Bangko Sentral ng Pilipinas (BSP)

Pag-iimpok ay paglago ng ekonomiya

February 18, 2019 by Pinas News

Pinas News

MAY isang di-gaanong napapansing senyales ng pag-usad ng ekonomiya. Ito ang pag-iimpok ng mga tao sa ating mga bangko.

Sa kasalukuyang paglago ng ekonomiya, may lumalaking bilang ng mga Pilipino ang patuloy na nagtitiwala sa pag-iimpok sa mga bangko. Makikita ito sa paglaki ng kabuuang naimpok—halos siyam na porsiyento sa unang 11 buwan ng nakaraang taon.

Ang kabuuang deposito sa bangko ay umabot sa P12.49 trilyon mula Enero hanggang Nobyembre noong 2018. Ito ay P1.02 trilyong mas mataas kaysa sa P11.48 trilyong naitala sa parehong panahon noong 2017.

Sa mga datos ng Bangko Sentral ng Pilipinas (BSP), makikita na ang mga deposito sa peso ay nadagdagan ng 9.6 porsiyento o nasa P10.37 trilyon sa unang 11 buwan ng 2018. Sa kabilang banda, ang pag-iimpok sa dayuhang pananalaping pag-aari ng mga residente ay umabot sa anim na porsiyento na may halagang P2.13 trilyong piso.

Sa ganang ito, dapat lamang na bigyan-diin ang papel ng mga lokal na bangko sa patuloy na pagsuporta ng mga ito sa pangmatagalang pagyabong ng ekonomiya ng bansa at isang matatag na kalagayan sa pananalapi.

Sa pangkalahatan, tila may magandang pagbabadya nga sa ekonomiya kung ang pagbabatayan lamang ay ang industriya ng pagbabangko dahil nagpakita ito ng isang double-digit na paglago sa 10.4 porsyento mula Enero hanggang Nobyembre noong nakaraang taon kumpara sa parehong panahon sa 2017. Ito ay paglago sa P16.72 trilyon nitong 2018 kumpara sa P15.15 trilyon noong 2017.

Kung mas nakapag-iimpok na nga ang mas marami sa ating mga mamamayan, hindi nga ba tanda ito ng pag-inam ng ekonomiya para sa mga mamamayan?

Sa kabila ng iba’t ibang mga usapin sa iba pang mga sektor ng lipunan, nawa’y patuloy nang lumago pa nga ang industriya ng pananalapi sa bayan. Mag-impok pa tayo.

Pagpupugay sa Bangko Sentral sa kanilang pamumuno at padayon!

Financial Consumer Act aprubado na

November 26, 2018 by Pinas News

BANGKO Sentral ng Pilipinas, Insurance Commission at Securities and Exchange Commission kabilang sa mga financial regulators sa bansa.

Ni: Jonnalyn Cortez

INAPRUBAHAN ng House Committee on Banks and Financial Intermediaries kamakailan ang House Bill 8301 o Financial Consumer Protection Act na naglalayong alagaan ang kapakanan ng mga financial consumers sa gitna ng mga dumaraming serbisyo at produkto na inaalok sa bansa.

Bibigyan nito ng karapatan ang mga financial regulators tulad ng Bangko Sentral ng Pilipinas (BSP), Insurance Commission (IC) at Securities and Exchange Commission (SEC) upang siguraduhing protektado ang bawat karapatan ng financial consumers.

FINANCIAL consumer act layuning protektahan ang mga financial consumers sa bansa.

Pangangailangan ng ganitong batas

Sinabi ni Leyte Rep. Henry Ong, na siyang chairman ng komite, na ang paglaganap ng pandaigdigang krisis sa pananalapi ay naging hudyat ng kahalagahan ng pagkakaroon ng isang epektibong proteksyon para sa mga mamimili sa mga serbisyong may kinalaman sa pananalapi.

“Consumers were ultimately exposed to the risks brought about by the failure of financial institutions,” dagdag nito. “The evolution of the financial landscape where there is an increasing number of complex financial products and services coupled with rapid technological change highlight the need for financial consumer protection.”

Bunsod nito, paalala ni Ong na mas madaling mabiktima ang mga financial consumers ng mga panloloko at pang-aabuso.

Inamin naman ni BSP Director Pia Bernadette Roman-Tayag na may kakulangan sa mga mekanismo na sumisiguro sa proteksyon ng mga financial consumers dahil may sari-saring klase ng serbisyo ang mga financial institutions na hinahawakan ng iba’t-ibang financial regulators.

Paliwanag naman ni Ong na kailangan ng regulatory authority na makabago at patuloy na umaantabay sa mga pagbabago at tools na mas madaling gamitin para sa isang epektibong proteksyon sa mga mamimili. Sinabi niyang ito ang mga nakapaloob sa House Bill 8301.

“Kapag ganap nang naisabatas ang Financial Consumer Protection bill, agad nang makakahingi ng tulong ang publiko sa BSP, SEC, at IC para sa anumang reklamo kontra sa mga kumpanya at kanilang pinansyal na produkto at serbisyo,” pangako nito.

Tinukoy din ni Ong na ang pangangailangan ng pagtatatag ng isang komprehensibong financial protection regime, kung saan pinagsama-sama ang financial inclusion, financial education, mabuting pamamahala at epektibong pangangasiwa, ay shared responsibility ng mga regulators, mamimili, at stakeholders.

HENRY Ong, pinaliwanag ang nilalaman ng financial consumer act.

Pagsunod sa alituntunin

Sa ilalim ng bill, kinakailangang idokumento ng mga kumpanya o financial service providers ang dahilan ng kanilang pagtatakda ng presyo sa bawat produkto. Kailangan din nitong siguraduhin na mananatiling protektado ang datos ng kanilang mga kliyente.

Bilang mga regulators, may karapatan ang BSP, SEC at IC na gumawa ng kanilang mga sariling alituntunin, mangasiwa ng surveillance off-site at on-site.

“We now have a specific provision under this bill that we can use to go after financial providers taking advantage of financial consumers,” sabi naman ni IC Legal liaison officer Denis C. Cabucos bilang pagsuporta sa nasabing batas. “I think it’s high time to have a separate consumer protection framework for consumers of financial products.”

Dagdag naman ni Ong, kailangang mabigyan ang mga regulators ng kapangyarihan na magbigay ng cease and desist orders na hindi na kinakailangan pang dumaan sa isang pagdinig upang maiwasan ang pagkakaroon ng malalang pinsala sa mamimili.

Sakop ng bagong batas

“House Bill 8301 empowers consumers and regulatory agencies. Consumers can dissect bundled products and pricing details, and are given a cooling off period during which they can cancel or return the contract entered into without penalty, not including the processing fees,” paghahayag ni Ong.

Magtatakda ang nasabing batas ng isang financial consumer protection assistance mechanism kung saan maaaring tugunan ng mga provider ang mga reklamo, hiling at iba pang alalahanin ng kanilang mga kliyente. Layunin din nitong siguraduhin na naangkop sa pangangailangan ng mga mamimili ang mga inaalok ng kumpanyang financial products. Kasama rin sa batas ang cooling-off period upang isaalang-alang ang halaga at peligro sa pagbili ng isang partikular na produkto.

“A financial person is expected to adopt a clear cooling-off policy, as may be prescribed by law or by rules and regulations issued by the relevant financial regulator upon its determination that a cooling-off period is necessary for a particular product subject of regulation by such financial regulator,” nakasaad sa naturang batas.

Pagkakalooban naman ng karapatan ang mga financial regulators ng rulemaking, surveillance and inspection, market monitoring at enforcement powers na siyang may mga kaugnayan upang proteksyunan ang mga mamimili.

Siniguro naman ni Ong na may kaukulang alituntuning kasama ang naturang batas upang siguraduhing gagamitin ng mga regulator nang tama ang kanilang mga kapangyarihan.

“It is the policy of the State to ensure that appropriate mechanisms are in place to protect the interest of financial consumers under the conditions of transparency, fair and sound market conduct, and fair, reasonable and effective handling of financial consumer disputes, which are aligned with global best practices,” paliwanag nito.

Layunin din ng Financial Consumer Protection Act na ilagay ang mga investment advisers sa ilalim ng regulatory jurisdiction ng SEC.

Pinoy mas wais na sa paghawak ng pera

August 8, 2018 by Pinas News

INILABAS NG BSP ang bagong pagsusuri ukol sa mga Pilipinong gumagamit at hindi gumagamit ng bangko.

Ni: Jonnalyn Cortez

HANGGANG sa ngayon, maraming Pilipino ang walang account at hindi gumagamit ng bangko. Sa pinakabagong pagsusuri ng Bangko Sentral ng Pilipinas (BSP) na 2017 Financial Inclusion Survey (FIS), lumabas na 52.8 milyon o 77.4 porsiyento ng mga Pinoy ang walang bangko.

Nakapaloob din dito na tinatayang nasa 15.8 milyon on 22.6 porsiyento na Pilipinong nasa hustong gulang lamang ang may sariling account sa bangko.

Maituturing naman itong magandang balita kahit pa nga tumaas lamang ng .6 porsiyento ang bilang ng mga Pilipinong gumagamit ng bangko kumpara sa 22 porsiyento noong 2015.

Sinasabi ng BSP na ang pagmamay-ari ng account sa bangko ay isang palatandaan ng “financial inclusion.” Maaari itong gamitn upang magkapag-ipon ng pera, tumanggap ng sweldo, tumanggap o magpadala ng remittance at pambayad sa mga bayarin.

PORSIYENTO NG MGA PILIPINONG MAY IPON SA BANGKO

Naitalang mayroong naka-depositong pera sa bangko at iba pang mga institusyong pinansyal ang halos 15.8 milyon na Pilipinong nasa tamang edad noong katapusan ng 2017. Maituturing itong bahagyang pag-unlad kumpara sa resulta ng naunang pagsusulit.

Lumabas naman na 11.5 porsiyento rito ay nagmamay-ari ng account sa mga pormal na sektor ng pagbabangko. Gumagamit naman ng mga non-government organization microfinance ang 8.1 porsiyento ng mga Pilipino. Non-stock savings at loan associations naman ang gamit ng 0.3 porsiyentong mga Pilipino.

Halos 1.3 porsiyento lamang ng Pilipinong nasa tamang edad ang may electronic money (e-money) accounts. Takot naman ang halos kalahati o 46 porsiyento na may mga account sa bangko at internet na gumamit ng e-payments dahil na rin sa isyu ng hacking, paglabag sa personal na seguridad, at pagkakaroon ng hindi ligtas na access.

Tumaas ng tatlong porsiyento ng mga nasa tamang edad na Pilipino ang nag-iipon sa bangko noong 2017. Mula sa 45 porsiyento noong 2015, 48 porsiyento na ito ngayon. Malaki naman ang ibinaba ng bilang ng mga nangungutang. Mula 47 porsiyento, 22 porsiyento na lamang ito ngayon. Bumaba rin ang mga nanghihiram sa mga impormal na pautangan mula sa 72 porsiyento hanggang 40 porsiyento.

KARANIWANG DAHILAN NG HINDI PAGGAMIT NG BANGKO

Sinasabing may kakulangan naman sa sapat na pera ang dahilan ng 60 porsiyento ng mga Pilipino na hindi gumagamit ng bangko.

Labingwalong porsiyento naman dito ay nagsasabing wala silang tamang dokumento na kinakailangan upang makapagbukas ng account. Dalawamput’ isang porsiyento naman ang hindi nagbigay ng rason kung bakit hindi sila gumagamit ng bangko.

Sa karagdagan, 10 porsiyento ng mga Pilipino ang nagsabi na ang mataas na bayarin na kinakailangan upang makapagbukas ng account ang dahilan kung bakit hindi sila gumagamit ng bangko. Siyam na porsiyento naman ang nagsabing wala silang sapat na kaalaman kung paano makakapagbukas nito. Parehong walong porsiyento naman ang nagdahilan ng kakulangan sa trabaho at kamalayan kung bakit wala silang sariling account sa bangko.

RASON NG PINOY SA PAGGAMIT NG BANGKO

Sa kabilang dako, ang nangungunang dahilan ng mga Pilipino kung bakit sila nagbukas ng account sa bangko ay upang makapag-ipon. Sinasabing 42 porsiyento rito ay nais na may nakahandang perang makukuha sa oras na may emergency.

Tatlumpu’t isang porsiyento naman dito ay nag-iipon para sa edukasyon habang 29 porsiyento naman dito ay naghahanda para sa negosyo.

Ginagamit naman ng 23 porsiyento ng mga Pilipino ang bangko upang mapag-ingatan ang kanilang pera at 12 porsiyento naman ang nagsasabing isa itong uri ng pamumuhunan para sa kanila.

Bukod pa rito, ginagamit naman ng 18 porsiyento ang kanilang mga account sa bangko sa pagtanggap ng kanilang mga sweldo. Labindalawang porsiyento naman dito ay upang magpadala at tumanggap ng pera. Ang anim na porsiyento naman ay ginagawa itong daan upang tanggapin ang kanilang pensyon.

Samantala, lumabas din sa pagsusulit na dalawang beses na mas lamang na magmay-ari ng account sa bangko ang mga babae kaysa sa mga lalake. Mas partikular ito sa mga non-government organization microfinance at mga kooperatiba.

“Whereas most developing countries face the persistent challenge of women’s financial exclusion, the Philippines presents an interesting case wherein the level of financial inclusion is significantly higher among women than men,” ayon sa pahayag ng BSP.

***Sa kabila* *ng maraming Pilipinong hindi pa rin nagbabangko, marami-rami pa rin ang nag-iimpok dito.***

KAPAKINABANGAN NG PAGGAMIT NG BANGKO

Halos siyam sa 10 Pilipino na nasa tamang edad ang may transaksyon ng pagbabayad. Animnapung porsiyento rito ay ginagamit ang kanilang hawak na pera. Marami rin ang nakikipagtransaksyon gamit ang remittances. Ginagamit ng 93 porsiyento ng mga Pilipino ang remittance upang magpadala ng pera. Samantala, 80 porsiyento naman ang gumagamit nito upang tumanggap ng pera sa nakalipas na anim na buwan.

***HANGGANG* *ngayon, maraming Pilipino parin ang gumagamit ng ibang remittance providers upang magpadala ng pera.***

Itinala rin sa pagsusulit na 70 porsiyento ng mga Pilipino ang nagsasabing ang madaling pagsasagawa ng transaksyon gamit ang remittance ang dahilan kung bakit marami ang gumagamit sa atin nito. Ilan pa nga sa mga dahilan ay ang mas murang bayad dito, maraming sangay, mas madaling puntahan at ang mabilis na serbisyo.

PLANO NG BSP

Plano ng BSP na isulong ang mga programang digital finance upang mas maabot at mahikayat ang maraming Pilipinong nanatiling hindi gumagamit ng bangko.

“While formal account penetration remains low and growth is modest, there are opportunities for greater financial inclusion enabled by digital technology,“ paliwanag nito sa isang pahayag.

Ginawa nitong halimbawa kung paano hindi nagagamit ang mga accounts sa mga transakyon tulad ng pagbabayad at remittance.

“The BSP therefore aims to develop a digital finance ecosystem that supports the diverse needs of all users in a manner that is secure, sustainable, convenient, and affordable,” dagdag pa nito.

Bunsod nito, nais ng BSP na ipagpatuloy ang pagpapatupad ng National Retail Payment System na magtatakda ng mga patakaran, pamantayan at prinsipyo ng pamamahala pagdating sa digital na mga operasyon sa pagpapabayad at istraktura ng pagbebenta.

Recent News: