welfare of workers is always of paramount concern. Places of work are the second home of our workers,” binigyang diin ni Villanueva.

Pinagtibay noong August 2018, pinapatawan ng naturang batas ang mga lalabag na kumpanya ng multang hanggang P100,000 araw-araw hangga’t di nito maitatama ang mga OSH violations na ipapataw ng mga inspectors ng Department of Labor and Employment (DOLE)

Pinapahintulutan din ng batas ang DOLE officials at representatives na pasukin ang mga opisina sa anumang oras upang ma-check ang kalagayan at tiyaking sinusunod ng mga kumpanya ang mga probisyon ng batas.

Dagdag pa ng mambabatas na sa oras ng panganib, kinakailangang itigil ang operasyon hangga’t masiguro na ligtas na para makapagtrabaho muli ang mga empleyado.

“They have the right not to work and report this to the Department of Labor and Employment. There must be coordination on the relationship of the employees and employers. If the employees do not feel they are safe, they can always call DOLE. The safety and health of the workers is paramount,” wika ni Villanueva.


Taon-taon ay nagsasagawa ng earthquake drill ang mga private and government offices upang paghandaan ang panganib na dala ng malakas na lindol.

Aniya, ang pagtitiyak ng workplace safety ay maisasagawa sa pamamagitan ng pagtutulungan ng mga empleyado, business sector, at ng lokal na pamahalaan. May sakuna man o wala, dapat aniyang maramdaman ng isang manggagawa na ligtas siya sa lahat ng oras sa work area.

Mandatory Disaster Protocols

Sa kabila ng umiiral na OSH Law, nanawagan ang Trade Union Congress of the Philippines (TUCP) na ito na nga ang panahon upang balangkasin ang mandatory workplace emergency standards para sa rank-and-file workers.
Ayon kay TUCP President Raymond Mendoza, sa ngayon ay wala pang existing government mandatory standards na tumutugon sa naturang aspeto sa mga kumpanya, lalo na sa mga panahon ng kalamidad gaya ng lindol.

Aniya pa, bagama’t may evacuation protocols, safety officers, at evacuation plans ang mga responsableng mga kumpanya, marami pa ring mga employer ang wala ng mga ito.

“Because there are no specific mandatory guidelines regarding such life and death scenarios, there is a very urgent need to create a regulation or mandatory policy standards or protocols now that protects the workers’ health and safety and guides employees and employers on what to do when emergencies, disasters and calamities occur during working hours,” ani Mendoza.

Dagdag pa niya, kailangang gumawa ng specific implementing rules and regulations sa ilalim ng OSH Law para maiwasan ang kalituhan sa hanay ng mga manggagawa.

“Most of the victims in workplace disasters are the rank-and-file employees (cashiers, casino employees, salesladies, security guards) who were made to hang on to their work and remain in their stations waiting for specific orders from managers, supervisors and company owners amid the quickly evolving mishap. A split-second delay in reaction to such dangerous situations further exposes workers to workplace death and injury,” sabi ng TUCP President.


Ipinapakita ng mga kawani ng Armed Forces of the Philippines ang medical response para sa isang biktima ng lindol sa isang earthquake drill.

Pagtugon sa hamon ng lindol

Positibo naman ang tugon ng Employers’ Confederation of the Philippines (ECOP) sa panawagan ng TUCP na magbalangkas ng safety protocols. Sa katunayan, isa ito sa mga priority agenda ng grupo ng mga employers sa bansa sa National Conference of Employers (NCE) ngayong Mayo.

Aminado si ECOP Chair Emeritus Francis Chua na wala pang protocol na nabuo ang organisasyon sa pagtugon sa kalamidad dahil maayos namang ipinapatupad ng pamahalaan ang mga batas hinggil dito.

“We need to convene, and make this (new safety protocols) one of our priority agendas in our NCE this May,” wika ni Chua.

Dagdag niya, laging nakahandang tumulong ang kanilang mga direktor at miyembro sa mga empleyadong apektado ng mga kalamidad.

Nakatakdang idaos ng ECOP ang 40th NCE, na may temang “Future Proofing Business and Industry”, sa Marriott Grand Ballroom sa Mayo 28-29. Inaasahan ng marami na maisasagawa nila ang mga tamang aksyon para sa hamon ng lindol at iba pang kalamidad sa mga workplace sa bansa.

Tokhang vs Wang wang

by

Ni: Quincy Joel Cahilig

Bukod sa mga sangkot sa ipinagbabawal na gamot, pwede na rin ma-”tokhang” ang mga pasaway na motorista.

Inanunsyo ng Philippine National Police Highway Patrol Group (HPG) ang muling paglulunsad ng kampanya na magdidisiplina sa mga moto-ristang iligal na gumagamit ng emergency blinkers at sirena o “wang wang” upang makapanlamang sa pagmamaneho sa kalsada. Ito ang “Oplan Tokhang vs. Wang-wang”.

Sa ilalim ng naturang kampanya, gagawin ng pulisya ang pamamaraan ng kampanya kontra droga na “Oplan Tokhang” kung saan sila ay magbabahay-bahay para sitahin ang pasaway na motorista at pakiusapan na isuko ang wang-wang nito.

Ayon sa hepe ng PNP-HPG na si Chief Supt. Arnel Esco-bal, ang naturang hakbangin ay bahagi ng kanilang programa na “Oplan Disiplinado Driver”, na naglalayong ipa-laganap ang disiplina sa mga motorista para mapababa ang bilang ng mga aksidente sa mga lansangan na isa sa mga pangunahing sanhi ng pagkamatay ng maraming Pilipino.

“Lahat ng maire-report sa amin at lahat ng makikita ng aming operatives, on the spot ginamit ang illegal sirens, we will immediately apprehend,” wika ni Escobal.

Tatanggapin din ng PNP-HPG ang mga sumbong ng mga concerned citizens sa pamamagitan ng kanilang hotline 744-4474, na ibe-beripika nila sa Land Transportation Office (LTO) ayon kay Escobal.

“Pupuntahan namin sa kanilang bahay, kakatukin namin na kung puwede i-surrender nila ‘yung kanilang wang-wang. If not, aabangan namin sila sa labas. ‘Pag lumabas, we will apprehend so better na tanggalin nila so they will not be inconvenienced anymore,” aniya.

Ayon naman kay PNP Chief Oscar Albayalde, makikipagtulungan ang PNP sa LTO upang bantayan ang sasakyan na may nakaka-kabit na di otorisadong sirena at ilaw.

“Nakikita natin na naabuso talaga itong mga wang wang at naiinis na rin ang ating mga kababayan,” aniya.

Wika pa ni Albayalde, pinagbabawalan naman talaga ng batas ang mga motorista na gumamit ng wang wang, nguni’t hindi ito mahigpit na naipatupad sa mga nakalipas na taon. Kaya ngayon magiging mas istrikto na ang PNP-HPG sa paghuli sa mga pasaway na motorista.

Nitong Marso lang, libu-libong LED Lights, sirens, blinkers at iba pang illegal accessories ng sasakyan ang nakumpiska ng PNP-HPG, na pinagsisira sa Camp Crame sa pamamagitan ng bulldozer.

Subalit aminado ang ahensya na kulang sila sa tao sa ngayon at mangangailangan pa ang PNP-HPG ng karagdagang 7,000 personnel upang lubusang maipatupad ang kanilang mandato, na sa kasalukuyan ay isinasagawa ng nasa 1,500 tao.

Wakasan ang Utak Wang Wang

Bago ang paglulunsad ng “Oplan Tokhang vs. Wang-wang”, una nang sinabi ni Pangulong Rodrigo Duterte na ipagpapatuloy niya ang “no wang wang” policy na sinimulan ni dating Pangulong Noynoy Aquino III.

Nakakatanggap kasi ng ulat ang Pangulong Duterte na may mga pulitiko, kawani ng gobyerno, at mga pribadong indibidwal na gumagamit ng wang wang para makalusot sa trapik.

“Ngayon sabi nila na ano bumabalik na daw ‘yung siren, there is an order … kay Aquino pa ‘yan, and I’d like to maintain that policy. Lalo na taga-gobyerno kayo,” wika ng Pangulo sa kaniyang talumpati sa pamamahagi ng mga titulo ng lupain sa mga magsasaka sa Mulanay, Quezon kamakailan.

Nakasaad sa batas na ang mga miyembro ng Armed Forces of the Philippines, PNP, National Bureau of Investigation, LTO, fire engines na gamit ng mga bumbero, at mga ambulansya lamang ang pwedeng gumamit ng wang wang.

Sa mga opisyal naman ng gobyerno, tanging ang Pa-ngulo, Pangalawang Pangulo, Pangulo ng Senado, at Tagapagsalita ng Kapulungan ng mga Kinatawan ang maaaring gumamit ng wang wang.

Noong 1973, ay ibinaba ni dating Pangulong Ferdinand Marcos ang Presidential Decree 96 na ipinagbabawal ang hindi awtorisadong paggamit ng sirena, kampana, pito, busina, at iba pang mga paingay na ikinakabit sa mga sasakyan.

Sa pag-upo sa pwesto ni dating Pangulong Noynoy Aquino noong 2010, isa sa mga una niyang inanunsyo ang pagbabawal sa paggamit ng wang wang, na simbulo umano ng mentalidad ng ilang opisyal ng gobyerno na gamitin ang kanilang kapangyarihan upang makakuha ng pabor. At kahit siya mismo ay hindi gumamit nito sa pagbyahe sa mga lansangan.

Lagot ang mga abusado

Ang pagbabawal sa paggamit ng wang-wang ay, marahil, simpleng batas lamang sa tingin ng ilan ngunit masasabi na isa itong pagpapakita ng sinseridad na kitilin ang mga binhi ng pang-aabuso at kurapsyon sa gobyerno, bagay na ginagawa ni Pangulong Duterte.

Sa katunayan, nasa 16 na mga opisyal ng iba’t-ibang ahensya ng gobyerno ang kaniyang sinibak sa pwesto sa mga nakalipas na buwan dahil sa mga alegasyon ng misconduct at kurapsyon, gaya ng “junketeering” o ang labis na paggastos sa mga di mga pagbiyahe  gamit ang pera ng bayan.

Kung si Pangulong Duterte ang tatanungin, mas gugustuhin umano niya na magbitiw na lamang sa pwesto ang sinomang kurap na opisyal kaysa pahiyain ang mga ito sa publiko. Aniya, ang pagsugpo sa kurapsyon ang isa sa mga pangakong kanyang binitawan, na inaasahan ng taumbayan na kanyang tutuparin.

 “I was the only one car-rying the message that was appropriate at that time: corruption, drugs. I won’t hold back on that, my God. If you are into corruption, just leave. I’ll give you time. For those who are into it now, in go-vernment, published or otherwise, may you have the sense just to tender the resignation,” wika ng Pangulo sa isang pagtitipon ng mga guro sa Davao City.

Ayon sa Pangulo, ayaw niya na magpahiya ng mga kurap na opisyal dahil iniisip din niya ang kanilang mga pamilya.

“There was this one guy that I fired. When I started to read the report, (I learned that) he has children who are lawyers,” wika niya.

Nguni’t nagbabala siya sa mga tiwaling opisyal na hindi niya kukunsitihin ang mga maling gawain sa ilalim ng kanyang administrasyon upang luminis ang imahe ng gobyerno tungo sa progreso ng bansa.

“I said corruption, drugs, they are not allowed. I cannot tolerate that… You leave. You will really die. You will really die,” pahayag ni Pangulong Duterte.

Close Bitnami banner
Bitnami